Kembang Setaman

PERINGATAN LINGKUNGAN HIDUP

2012-02-06T23:33:00.000-08:00

Siswa -siswa SMPN 2 Surabaya yang telah berprestasi dalam rangka hari lingkungan hidup,tingkat kota Surabaya
1.Diaz Patria Yunianto ( 9H ) : Peserta terbaik dalam Eco Student of the week periode ke 4 Surabaya Eco School .
2.Hani Rizkya Hamdani( 8B):- Siswa terbaik dalam Workshop Gerakan Penghematan Energi.
3-Peserta terbaik II dalam workshop lingkungan “Pembentukan Karakter Peduli dan Berbudaya Lingkungan dengan program Adiwiyata “
4.Muhammad Rafi Paramaditya P.R kelas 8 I, Josep Fernandes Parulian S kelas 8I,Ridha Faradhila 7 F : juara III lomba Fotografi dalam kegiatan jumpa Perjalanan Ekspedisi Peduli Lingkungan .

JUARA LINGKUNGAN SEKOLAH DALAM RANGKA MEMPERINGATI HARI HABITAT.
1.Lomba kebersihan kelas & taman :

Juara 1 : kelas 9C.
Juara 2 : kelas 9B
Juara 3 : kelas 9H
2.Lomba foto :
Juara 1 : kelas 9A
Juara 2: kelas 9B
Juara 3: kelas 8D
3.Lomba mading lingkungan hidup :
juara 1 :kelas 8 F
Juara 2 : kelas 8 B
Juara 3 : kelas 9F
Para pemenang tersebut telah diberi piala maupun penghargaan, yang diserahkan pada upacara bendera hari Senin tanggal 6 Pebruari 2012, selamat.

ING NGENDI ZAMAN ATOM DIWIWITI ?

2012-01-30T18:10:00.000-08:00

Ngadhepeke Perang Donya II, para ilmuwan yakin banget yen energy saka 1 gram uranium, yen dibakar ing kondisisi tartamtu, kekuwatane padha karo ping 10 yuta energi sing ditokke saka jumlah sing padha batubara lan hawa.
Wiwitan tahun 1940an, nalika perang dumadi ing Eropa, para ahli fisika sing padha memungsuhan uga wiwit nimbang-nimbang kanggo nggunakake uranium minangka piranti kanggo nyiptakake bom atom.
Ing Amerika Serikat, perlombaan kanggo nyiptakake “ reaksi berantai” lan mbangun bom atom wiwitan digarap dening sakelompok ilmuwan lan insinyur ing sawijining proyek ajejuluk “ Proyek Manhattan”. Ing wulan Maret 1943, titik focus proyek sawijining “ laboratorium sangat sangat rahasia “ sing manggon ing sawijining gedhung tilas sekolah ing cedhak Santa Fe, sing dijenengi “Los Alamos”.
Bom 2 dirancang ing Los Alamos : sawijining bom uranium kanthi julukan “ Litle Boy “ lan bom plutonium kanthi julukan “Fat Man “, arupa perangkat sing rumit saengga mbutuhake uji coba. Panggonan uji coba sing disebut Trinity, sawjining wilayah gurun kang mencil cedhak Alomogordo, New Mexico.
Pas jam 05:29:45, 16 Juli 1945, donya kanthi resmi miwiti mlebu “Zaman Atom” nalika “ Fat Man “ngalat-alat ing akasa ngadepake parak esuk. Mung ing itungan detik bledhosan Trinity nyiptakake awan mbentuk jamur sing sateruse dadi ikon terror global. Bledhosan kasebut ndadekake glepung alus dasar gurun, dadi “kaca kehijauan “ dideleng saka kadohan Albuquerque lan El Paso.
Kurang saka sawulan teruse, bom-bom saka Los Alamos dugunakake militer AS kanggo nglereni perang mungsuh Jepang. Ing tanggal 6 Agustus 1945, “ Little Boy” ngajar Hirosima lan telung dina teruse , duplikat “ Fat Man “,ngamuk ing Nagasaki.(KMPS,29112, P12).

Tugas kelas 9 semester ganep 2011- 2012

2012-01-26T04:00:00.000-08:00

Tugas kelas 9, saliyane nggarap bab 7 nganti bab 12, gatekna tugas ing ngisor iki.
Kelompok 1 lan 2 : nulis crita wayang seri Ramayana lakon Anoman Obong, kanthi bantuan gambar foto copy . Gambar cacahe ana 6( enem). Supaya gampang anggonmu nulis dibantu Pak Pur.
Gambar 1 :Setting panggonan ing kaputren negara Ngalengka. Paraga: prabu Dasamuka, Trijatha lan dewi Sinta.
Gambar 2 : Setting panggonan ing keputren negara Ngalengka . Paraga : Anoman, dewi Sinta lan Trijatha .
Gambar 3 : Setting panggonan ing alon-alon/ lapangan negara Ngalengka . Paraga : Anoman, Indrajit (anake Dasamuka), Patih Prahastho lan para prajurit.
Gambar 4: Setting panggonan ing pinggiring segara. Paraga : Prabu Rama, Lesmana/Laksmana, Prabu Sugriwo, Anoman lan para prajurit wanara/ kethek.
Gambar 5 : Setting panggonan ing tengah segara. Paraga : para prajurit wanara, Yuyurumpung.
Gambar 6 :setting panggonan ing daratan Negara Ngalengka. Paraga Prabu Rama, Lesmana, Wibisono, prabu Sugriwo , Anoman, Aggada, Anila lan para prajurit wanara.
Kelompok 3 lan 4: nulis crita wayang seri Mahabarata lakon babad alas Mertani.

Gambar 1 , setting panggonan ing pinggiring alas Mertani.Paraga : prabu Matswapati, Seto, Utara, Wratsangka para prajurit Negara Wirata lan para Pandhawa ( Puntadewa, Bima, Janaka, Pinten, Tangsen).
Gambar 2, setting panggonan ing tengah alas Mertani . Paraga : para Pandhawa lan para jin setan sing manggon ing alas prajurite jin Yudhistira.
Gambar 3, setting panggonan ing kedatone jin , tengah alas Mertani.Paraga jin Yudhistira, jin Werkudara, jin Arjuna, jin Nakula , jin Sadewa lan para prajurit jin.
Gambar 4, setting ing tengah alas, ing omahe jin Wilawuk. Paraga : jin Wilawuk, dewi Jinambang lan raden Arjuna.
Gambar 5, ing tengah alas Mertani. Paraga para Pandhawa sing awujud manungsa(tulisen dhewe) lan para Pandhawa sing awujud jin( tulisen dhewe).
Gambar 6, ing Negara Indraprasta/ Amarta. Paraga : Bathara Narada, Bathara Bayu, Bathara Indra, Bathara Wisnu, Bathara Brama, para Pandhawa( tulisen dhewe ).

Katrangan :
a.Sadurunge gambar dilem ing buku kelompok, saben sagambar ditulis dhisik settinge panggonan, paraga lan sinopsis ing buku cathetan.
b.Gambar 1 (siji), digarap bocah 1 utawa 2. Tuladhane gambar 1 seri Ramayana, setting panggonan ing Keputren negara Alengka, paragane prabu Dasamuka, Trijatha lan dewi Sinta digarap/ ditulis nomer absen 1 lan nomer absen 2, ngono sateruse, gumantung akehe anggota ing kelompok mau.Sinopsis bisa dideleng keterangan ing gambar.
c.Yen 6 gambar wis digarap ing buku cathetan lan wis diparap Pak Pur, banjur gambar 1 - 6 , dilem ing buku kelompok, lan tulisan-tulisan ing buku cathetan dikumpulke menyang ketua kelompok, diedit lan ditulis maneh ing buku kelompok.
d. Yen isih bingung nyuwun pirsa pak Pur, ing ruang guru.

sugeng tindak ibu

2012-01-12T18:47:00.001-08:00

“Nang kowe mbesuk dadi dadi guru smp wae wis cukup “ ukara iku sing dak eling-eling ngendikane ibu, nalika aku ngangsu kawruh ing Pecindilan lan ing kampus Ketintang Surabaya . Wektu iku tahun 1977, aku wis mulang ing sawetara SMP lan SMA . Kabukten ngendikane ibu, aku diangkat pns guru smp negeri nganti saiki, malah yen Gusti Allah maringi umur dawa, aku pensiun wulan November 2012.
------------------------------------------------------------------------------------------------------------------------------------------
“Nang aku aja kok kirimi tangis ya “ ngendikane ibu nalika ampeyane dak pijeti. Tangisku saya ndadi bareng dakpijeti ampeyane ora krasa apa-apa, kamangka anggonku mijeti dakgetke.Mung kawetu ing lesanku , embuh ibu mireng apa ora “ Enggal dhangan ibu, putra nyuwun pangapunten sakathahing lepat kula, ibu “Sajake ibu pirsa apa sing dak rasakke, terus ngendikan “ wis ora sah nangis, yen arep ngalor ( mulih menyang Surabaya ), ndang budhala celuken adhimu, kon njupukke dhuwit njero lemari kanggo buyutku “ aku ya mangsuli “ boten sisah bu “, ibu ngendikan maneh “ wis ta manuta “

Rabu 28 Desember 2011, sanajan murid libur guru kudu mlebu .Dak siyapake kegiatan dina iki, ora sengaja tanganku sangga uwang,pikiran ngawang, kosong kelingan sing ora-ora, kanca sing lagi umeg ngobrol ora narik kawigatenku. Ujug-ujug, dik Helmy pegawai staf TU kantorku ,mara nyedhaki “ pak Pur mau pulang ke Pacitan tah, pulang aja sekarang ” banjur dak wangsuli “ besuk dik Helmy, besuk Kamis bersama keluarga” dik Helmy ngomong maneh “ sekarang saja, wis gak usah mikir kegiatan, coba telpon rumah “ atiku wis ora kepenak. Aku banjur metu, lagi wae jumangkah hpku geter , dak rungokke saka nyku warta sing ngagetake “ mas ndang kondur ibu seda, ora sah kesusu, Antok barang ya melu saiki lagi ijin kantore, mengko disopiri Antok gentian karo mas Ari,k ipene “ omonge nyku wis ora sepira dak rungoke.Tekan ngomah nyku wis tata-tata, kari ngenteni anakku.” Ora sah nitih bus, tekan Pacitan malah cepetan mobil, aku wis pesen nyang adik-adhik, ibu enggal-enggal disarekake” aku mung mangsuli “ I y a “.Bareng wis kira-kira cukup sakabehane aku sarombongan kalebu putuku loro Jam 11 awan budhal tumuju Pacitan. Tekan Jombang aku telpon adikku sing ana Kendal Semarang, lan iya wis budhal lan lagi tekan Ungaran . Tekan Pacitan kurang luwih jam wolu bengi lan kaya sing dirancang, bisa ketemu adikku saanak putu. Mobil loro iring-iringan arah ngetan jurusan Lorok. Swasana udan katambahan petenge wengi lan hawa saya atis. Tekan Wonadadi jam 22.00, adik-adik lan sawetara famili ngantu-antu , lampu isih katon padhang, kursi-kursi isih durung diringkesi.

Ing sisih kiwane paleremane swargi bapak, urugan lemah isih durung garing, lan kembang-kembang sumebar katata rapi,apepayung wit kemboja kang kembange nedhenge mekar, ibuku sing dak tresnani wis sumare kanthi tentrem, aku wis kelangan , aku wis ora duwe bapa ibu, SUGENG TINDAK IBU .

macapatan

2011-12-19T14:15:00.000-08:00

1.Yen nangis lare puniku, lela-lelanen anuli, supaya doh kang lelara, sarap sawane alari,tan wani anyedhakana, saking rokhmate Hyang Widhi.

2.Winacaa puji iku, setan lumayu anggendring, sarap sawane anyimpang, panca baya pan sumingkir, kala-kalane akesah, datan wani amarani.

3.Pitik tulak pitik tukung, tetulake jabang bayi, situlak tunggu ing marga, situkung makungkung ngarsi, cacing recek samya ilang, kruma-kremi padha mati.

4.Ana kinjeng nangis mabur, amencok ing sela hardi, mireng tangise si jabang, arsa nyuwuk anjampeni, jabang bayi wis menenga, wis turua awya nangis.

5.Sapa manglong-manglong iku, apa sira maling sekti, ing lor kidul kulon wetan, den kongkon aguna maling, amburu siasu ajag, dipoma den konsi mati.

6.Maling aguna sireki, kalawan si bajing kikik, miwah si aji palampang, reksanen si jabang bayi, mburu si jinadha jantala, lawan sigumarang sapi.

7.Miwah seceleng demalung, tundhungen dimen angalih, yen wis nora katinggalan, sira balia den aglis, reksanen ingkang santosa, anakingsun jabang bayi.

8.Sawengi ajana turu, dimen adoh kang bilahi, sumingkir ingkang lelara, tan ana wani nyedhaki, muliha awya nggegawa, sijabang amales becik .

(sumb.kitab primbon.BA, 44-45 )

remidi uas

2011-12-16T21:41:00.000-08:00

Sing mbaleni/remidi UAS Basa Jawa SMP 2 SBY semester gasal 2011 – 2012, ing ngisor iki :

Kekas IX A , nomer absen :8, 19, 24, 31, 35, 36 = 6 murid
Kelas IX B, nomer absen :22, 25, 29 = 3 murid
Kelas IX C, nomer absen :8, 15, 19 = 3 murid
Kelas IX D, nomer absen :5, 13, 17, 21, 24 ,25, 27, 28, 30, 33, 37, , 38 = 12 murid
Kelas IX E, nomer absen : 1, 3, 10, 13, 15, 18, 22, 23,25, 26, 30, 36, 37, 38 = 14 murid.
Kelas IXF, nomer absent : 1, 3, 6, 7, 9, 10, 12, 15, 16, 17, 19, 29, 30, 31, 32, 37 = 16 murid.
Kelas IX G, nomer absen : 1, 5, 7, 10, 13, 17, 18, 25, 32, 37 = 10 murid.
Kelas IX H , nomer absen :2, 5, 7, 8, 21, 22, 23, 25, 28, 30, 31, 36 = 12 murid .
Kelas IX I : -
Kelas IX J : -

Nomer kasebut ing ndhuwur/ sing remidi, mung ngumpulne buku cathetan lan garapan ing buku pendamping bab I - bab VI, palimg telat dina Selasa tanggal 20 Desember 2011 .
Remidi ora mung ndeleng UAS, nanging iya ndeleng UH1, UTS tugas lan liya-liyane. Yen kurang jelas bisa nyuwun pirsa Rak Pur/ Bu Endang ing ruang guru.

materi ulangan

2011-12-11T12:52:00.000-08:00

Materi ulangan Basa Jawa kelas IX , smp2 sby semester gasal 2011 -2012 , bab I nganti ban VI .
Bab I Drama crita rakyat : Andhe-andhe Lumut .
Bab II Drama kedadeyan padinan : Kelangan HP.
Bab III Pidato : Pidato pentas seni.
Bab IV Wacana :Informasi Jawa Tengah .
Bab V Tembang Macapat Dhandhanggula : Pancasila .
Bab VI Wayang kulit :kanthi lakon Petruk madeg pandhita .
Jadwal ulangan Basa Jawa dina Kamis , tanggal 15 Desember 2011 jam I : 07.30 - 09.00 .

jujur, pejabat lan pinter

2011-12-01T13:01:00.000-08:00

Jujur lan pinter, ora sudi dadi pejabat, apa sebabe ? Amarga ngerti yen dadi pejabat iku awujud amanah, sanggane abot,sejene iku godhane akeh, donya brana lan wanita iya apa ora ?
Pinter yen wis dadi pejabat ora kira jujur, apa sebabe ya amarga wis kepenak ngrasakae kamulyan, saben dina keceh arta ora perduli rakyate kang sarwa kecingkrangan, linak litu lingga lilur, lali anak lali putu lali tangga lali sedulur.
Jujur dadi pejabat ,ora kira pinter alias bodho. Mbingungisasi, karo kanca sing wis dadi team suksese lali, yen ana proyek malah diwenehke wong liya, dudu partai sing nyengkuyung dheweke...........
SAPA SING BINGUNG NGACUNG ?

Kebun Binatang Surabaya, dhuh komodo ...... dhuh satwaku..........

2011-11-06T12:57:00.000-08:00

Bebarengan karo kawentare kang terus deder, komodo dipilih dadi ikon Kebun Binatang Surabaya. Nanging dadi logo anyar KBS, ora njamin “ senenge “ komodo ing kebun kewan kang umure 95 tahun iku.

Dina Minggu (23/10) jroning kandhange, komodo mati siji. Tim dokter nduga paneyebab matine kewan mau amarga infeksi ing saluran telur, nanging ing awake uga ditemokake tatu njarem. Saliyane iku, ing Kebun Binatang Surabaya (KBS), uga ora aman maling kewan. Ing wulan Maret, anak komodo sing cacahe telu amblas saka kandhange. Sarwa nggregeteke, nganyelake , megeleke, ironis, Ora adoh saka kandhang komodo dipasang spanduk iklan pemihan komodo kadidene keajaiban donya :”Komodo Kita Keajaiban Dunia “. Matine komodo nambah daftar dawa kewan sing mati ing KBS. Sawetara dina teruse, siji babi rusa ya mati, banjur baya muara, bekantan, ula piton, gajah lan jalak bali sing mati luwih dhisik.
Manut data KBS, Januari nganti September 2011, wis ana 245 kewan sing mati. Pancen kanthi populasi 4.020 kewan, mesthi ana kewan sing mati. Mung wae matine kewan mau amarga lara, ora kok wis tuwa. Warsito, salah sijine karyawan sing wis nyambut gawe ing KBS wiwit tahun 1994, ngelingake matine kewan kang akeh, wis kedadean makaping-kaping. “ Matine kewan iku wiwit maneh wiwit 2006. Wektu iku ana konflik , kepengurusan. Kahanan mau terus nganti saiki “ omonge. Manut dheweke, konflik jroning pengelola KBS ndadekake karyawan kaya dheweke ora nyaman nyambut gawe “ Ya bener tetep nyambut gawe, nanging rasane tetep ora legawa “ omonge. Liang Kaspe, Kepala Rumah Sakit Hewan KBS, ngakoni yen umume kondisi kewan ing ing KBS ora “ sejahtera “. Iki antara liya disebabke kondisi kandhang sing ora layak dienggoni amarga kepangan umur. Ndandani kandhang saya arang-arang.Wiwit dibangun taun 1916 nganti saiki ora ana renovasi kandhang gedhen-gedhen. Macan ing bonbin iki prasasat ora weruh padhange srengenge, amarga kandhange ciut lan katutup. Iwak-iwak ukuran gedhe uga dikunjara jroning akuarium ciut lan peteng. Maneka warna rusa ya ora bisa mlayu kanthi bebas amarga ana pager wates.

Direktur Lembaga Pemerhati Konservasi Profauna, Rosek Nursahid mbiji akeh kandhang KBS ciut lan ora dijangkepi panggonan sing bisa kewan-kewan mau bisa urip alami. Wates antarane pengunjung lan kewan cedhak “ Dadi pengunjung bebas nindakake apa wae karo kewan mau.Pengunjung bisa nyawatke panganan menyang njero kandhang “ omonge. Lan ya bisa dipesthekake kewan dadi korban. Saka jero wetenge kewan sing mati, petugas kerep nemokake gulungan plastik lan gombal. Rosek mbiji. Kandhang sing ora layak nduweni akibat mudune kebebasan lan kuwarasane kewan. Kahanan ngono mau saya runyam kanthi anane konflik tarik ulur sing ngelola KBS. Konflik diwiwiti taun 2000 an . Diwiwiti saka konflik internal, banjur mrembet kegiatan konservasi satwa saya minim. Akibate bisa dibadhe akeh kewan sing lara lan pungkasane ya mati. Konflik antara liya iya muncul amarga potensi ekonomine. Mbladere panggonan hiburan modern ing kutha Surabaya pranyata ora ngurangi minate masyarakat nekani KBS. Saben pungkasane minggu lan liburan KBS dijubeli ora kurang 5000 pengunjung. Mula saka iku akeh wong sing modale kuwat kepengin nguwasani lahan kang jembare 15 hektar. Apa maneh panggonane strategis ing kutha Surabaya. Tahun 1999 upamane , meh wae “hutan kota “ pindah tangan menyang sing modhale kuwat arep didadekne pertokoan lan hotel.
Gonjang-ganjing konflik pengelolaan KBS , kepeksa Menteri Kehutanan Zulkifli Hasan nerbitake keputusan bab Tim Pengelola Sementara Kebun Binatang Surabaya (TPSKBS). Tim sing ketuane Tony Sumampau iki, nduweni tugas ngelola KBS lan njaring investor sing nduweni potensi. Tugas tim iki “ diperpanjang “nganti Februari 2012. Manut Tony , sasuwene TPS nyambut gawe, wis akeh owah-owahan ing KBS. Lingkungan KBS luwih resik, kewan sing amti ya suda adoh. Mung wae , kanggo ndandani KBS mbutuhake renovasi total. .” Butuh dhuwit kira-kira 90 milyar kanggo renovasi total.Dadi perlu ana investor, “ omonge Tony. Ya amarga masa kerjane TPS mau njalari konflik anyar. Walikota anyar Tri Rismaharini rengu amarga lahan KBS , sawijining aset Pemkot Surabaya. Mula saka iku pengelolaan KBS luwih apik ditangani Pemkot Surabaya. Risma wis ngajokake proposal menyang Menhut supaya bisa ngelola KBS, “TPS ora perlu nggolek nggolek investor, amarga Pemkot dibantu sakabehing pegawai KBS sing wis kompeten banget, bakal bisa ngurus kewan kanthi profesional. Aja nganti KBS dadi hotel “ omonge Risma.
Rosek iya ngomong yen sing ngelole mung golek untung thok njagakake dhuwit sing mlebu KBS, ora layak ngelola kebun binatang mau.. “ Apa maneh nganti ana ada-ada mbangun hotel sing menune kewan ing KBS. Iku ora cocog upaya koservasi .” omonge Rosek ( sumber.kom.1.11.11 ).

REMIDI UTS LAN TUGASE, smp2sby

2011-10-27T22:39:00.000-07:00

Sing remidi UTS wulangan Basa Jawa lan tugase .
Kelas IX A nomer absen : 8, 19,31 .
Kelas IX B nomer absen : 29, 34.
Kelas IX C nomer absen : 1, 3, 29
Kelas IX D nomer absen : 21, 27, 30, 37, 38
Kelas IX E nomer absen :4, 5, 10, 15, 18, 22, 23, 25, 26.
Kelas IX F nomer absen :1, 6, 12, 15,16,17,29,30.
Kelas IX G nomer absen : 1,7.
Kelas IX H nomer absen : 5, 8, 18,24, 31.
Tugase : Nulis warta upacara dina Sumpah Pemuda 28 Oktober 2011, ing lapangan SMPN 2 Surabaya.
Ditulis ing kertas folio, dikumpulne paling telat dina Senin tanggal 31 Oktober 2011.

glagepan banyu pdam surabaya

2011-10-17T20:51:00.000-07:00

Tanggal 13 Oktober 2011 nyku sida nekani undangane PDAM Surabaya, isine undangan nyekseni tera angka langganan . Wah ya duwe pengarep-arep bakal normal maneh anggonku mbayar langganan banyu mau lan bakal oleh kalonggaran kanggo nyicil, ngono batinku.Sore aku teka saka nyambut gawe, langsung dilapori bab asile nekani undangan PDAM, iki sing dicritakake .
PDAM : wis bu ya, wis ditera ,saiki ibu menyang loket sebelah kana lo bu....”. .Nyku mara marang sing dituduhke , pranyata loket pembayaran. Bareng diwenehi kwitansi, kaget amarga totale 600.000 rupiah luwih, lan iya setengah kaget amarga wingi wis disetujoni yen dicicil. lan diwenehi kwitansi sing nuduhake kliwat saka 600.000 rupiyah . Nyku bantah “ lo wingi rak wis dirinci yen dicicil ta,mung wae saiki aku ora nggawa rinciane piye ta iki, antarane pegawai siji lan sijine kok ora padha “ ngono nyku ngeyel wiwit emosi.
PDAM “ sik ya, amarga ibu durung mbayar mula dipedot “
Nyku “ Kasep pak, pancen wis dipedhot lan banyu ya ora mili, nanging wingi wis ngetokke biaya Rp 16.500, kanggo mbukak banyu . Pegawai sisji lan sijine kok beda panemu “.
PDAM meneng nggoleki bukti lan ya ketemu, banjur sesorah, yen anggota kulawarga ana 5, lan enteke banyu mung samono rata-rata sawulan 60.000 rupiah iku kurang, mulane mbendol mburi. Nyku sing dasare wis bosen bola-bali menyang PDAM , emosi ora bisa dicandhet, omonge : “Kok ana istilah mbendol buri ki piye, wong saben wulan dikontrol, kleru kok saben wulan pak, tanggaku sing akehe anggota kulawarga sepuluh kliwat. Iku mung entek ben wulane ora luwih saka 60.000 rupiah, pantes ra yen aku mung 5 anggota kulawarga sawulan 350.000 rupiah. Pak aku manggon wis meh telung tahun, ayo sampean print pira rata-rata sawulan, lan kapan aku lapor. PDAM mangsuli “ iya nanging ibu olehe lapor telat mula banjur digawekke kwitansi”.
Nyku mangsulu : Lo kok lapor telat ki piye ? Wis aku dak crita disik. Wulan Juni 2011 aku lapor amarga entek akeh. Aku dierih-erih/dirayu supaya mbayar, lan ditanggung wulan ngarep wis normal ora sah kuwatir, aku manut kanthi abot dak bayar padha karo kwitansi Rp,337.890 ( telung atus telung puluh pitu ewu wolung atus sangang puluh rupiah), wulan Juli Rp.59.890,- iku wae meterane diawur supaya aku ora nesu, wulan Agustus Rp.352.490,-, aku iya wis lapor lan petugas mung ndeleng thok ora nemokake penyebabe, mula aku ora gelem mbayar, wulan candhake September 2011 sing kudu dak bayar Rp, 251.790, aku iya emoh mbayar lan ya wis lapor menyang PDAM . dak deleng total sing kudu dakbayar kalebu denda Rp,604.280,- intine saben wulan lan entek akeh aku iya wis lapor tetep ora ana tindakan lan ya ora digoleki penyebabe,lagi wulan katelu September 2011 konangan yen pipane bocor.......Pancen bener pak entek samono tanggungane pelanggan ,,,,,, nanging yen ana kebocoran pipa PDAM arep dibebanke mutlak pelanggan , apa bener?.Kesel pak angger mrene pitakone iku-iku wae ,sing lapore terlambat , sing meterane salah,sing ika.....sing...... wong pipane bocor sing nanggung kok konsumen kabeh ....biyen telung tahun kepungkur ya entek akeh, mbayar akeh ....... lan meterane diganti.......dinolke maneh....... bareng wingi ditliti lan arep diganti meteran anyar tibake meteran gawean tahun 95 ,iku wae aku mbayar 100 ewu, wingi ganti meteran maneh , meteran diunggahe tenaga lan pirantine aku cucul dhuwit 200. 000 rupiah, tenagane 150.000 lan tuku peralatan baut lan puteran 50.000 rupiah .
PDAM :” Bu nanging sampean tetep mbayar iki sistem “
Nyku : “Sistem salah kok diteruske, wong penyebabe durung ketemu kok dikon mbayar “.
Otot-ototan mlaku terus lan kaya sing badhe sadurunge, nyku kudu tetep mbayar, suk kapan lan nyicile pira aku wis ora sambung, krungu crita mau sirahku kliyeng-kliyeng ngelu nganti olehku curhat iki ukarane morat- marit dasar ora konsentrasi akeh sing dak pikir, apa maneh diwenehi cathetan nyku sing kudu dak bayar total ana 604.250 rupiah ditambah kurang luwih 517.500 rupiah , totale RP. 1.121.780 ,-( satu juta seratus dua puluh satu ribu tujuh ratus delapan puluh rupiah) wis kalebu denda, biyuh ....iku mung banyu...... telung wulan, kudu mbayar sak juta sayuta luwih..........walah nyu ....... banyu . Yen ngene aku kepengin nglaporke nyang Yayasan Yembaga Konsumen Indonesia ( YLKI) utawa pihak YLKI kira-kira bisa maos apa ora ya ?.Arsip kirim layang menyang PDAM Surabaya atas nama nyku , balesan, sarta dokumen sawetara liyane isih dak simpen, embuh yen ilang diguwang putuku......embuh kono ........( curhat daktulis nganggo basa jawa).

Materi uts semester 1 th 11-12,smp2 sby, remidi lan tugase

2011-10-10T20:31:00.001-07:00

a.Materi UTS bab 2 lan bab 3
b.UH 1 sing remidi yaiku :
Kelas IX A nomer absen : 3,5, 8, 12, 14, 22, 28,33, 35, 36.
Kelas IX B nomer absen :22, 27.
Kelas IX C nomer absen : 8, 31.
Kelas IX D nomer absen :5, 13,17,30, 36, 37.
Kelas IX E nomer absen :1, 3, 8, 12,13,15,18,23, 26,30, 31,33, 36,37.
Kelas IX F nomer absen :3, 6,7,10,12,30.
Kelas IX G nomer absen :1,2,5,7, 8,10,11,13.15, 18,20,22,23,25,32,37.
Kelas IX H nomer absen :5, 8, 21, 23, 25, 28, 33.

.

Tugas pilihen salah siji : 1.nembang macapat Pucung kanthi teks :
murid iku,wajib bekti lan mituhu,
pituturing dwija,
sabarang reh ngati-ati
tatakrama empan papan katindakna.
2.maca geguritan , geguritane golek dhewe
3.golek crita cekak banjur dilempelne / dilem ing buku cathetan.

Kelompok kelas

2011-10-02T17:24:00.000-07:00

KELOMPOK KELAS IX SPENDABAYA TAHUN 2011 – 2012 , WULANGAN BASA JAWA ,KELAS IX A - IX J.
Kelompok I nomer absen : 1, 2, 7, 8, 9,10,15, 16, 17, 18 .
Kelompok II nomer absen : 3, 4, 5, 6, 11, 12, 13, 14, 19, 20 .
Kelompok III nomer absen :21, 22, 27, 28, 29, 30, 35, 36, 37 .
Kelompok IV nomer absen :23, 24,25, 26, 31, 32, 33, 34, 38 .
Tugas kelompok : golek naskah pidato saka para tokoh nasional / riwayat tokoh nasional dijarwakake nganggo basa Jawa banjur dilem / ditempelke ing buku kelompok kaca 5 (lima ).
Dikumpulke minggu ngarep, tanggal 10 – 14 Oktober 2011..

REUNI SMPN 2 SURABAYA angkatan '79

2011-09-14T21:35:00.000-07:00

“ He aja rame apaa rek , aku dak ngomong yen kabeh rame aku mudhun lo “ ngono cluluke mas Wahyu Muryadi wartawan TEMPO nalika didaulat aweh sambutan ing adicara reuni SMPN 2 Surabaya, dina Minggu tanggal 11 September 2011, Sawetara kanca alumni ana sing cluluk aruharuh “ Wahyu nesu......kae lo..... meneng apaa rek .....”, rupane mas Wahyu iya nglenggana maklum wis meh 32 tahun ora ketemu dadi swasana ya ngono kuwi , gemrenggeng rame kaya tawon.

Bareng wis rada lerem Mas Wahyu banjur nutugake sambutan. “ Ngene ya mbok ayo ngelingeling para bapakibu guru lan para kanca alumni sing wis seda padha donga ya..... lan adicara iki dak jaluk ora mung cukup samene wae , kudu ana bacute, sukur –sukur nggawe yayasan, embuh ing bidang apa, mula kanca-kanca kudu sing ngerti......, saupama iya ..... aku saguh dadi donatur tetap...... kabeh mau minangka bukti yen kita iki tetep peduli ing jagading pendidikan utamane almamater kita SMP Negeri 2 Surabaya iki........”ngono omonge lan disambut aplaus tandha yen setuju.

Adicara sing diwiwiti jam 09.00 wib, pancen semuwa banget, gayeng katitik olehe ngomong ora ana lerene. Saliyane ketua panitia Mas Irfan sing paring sambutan, uga pak Hidayat minangka Kepala Sekolah lan sawetara bapak ibu guru sing mulang tahun 79an.

Bapak Hidayat nelakake panuwun banget marang kepeduliane para alumni, dene wis kerayaraya paring sumbangan awujut kanopi kanggo masjid nggon wudhu lan sumbangan pribadi awujud mikroskop. Salah siji alumni mau crita yen biyen nalika praktek IPA tau mecahke, dadi ya saiki lagi bisa ngijoli.......wahh...... kesuwun... nedha nrima. Bapak ibu guru sing rawuh, nalika kondur isih dioleholehi, bareng tekan ngomah dak bukak, wadhuh eyange Ricky sing seneng.......banjur coba dak ramesi.

Kranjang sing digawe sak pring : minangka wadhah. Samubarang kudu ana wadhahe, kegiatan kudu ana wadhahe, yen ora bakal kececeran, mblader tekan ngendiendi.
Anduk: minangka lap ngresiki barang sing kotor, lire aja katutan barangbarang sing ora ngendi asalusule, kudu rezeki sing halal, yen ora halal bakal ora barokah, nistha banget urip ing alam donya .
Fulpen:piranti kanggo nulis, ateges kita kudu sregep sinau, ana wewarah saka njeng Nabi , sinaua wiwit lair ngati tumekaning janji/ nganti ing liang lahat .Sinau hukume wajib dudu sunah .

Gantungan kunci awujud lambang SMPN2 Surabaya dene walike kaca pengilon : ngelingeling yen kita alumni ing sekolah iki, kanthi kekurangan lan kaluwihan, aja digoleki alane, nanging kudu ngelingeling endi sing apik apa maneh kitawajib bekti marang bapak/ibu guru sing wis maringi ilmu sasuwene iki. Dene kaca pengilon kita kudu introspeksi apa kang dadi kekurangan kita jer manungsa ora luput saka kekurangan, apa sing wis kita darmabektekake marang liyan, apa tumindak kita wis migunani kanggo wong liya.

Dhuwit : kabeh kudu disranani nganggo dhuwit, jer basuki mawa beya , lire kita ora mung cukup aku tresna SMP2 Surabaya , nanging iya kudu ana tandha yekti sing migunani kanggo almamater.
MUG/ CANGKIR ana tulisane jenenge guru lan simbol SMP2 Surabaya :aku ora bakal lali yen kok wenehi kenangkenangan lan kanggo crita anak putu yen aku tau mulang ing kene, SMP2 Surabaya iki.
Wah, pangapurane ya yen ana kleraklerune tembung saka Eyang/ Pak Pur , matur nuwun wis dioleholehi samono akehe, mugamuga gampang olehe golek sandhang pangan, seger kuwarasan lan tetep setya labuh negara .Amin
Ing postingan iki ana sawetara album foto, mangga dikomentari.

REUNI SMPN 2 SURABAYA angkatan '81

2011-09-12T23:15:00.000-07:00

Nekani reuni SMPN 2 Surabaya lulusan tahun 1981, gayeng banget . Sing dadi pembawa acara mak Bongki JTV , agawe ger-gerane sing padha rawuh . Ana rasa mongkok, bombong marang para alumni dene ora padha lali marang almamatere, ya sekolah iki SMP Negeri 2 Surabaya .Saliyane reuni para alumni iya ora lali paring tandha mata mirunggan arupa kanopi sing dipasang ing sisihe masjid Arrohmah SMP Negeri 2 Surabaya, pamrihe supaya para jamaah utamane para murid luwih krasan ing masjid kang dibangun sawetara wektu kepungkur. Kesuwun banget mugamuga tansah pinaringan ing karahayon gampang gengser anggone golek sandhang pangan , amin.Ing postingan iki sawetara album reuni tanggal 4 September 2011, ing aula SMPN 2 Surabaya .................. ayo dikomentari, karo Pak Purwito ora lali ta, biyen aku mulang nggambar banjur ketrampilan sablon tau mulang elektro, ... e ........kenangan sing ora dak lalekake........

Mudik 1432 H

2011-09-11T22:04:00.000-07:00

GUWA GONG, GUWA TABUHAN LAN PANTAI TELENG RIA , KABUPATEN PACITAN.
Crita mudhik ora ana entek-entekke, kaya sing dak alami riyaya tahun iki. Olehku sholat Ied dina Selasa tanggal 30 Agustus 2011, dina iku aku ana ngomah wae nampani unjung unjung saka anakputu. Aku sakulawarga ora unjungunjung marang tangga kiwa tengen. amarga tanggatangga riyayane/ sholate dina Rabu 31 AGUSTUS 2011.. Wingenane anakku wis duwe rencana yen riyaya taun iki lelungan menyang Pacitan wae lan uga panggonan wisata sing ana ing sakupenge Pacitan.Aku iya nayogyanei banget awit wis meh 28 tahun ora tahu ngerti kemajuane kutha Pacitan. Paling-paling yen menyang Pacitan ya mung ing terminal Tanjung sari, kreteg Penceng sing saiki wis ora penceng sapengalor bablas Arjosari, Tegalombo, Gemaharjo bablas Slahung, Ponorogo Madiun Caruban Saradan Nganjuk Kertosono Jombang Mojoagung Mojokerto (omahe nyku), lan Surabaya olehku ngupaya boga wis iku thok. Dina Selasa tanggal 31 Agustus 2011 jam 02.00 wayah tengah wengi aku budhal mudhik. Amarga etungane telung kulawarga, kepeksa nganggo gledhekan jepang loro.Ora kacarita lakune gledhekan lancar kurang luwih jam 9 tekan ing Pucangombo, Pacitan . Sungkem karo ibu, banjur mlaku-mlaku ngubengi kutha Pacitan.

Esuke tanggal 1 September 2011, menyang guwa Gong, ing tlatah Punung . Dina iku para pengunjung akeh banget, arep mlebu wae rada kangelan, ketambahan kipas angin ing njero mati siji, dadi kanggone awak sing tuwa iku ya rada menggehmenggeh.Ing guwa mau kanthi ora kasengaja ketemu karo Drs Wakino, sing nemokake guwa Gong iki.Saka guwa Gong banjue neruske laku menyang guwa Tabuhan, papan ndhelike Sentot Prawirodirjo nalika dikuyakuya dening Walanda, duk ing perang Diponegoro. Ing kono panggonan rada omber lan ora sepira kangelan mlebune, pengunjung wis akeh sing kondur. Tanggal 2 September, aku kulawarga ndeleng pantai Teleng Ria awit pancen ngancik 32 tahun ora mrono, wah kemajuane akeh banget, dikonsep kanthi profesional . Arep parkir wae kangelan, untung ketemu Denbey Rimboko, petugas sing ngatur parkir. Nyku tuku urang goreng laro iwak tuna sing pancen regane rada kacek. Kapankapan mrono maneh nganti tuwuk .

Wah jenenge putu ora bisa disanak, saking senenge klekaran ing pasir, mlayu mrana mrene poto kana kene, nganti bingung golek papan, awit mranani kabeh. Pengunjung dina iku jan tumplekbleg tenan, dak waspadakae didominasi kendaraan B Jakarta. Rampung mejeng ing pantai Teleng Ria banjur tatatata mulih. Jam 12 awan tekan Gemah Arjo ketemu Mas Dibyo, pelukis kaloka sing saiki pidalem ing Bandung. Gledhegan Jepang mlaku terus tekan,Caruban diguwang mengiwa, byuh matal macet total, tekan Surabaya jam 10 bengi......slamet.....slamet

SUGENG ARIADI 1432 H

2011-08-22T14:04:00.000-07:00

dhandhanggula amba amiwiti
wulan Syawal ing warsa Hijriyah
sawusnya siyam nindakke
tigang dasa ri nutug
meper dhahar lawan guling
uga tingkah lan pangucap
iku kang tinuju
amung nengenke ibadah
konjuk Gusti kang murbeng dumadi
slamet donya delahan

wiwit dalu dumugining enjing
takbir saha tahmid angumandhang
Ngagungken apangeranNe
Gusti Allah satuhu
Panguwaos kang rohman rohim
saindheng jagad raya
datan angon wektu
kabeh saisi bawana
tan ana kang luput takdir illahi
mula pancen sanyata

Umat Islam ing jagad puniki
ngantu antu dinten ingkang mulya
Idul fitri ya arane
kakung putri nom sepuh
gegancangan tindak tumuli
tan cicir sakluwarga
wya supe ruh-aruh
kanan kering pra tangga
kantun milih pundi ingkang suka ing galih
ing masjid apa lapangan

lenggah jajar urut kanan kering
ngajeng wingking tan ana kang gothang
anyemut tan rinasakke
mirengken khotbahipun
pangarsaning agami nenggih
iya da’i lan ustad
tan bosen pitutur
dadya umat ingkang setya
adhedhasar kitab Qur’an saha Hadis
tuntunan umat sadaya

sampun rampung sholat idul fitri
samya suka karenaning driya
sesalaman gebinage
gegancangan dha kondur
sampun nengga nisepuh nuli
mapag agita-gita
sembah sungkem konjuk
tandha setya mring sudarma
nyuwun idi pangestu lan pangaksami
apura lan ingapura

kepareng kula taliman tabik
kagem sedherek lan para mitra
tan saged anyebutake
kula saanak putu
ngaturken sugeng riadi
jipatluro hijriyah
siji syawal wektu
ari ingkang tuhu mulya
pangaksama lahir trusing batin
manggya ing karaharjan

abang putih ing tapel wates Indonesia-Malaysia

2011-08-21T15:27:00.000-07:00

Kurang luwih 4000 wong, saka anggota TNI, POLRI, pelajar lan warga ing tapel wates, menthang gendera abang putih sing dawane 3000 meter tanggal 16 Agustus 2011, jam 14.00 WITA. Aksi sing digagas LSM Panjiku bebarengan karo Barisan Pemuda Perbatasan , diwiwiti ing titik nol RI-Malaysia, tepate ing petok 215 A, Desa Sekadayan Taka, Kecamatam Nunukan, Kabupaten Nunukan. Manut ketua LSM Panjiku Nunukan Mansur Rincing, ide aksi kasebut thukul saka nurani masyarakat Nunukan, kususe warga tapel wates.”Kadidene warga ing tapel wates, kita ora kepengin yen tapel wates iki dijajah negara tangga ing sektor ekonomi. Kita kudu njaga kedaulatan Republik Indonesia, “ omonge.Kanthi aksi kasebut, warga ngajab Presiden RI Susilo Bambang Yudoyono, supaya langsung ndeleng kondisi warga ing tapel wates sing sasuwene iki terisolasi.Manut dheweke, aksi kasebut lagi iki ditindakake ing wilayah tengah Indonesia.”Iki sekaligus kado istimewa kanggo negara. Apamaneh jroning wektu 66 tahun Indonesia mardika, lagi iki kita mengeti kamardikan kang bebarengan karo 17 Ramadan, “ omonge.
Mansyur uga ngaturke panuwun marang kabeh warga Nunukan, TNI, POLRI, pelajar lan Muspika sing nyengkuyung aksi kasebut. Ketua Pemuda Pancasila Kabupaten Nunukan Muhammad Nurdin Kule nyatakake, kegiatan iki mujudake upaya kanggo ngrabuk rasa nasionalisme ing tapel wates.” Sasuwene iki kawigaten saka pemerintah pusat minim banget.Kanthi kegiatan iki, aku kabeh ngareparep ,pemerintah nuruti pepenginane warga. Aku kabeh ngareparep, pemerintah pusat ndadekake daerah tapel wates dadi maju”omonge.Ketua panitia Haris Arlek nyatakake siap nggelar aksi sing padha ing daerah saliyane tapel wates.” Nanging modele seje, ora menthang gendera, “ omonge.
MENEK UWIT SING DHUWURE 100 METER, ING MEDAN.
Salah sijining warga Desa Namo Batang, kecamatan Namo Rambe, Medan duwe cara unik kanggo nyambut HUT ka 66 RI.Marhen Sembiring, 42,duwe niat ngibarake gendera abang putih ing sandhuwure wit raja(tualang), sing dhuwure 100 meter ,tanggal 17 Agustus 2011, jam 13,00, sawise upacara. Wingenane(16/8), kirakira jam 12,00 bapak kang duwe anak telu iki, menek uwit sing dhuwure 100 meter masang cagak gendera. Dheweke uga nulis HUT ke 66 RI, nganggo cet abang ing dhuwure wit kasebut.
Aksi Marhen mau gawe penasaran warga Kecamatan Namo Rambe. Malah, warga nutup dalan sing ambane patang meter kanggo nglancarake lan antusianisme anggone nyekseni aksine Marhen.
“Wiwit tahun kepungkur, aku kepengin masang gendera ing dhuwure wit tualang iki. Nanging ora ana sing nyengkuyung kekarepanku mau. Tahun iki lagi bisa kaleksanan sawise Kepal Desa Bekukul nyengkuyung. Aku mung kepengin masang gendera abang putih ing ndhuwure wit iki, ora duwe niat liya “. Omonge Marhen nalika ditemoni sawise menek wit sing dhuwure 100 meter.
Kepala Desa Bekukul R. Simbolon nalika dikofirmasi mung kepengin mbantu kekarepane wargane mau”Tanggal 17 Agustus iki, dheweke menek maneh kanggo ngibarake gendera abang putih ing ndhuwure wit raja kasebut. Eman banget, pihak kecamatan ora ana sing nyengkuyung, kamangka wis ngirim undangan “. Omonge.( sb jp17811 )

17 agustus 2011

2011-08-19T12:59:00.000-07:00

.......tujuh belas agustus tahun empat lima......itulah hari kemerdekaan kita.......hari merdeka.....nusa dan bangsa.......hari lahirnya bangsa Indonesia...........
Lagu mars kang dilagokake kanthi sigrak mau keprungu nalika aku melu upacara gendera ing sekolah , dina Rabu tanggal 17 Agustus tahun 2011.
Pengeten kamardikan sing kaping 66 Republik Indonesia tahun iki mabarengi wulan siyam, aku kok njur
kelingan nalika umur sewelasan tahun, kelas papat SR/ SD, kang melu karnaval lan maneka warna lomba. Lan aku iya niteni saben Agustusan , saliyane uoacara gendera, mesthi ana pameran.Biyen jenenge exposisi, yaiku pameran kerajinan utawa prakarya sing dieloni SD lan SMP ing lapangan kecamatan Ngadirojo, kabupaten Pacitan. SMA /SMK durung ana, dadi yen kepengin neruske SMA, SPG, lan sekolah liyane iya kudu menyang Pacitan , sing adohe 38 km saka Lorok. SMP wektu iku mung Taman Dewasa(TD), SMP Swasta lan SMP Muhammadiyah, SMP Negeri ana tahun 63 an, kang jenenge SMP Negeri Lorok. Dhek jaman samana durung ana barang saka plastik, dadi sing dipamerke sabangsane kebutuhan rumah tangga kayata :irus saka bathok klapa gading, siwur saka bathok klapa, serok saka pring ,kalo yaiku saringan klapa saka pring, kesed saka sepet , sulak iya saka sepet klapa kang dithutuhuki utawa sulak saka wulune pitik, kenthing , pithi, krembu wong ya pring iya ora kurang, kelud saka sepet lan sapanunggalane. Ora keri sabangsane wayang sing digawe saka kardus, iya dipamerake.Saben SD oleh stand, stand mau dipayoni kepang blarak klapa. Ya ing stand mau diisi ketrampilane para murid, ketrampilan sing pancen akeh pigunane salaras karo umure bocah-bocah sekolah.Pengunjung jejel riyel amarga kepengin pirsa asile para putra , lan akeh sing padha tuku,karyane para putra mau. Saben barang sing payu para murid iya oleh pituwas semene presen, mula saben murid apik-apikan nggawe prakarya supaya payu. Saliyane pameran, ing bengi iku uga ana maneka warna tontonan kayata wayang wong, andhe-andhe lumut malah tau ana wayang kulit barang. Bisa dibayangake, sawise kesel mubeng-mubeng ndeleng stand lan mborong sing dikersakake, banjur lungguh ngematake tontonan kari milih, karo themal-themil mangan kacang.O iya ing SDku biyen prakarya sing layak jual, sewulan sepisan bocah-bocah didhawuhi dodolan asil karyane ing pasar sing ora adoh karo sekolah. Lan ya kaya sing dakaturake , barang sing payu murid oleh bageyan samene rupiyah.
KASTI.
Saliyane ekposisi ana pertandingan olah raga sing banget merakyat yaiku kasti. Jago kasti dhek jaman samana yaiku SD Wonokarto lan SD Sidomulyo, sejene 2 SD mau iya ana team sing kuwat yaiku Ngadirojo, Bogoharjo lan sawetara SD liyane. Bal kasti cilik, saemper bal tenes nanging atos banget lan ora bisa mendal kanthi sampurna.Sing nakalan nggawa bal kanthi nguber, disawatke ing perangane awak mungsuhe, mesthi wae mungsuhe kelaran nanging ora dirasakke, terus anggone main nganti rampung karo wektu sing ditemtokake.
Wah crita jaman biyen ora ana enteke, kebak cathetan kang sarwa endah ,sarwa nyenengake ,nostalgia kang ora dak lalekake.

KEGIATAN ING SMP 2 SURABAYA.
Ing sekolah SMP 2 Surabaya, iya ana lomba lan upacara gendera. Sing dilombakake yaiku, sing ora ngetokake fisik salaras karo wulan siyam,yaiku lomba adzan, pildacil, fasion moslem lan nggambar poster. Tanggal 17 Agustus 2011 minangka gonging kegiatan dianakake upacara gendera lan dum-duman hadiah.Sing dadi pembina upacara pak Mimin Haryoto wakasek, amarga Pak Hidayat minangka kepala sekolah upacara ing Dinas Pendidikan kota Surabaya

SUGENG SIYAM

2011-07-31T13:40:00.000-07:00

Kagem para sedherek ingkang ngrasuk agami Islam, kula ngaturaken sugeng siyam 1432 H, mugi-mugi anggen kita nglampahi ibadah siyam saged nutug, lan kita dados tiyang ingkang ahli ibadah, nindakaken sedaya dhawuhipun Gusti Allah, lan nebihi sedaya laranganipun Gusti Allah. Amin.
Kula sakulawarga
Purwito.

cathetan tilik dusun

2011-07-26T18:59:00.000-07:00

Sampun dangu kula boten wangsul tilik dusun nitih kendaraan umum bus .Kaleresan sanget kepengker punika ibu nelpon menawi kula dpun utus nyekar swargi bapak,mila kalodangan punika kula ginakaken wangsul kanthi ngginakaken kendaraan umum.Sontenipun anak kula elik-elik, wosipun menawi bidhal dalu badhe dipun teraken dumugi Bungurasih,boten sisah sepedamotoran. Kula inggih mangsuli gampang mengko.Nanging ing dalu menika badan kula boten patos sekeca, dados jam sedasa dalu kula boten siyos bidhal. Pancen sampun nglilir,nanging badan taksih awrat sanget. Anak kula kadosipun inggih sampun sumadiya badhe ngeteraken, nanging boten wantun gugah-gugah.Wekasan bibar sholat subuh kula bidhal sepedha motoran. Dumugi Bungurasih muter-muter pados panggenan parkir, mrika mriki kok inggih kebak,kanthi ngrekaos pikantuk sisih kidul wetan menika kemawon setengah meksa.
Jam setengah pitu bus Eka jurusan Ponorogo tleser-tleser bidhal ninggalaken Bungurasih. Lampahipun bus sanjawinipun kitha balap kados dipun sawataken, lan namung kendel wonten saben terminal perlu mandhapaken lan nginggahaken penumpang.
Drs. Prawoto. Ing salebeting bus kalawau kula pikantuk tepangan ingkang kaleres lenggah jejer kula, asmanipun drs Prawoto.Ngobrol mrika-mriki wekasan inggih blaka menawi panjenenganipun sawijining dwij a ing SMP Negeri Surabaya lan mucal matematika.Pak Prawoto tindak dusun wonten Goranggareng tlatah Magetan. Kula inggih nyuwun pirsa” Menawi sonten punapa boten maring les matematika pak ?”lan dipun wangsuli “Boten, boten . Menawi sonten kula muruki ngaji, ngiras ibadah “Lajeng kula komentari “ Wah jempol kagem panjenengan “.

Watawis jam 11.00 kula sampun dumugi kitha reyog Ponorogo, kula lajeng madosi bus dhateng Pacitan. Bus mini ingkang isinipun watawis selangkung, namung wonten penumpang wolu.Bus bidhal, wonten ing salah satunggaling panggenan kendel sekedhap ngampiri semah lan anakipun pak sopir.Penumpang wolu dipun tambahi semah lan anakipun pak sopir, bus inggih taksih glondhangan.Inggih boten aneh menawi salebeting bus kalawau sami gegojegan antawispun pak sopir,anakipun pak sopir ingkang keleresan jaler ,kernet bus lan ibunipun lare kalawau.Dumugi Gemaharjo kendel sawetawis malah kepara radi dangu, kalodangan kalawau kula ginakaken mlampah-mlampah ngeling –eling wekdal kepengker, kawontenan owah gingsir manut kemajenganipu jaman. Gemaharjo saya rejo.Wonten Gemaharjo menika antawisipun anakipun pak sopir wawan rembag nanging kok ngangge basa Indonesia, upaminipun “ Papa kok cemberut “ lan sanes-sanesipun. Bus lajeng bidhal, anggenipun gegojegan kaliyan anak taksih dipun lajengaken, pak sopir ngajari etang ngangge basa Jawi “ setunggal, kalih , tiga, sekawan,gangsal,” bibar gangsal boten enem nanging “ gangsal tambah setunggal, gangsal tambah kalih, gangsal tambah tiga..........dipun saut kaliyan anakipun “ lo kok gitu, lajeng noleh kaliyan ibunipun “ kok gitu,.... betul ma..... “ ing batos kula inggih nganggit-anggit wong nembe gegojegan ingkang penting sianak rumaos kalipur.Boten kraos bus ngancik laladan Pacitan, hp kula geter mratandani wonten sms mlebet. Kula tingali saking dik Pramono, putranipun bulik ingkang bantu ibu sawanci- wanci wonten karepotan. Dik Mono paring ancer-ancer supados mandhap Tanjungsari, terus nitih becak dhateng Arjowinangun, mangke kathah angkot dhateng Lorok, kula inggih manut kemawon.Wonten becak kalawau kula ngebel Pak Ugeng mitra sinarawedi wonten Surabaya, ingkang dalemipun celak peken Arjowinangun, lan pak Ugeng inggih wonten dalem pas keleresan kondur liburan. Malah kula inggih dipun dhawuhi istirahat wonten dalemipun lan inggih kula wangsuli menawi boten saged amargi wekdal ingkang cupet sanget.. Becak kendel wonten panggenan ngetem angkot jurusan Lorok, penumpang sampun lumayan kathah.
Pas kula ningali jawi, kok wonten sepedhah kendel, kula setitekaken kok kados pak Ugeng, kula langsung mandhap, pak Ugeng saestu.”Taksih dangu kok pak, ngentosi kebakipun,” ngaten ngendikanipun pak Ugeng. Kula inggih janji menawi Gusti Allah marengaken kula badhe sowan.Boten sawatawis dangu bus mini jurusan Lorok bidhal,dumugi Tulakan kendel , penumpang kirang lan kula kaliyan sawetawis penumpang dipun operaken bus ngajengipun.Dumugi Baran, sampun dipun papag dhik Pramono kula lajeng nyengklak sepeda Jepang.Boten dangu sampun dumugi Wonodadi, dik Mono criyos menawi adhik kula ragil ingkang dados guru SMP wonten Bandar inggih dhateng, malah inggih tumbas gledhegan Jepang senaosa boten enggal. Dinten Sabtunipun kula matur ibu, menawi bibar nyekar swargi bapak, kula badhe wangsul dhateng Surabaya. Nanging ibu boten pareng, “mbok ayo nyambangi budhemu neng Panggul, wong wis suwe ora rana,” ngaten ngendikanipun. Kula gagas-gagas inggih manut ngendikanipun ibu, kula piyambak sampun dangu boten sowan budhe.Wekasan ing dinten Sabtu kula ndherekaken ibu dhateng Panggul. Isinipun gledhekan Jepang adik sakulawarga kula lan paklik Ahmadi adikipun swargi bapak tunggal bapak seje biyung. Dumugi Panggul watawis jam sedasa, lan alhamdulillah kepanggih budhe lan mbak Sri ingkang tinanggenah ngrumat budhe. Budhe inggih gita-gita sanget dipun sambangi ibu saputra wayah. Budhe ingkang yuswanipun ndungkap wolungdasanan taksih sehat walafiat taksih ethes, malah kadosipun taksih kiyeng budhe kaliyan ibu.Watawis jam setunggal kula sarombongan nyuwun pamit budhe kanthi pawadan semahipun adhik jam wolu dalu jagi wonten Puskesmas ing tlatah Tegalombo Pacitan.Budhe inggih owel,” iya kowe wingi rak bar ka kene ta, saiki wis rene maneh “ lan inggih kula wangsuli “inggih boten ngaten budhe , mangke menawi kedangon selak jawah “ ibu inggih nambahi “ wis ta yu.... kapan-kapan tak mrene mane “. kula lajeng wangsul.,Dumugi Wonodadi watawis jam tiga.Badan raosipun sayah sanget, kula lajeng leyeh-leyeh. Jam sekawan nembe tangi, kawontenan jawah, kamangka kula dereng nyekar. Ing kawontenan jawah kalawau, kula lajeng beta payung dhateng sareyan. Kawontenan jawah mendung swasana sonten ingkang peteng-peteng damel nglanguting kawontenan. Ing sela-selaning maesan lan pathok-pathok kuburan, kula dedonga mugi-mugi arwahipun swargi bapak tinampia ing ngarsanipun Gusti Allah, amin.Watawis jam setengah gangsal sonten, kula bidhal nilaraken dusun Wonodadi, nunut gledhegan Jepangipun adik. Swasana jawah, lampahipun gledhegan Jepang boten saget lancar. Adik ngengetaken supados dateng Pucangombo kemawon, istirahat wonten mriku, kaliyan ngentosi bus malam Pacitan Surabaya, kula inggih manut. Sasampunipun mandhapaken semahipun ingkang keleresan dados perawat wonten Puskesmas, kula lajeng dateng griyanpun adik.
Ponakan kula, dumugi griya sampun sayah sanget. Bibar nedha lajeng tilem angler. Ing batos kula inggih ngudarasa.... ealah le........ ndhuk abot -abote ditinggal ibu nyambut gawe, kowe cah loro isih cilik-cilik wis bisa mandiri.......Swasana dalu ing padusunan kraos sanget, sepi, tebih saking krameyan, ndadosaken manah kraos asrep, langkung nambahi iman kita dhumateng Gusti Allah ingkang maha kuwaos. Bibar nedha dalu lajeng tilem. Watawis jam sewelas dalu, bus Pacitan-Surabaya dhateng , kula enggal-enggal minggah. Watawis jam enem enjing sampun dumugi Bungurasih, kanthi wilujeng.( cathetan ing wulan april 2011, nalika wangsul dateng dusun).

ora cukup mung thenguk-thenguk

2011-07-10T21:01:00.000-07:00

Rakyat ing negara-negara kang wis merdika, diperdi dening Pamarentahe supaya bisa maca lan nduweni kasenengan memaca. Pancen kasenengan memaca ( buku-buku kang becik ), iku rekadaya kang becik dhewe lan enggal dhewe kang kanggo nggayuh kemajuwaning bangsa.Klawan nyisihake wewatakane kang ora kita setujoni, kita akoni kasenengane bangsa Jepang ing bab memaca. Iya sarana seneng memaca iku dene bangsa Jepang kang maune meh kabeh buta huruf, ing saturunan wae bisa nututi kemajuane negara-negara gedhe. Saiki ing negara iki wis ora ana wonge kang ora bisa maca, lan aran aneh wong kang ora seneng memaca surat khabar, majalah utawa buku-buku. Kacarita oplaage surat kabar siji kang metu ing Tokyo bae kehe ngungkuli gunggune oplaage surat-surat kabar ing saindhenge negara kita. Nanging kasenengan memaca mau iya kudu pilih-pilih apa kang diwaca. Yen buku kang diwaca nyata-nyata becik isine, iya bakal aweh paedah marang kang maca. Bukune rakyat jaman penjajahan, beda lan buku wacane rakyat ing jaman merdika.Dek jaman penjajahan, dening penjajah prasasat disebar anane buku-buku wacan kang isine klawan ndidik rakyat supaya ora nduweni kapercayan marang diri pribadi. Diangkah supaya rakyat lestariya tutut mbangun turut, aja ana kang mbengkang prentah, aja ana kang lumawan :
DEDALANE GUNA KLAWAN SEKTI,
KUDU ANDHAP ASOR,
WANI NGALAH LUHUR WEKASANE,
TUMUNGKULA YEN DIPUN DUKANI,
BAPANG DEN SIMPANGI,
ANA CATUR MUNGKUR.
Tembang Mijil iki dhek biyen ora mung anjrah dilagokake ing kalangane rakyat, ing tontonan ,kethoprak lsp, malah ing sekolahan iya diwulangake. Cetha banget isine mung lagu “mbangun turut” utawa ninah bubuk. Mula iya ora anggumunake yen nganti saprene isih akeh banget kang isih padha kawarisan nguler- kambang nrima pandum, ngrasa apes sarwa ringkih.Dhek biyen sadurunge kita merdika, yen rakyat kita ora nduweni semangat berjuang nedya ndandani panguripane, sing diluputake pendidikan kolonial. Yen rakyat kurang enggone nduweni inisiatif, ora nduweni autoaktiviteit, sing diluputake pendidikan penjajah.Saiki ,negara kita wis merdika. Yen ta kita isih panggah nguler kambang, isih mlempem, isih ora pecaya karo kekuwatane dhewe, isih ora ngandel marang kapinterane dhewe, sing diluputake dudu pihak liya maneh, dudu pendidikan kolonial, nanging kita dhewe.
Saiki wis dudu mangsane maneh bocah-bocah kita nglagokake lagu-lagu kaya jaman kolonial biyen : kang ora sethithik kang isi rasa pangrasa apes lan pepes, kaya upamane iki :
CILIK MULA CILAKA WAK MAMI,
MANGGUNG DADI LAKON,
NISTHA PAPA WUS NGLAKONI KABEH,
AMUNG SIJI KANG DURUNG NGLAKONI,
MUKTI LAWAN MATI,
PUNDI MARGINIPUN.
Pancen bener, mbiyen cilik mula kita cilaka, nistha papa wis nglakoni, nalika semana urip ing jaman penjajahan. Nanging saiki kudu ora kena nduweni ati pepes lan gampang mupus. Kudu bisa berat rasa pangrasa mau, minggkis lengene klambi, cancut taliwanda , berjoang kanthi kapercayan diri pribadi.
Nadyan wis merdika, ora cukup mung thenguk-thenguk ngenteni tekane kethuk, kang isine kencana sesotya abyor.
Aja padha kleru tampa marang ramalane pujangga Ranggawarsito kang sanyatane panjenengane ora nate nganjurake supaya wong kang wis merdika iku kesed-kesedan : thenguk-thenguk bae, nanging malah ngatag supaya makarti, katandha panguwuhe ing ukara :”Esthinen mulih kelakon “. Esthinen, sarta lakonana, tindakna, perjuangna, nganti kelakon.( sumber :percaya diri pribadi-imam supardi-mei-1960, tulisan disalarasake ejaan anyar )

tembang dolanan

2011-06-05T23:09:00.000-07:00

Lelagon lawas (I)
Cah bocah ing desa-desa
Sanajan bocah desa
Rungokna padha
Sekolah sing nganti bisa

Rungokna anakku ya ngger
Jik cilik dak kudang-kudang
Dadia pengalamanmu
Mbesuk gedhe kena daksawang

Lelagon (II)
Jo ijo kembang kenanga
Saben bocah kudu bisa
Etung nulis, klawan maca
Apadene tata krama

Lelagon lawas (II)
Tindak pundi raden….. pamulangan
Pados napa raden……kapinteran
Kangge napa raden…… golek pangan

Lelagon lawas (III)
Ayo melu aku le golek kapinteran
Aja pijer dolan
Yen dolan marahi tuman
Saya suwe pakulinan
Ayo yo bali dalan
Mbesuk yen wis gedhe
Pisah karo wong tuwane

Lelagon lawas (IV).
Mengko sore nggonku, arep ana wayang
Mengko sore aku cedhak sandhing dhalang
Mung jrek-jrek mung jer, mung jrek-jrek mung jer
Yen wis metu Petruk tak nggon nggugah kakang
Semar celuk-celuk, Gareng nantang-nantang
Mung jrek-jrek mung jer, mung jrek-jrek mung

Lelagon lawas (V).
Lindri, adang telung pithi
Lawuhe bothok teri
Aditutul mak net- net, adiemplok amak telep- lep
Macak gulu cingkring adhuh yayi sendhal pancing
Adhudhangkrek-krek nung, adhudhangkrek- krek gong

Lelagon lawas (VI).
Kembang jagung omah kampung pinggir lurung
Jejer telu sing tengah bakal omahku
Gempa mungguh guwa
Medhun neng bonraja
Methik kembang sutra dicaosne kanjeng rama
Maju kowe tatu , mundur kowe ajur
Jokna sakbalamu ora wedi sudukanmu
Iki lo dhadha satriya, iki lo dhadha janaka
Iki lo…. dhadha ……satriya

Lelagon lawas(VII).
Kuwi apa kuwi, kuwi mbang melathi
Sing dak puja-puji aja dha korupsi
Yen padha korupsi, negarane rugi
Ngono ya ngono, aja ngona…..ngona……ngono……
(wah lali tenan iki…….).

Lelagon lawas (VIII).
Ning kuning parine kuning
Wung tani aring kutut manggung-manggunga
Ndhaplang tangan tengen macak gulu, yake
Ndhaplang tangan kiwa macak gulu, yake
Ngadeg jejeg……ngapurancang

Lelagon lawas (IX).
Dhok tri legendri nagasari-ri
Riwul owal-awul jenang katul-tul
Tulen olan-alen jadah manten-ten
Entenana mbesuk gedhe dadi apa-pa
Padheng mbako enak mbako sedheng-dheng
Dhengklok oklak-aklok putra kodhok-dhok
Dhok ………..(mbalik menyang larikan wiwitan).

Lelagon lawas(X).
Sore-sore neng latar akeh kancane
Rame-rame tetembangan sasenenge
Kanca ayo kanca
Kanca ja sembrana
Ayo mubeng desa
Lawong kowe-we-we sing marah-marahi
Mentas saka toko merek simplek nganggo berko
Simplek nganggo berko
Minggir mas…. minggir, mlipir mas……. mlipir
Lihatlah aku menari
Tari gembira loka
E, ……. tape ketan, tape joli
O, yes….. e mambo
Wong-wong padha gumun, mandheg
Nyawang montorku dhin-dhin, dhin-dhin gong.

Lagu lawas (XI)
Pring prung pring ori, pring prung pring jawa
Sing negor mas Bonari, sing mikul kanca-kanca
Godhong jeruk amba-amba, cino wungkuk keplese tiba
Ndhas pethak meleng-meleng, manten nggalek tiba briyeng
………………( wah kesupen, sinten inggih, ingkang kersa nglajengaken ? ngapunten mas Bonari, sanes panjenengan tanggi kula naminipun kang Bonari )
SERATAN ING NGINGGIL INGGIH PUNIKA LELAGON INGKANG KULA APALI NALIKA TAKSIH WONTEN SR /SD RIKALA TAHUN 1960 AN. BILIH WONTEN LEPATING PANYERAT, KERSAA PARING PANYARUWE , NUWUN ( EYANGIPUN RICKY).

Informasi Kelulusan SMP Negeri 2 Surabaya

2011-06-03T17:49:00.000-07:00

INFORMASI PENGUMUMAN KELULUSAN
SMP NEGERI 2 SURABAYA
TAHUN PELAJARAN 2010 -2011

Jumlah Peserta : 339 siswa
Tingkat Kelulusan : 100 %
Daftar Peraih Nilai terbaik Ujian Nasional untuk tahun ini :
01. Zulfatus Saidah ( kelas IX B) jumlah nilai = 38,75
02. Abdul Mutholib ( kelas IX A ) jumlah nilai = 38,50
02. Fitri Anggraeni N ( kelas IX H ) jumlah nilai = 38,50
03. Gea Papurane Langi ( kelas IX C ) jumlah nilai = 38,40
04. Cahyani Oktavia Z ( kelas IX A ) jumlah nilai = 38,35
04. Ayu Safira ( kelas IX F ) jumlah nilai = 38,35
05. Hadi Prasetya ( kelas IX G ) jumlah nilai = 38,30
06. Satrio Aji Prakoso ( kelas IX D ) jumlah nilai = 38,15
07. Putri Nurfriana ( kelas IX G ) jumlah nilai = 38,10
08. Febby Fitri Nurjanah ( kelas IX G ) jumlah nilai = 38,05
08. Syahrial Fajar ( kelas IX G ) jumlah nilai = 38,05
08. Adisti Eka Pratiwi (kelas IX D ) jumlah nilai = 38,05

SELAMAT ATAS KEBERHASILANNYA
SEMOGA SUKSES DAN DITERIMA DI SEKOLAH YANG DIINGINKAN

siji, lolo........

2011-05-15T11:27:00.000-07:00

Wis ora kurang-kurang anggonku muruki putuku loro iki supaya bisa basa Jawa. Wiwit saka angka Jawa,lelagon lan pacelathon mesthi nganggo basa Jawa, mengku karep aja nganti basa Jawa iki musna kagerus ombyaking jaman.
Isih kelingan nalika anakku ing SMP biyen, diutus maju nulis aksara jawa ora bisa, banjur didedes, bapak ibu asli ngendi lan diwangsuli bapak asli Pacitan ibu asli Mojokerto. Banjur didangu maneh bab pegaweyan, lan iya diwangsuli ibu ngasta ing rumah sakit, bapak dadi guru. Guru ngendi lan mulang apa sapa asmane. Ya diwangsuli apa anane, byuh isinku, bingung nyeleh rai.Mulang anake wong ora kangelan, bareng mulang anake dhewe ora kasil piye ngene iki ? Anakku sing saiki umure 29 tahun “ lali Tok kowe biyen ing SMP diutus Bu Wijayati maju nyang arep nulis aksara Jawa ora bisa ? “ mung ngguyu, walah pak jaman smp wis lali aku….ngono wangsulane. Mula putuku loro kudu bisa, aja nganti kebacut.Putuku sing gedhe wis kelas lima yen ana peer basa Jawa mesthi sambat , kepeksa aku sing ngrewangi nggarap. Bab komukasi ing omah tetep dak jak basa Jawa senajan wangsulane nganggo basa Indonesia , upamane Ricky ditimbali Uti, ayo ndang iyam , ayo sholat dhisik lan sapanunggalane. Sakjane ya ngerti karepe, nanging ya kuwi wangsulane tetep nganggo basa Indonesia. Dene Rival putuku sing cilik isih limang tahun , luwih lucu ya iki sing marahi ngangeni. Telung dina kepungkur dak ajari ngucapake angka dak wiwiti siji, loro, telu sateruse, nyandhak pitu diganti tujuh, dadi siji, lolo, telu, papat, lima , enem , tujuh…….nganti sepuluh.Ya wis, banjur dak jak basa krama, setunggal, kalih tiga ...... Butuh kesabaran ekstra…..Sing cilik wiwit kenal wayang, amarga ing laptopku dak simpen pengenalan aksara aksara Jawa lan sawetara tokoh wayang. Angger aku nyandhak laptop mesthi melu- melu lan ngeklik tokoh wayang mau, olehe ngucapne pelat,upamane bapa semal (bapa Semar), Galeng ( Gareng), Petluk (Petruk), Bagooong (Bagong), Jambumaklik (Jambumangli), Dunek (Durna),Leeesono(Lesmono), Kumbokalnooo( Kumbokarno) lan sapanunggalane.
Paraga wayang wis dikenal banjur dak wuruki angka , supaya gampang ngerti dak lagokake kaya cilikanku biyen…… siji loro telu tangane sedheku ngawasake…… lsp, rampung nembang dak paringi dhuwit, e bocahe kok semrinthil kadhang-kadhang nembange durung rampung wis nyuwun dhuwit.Lelagone mengkene ……..
Siji loro telu, tangane sedheku, ngawasake bu guru manawa didangu……
Papat nuli lima, lungguhe sing tata, aja padha sembrana mundhak ora bisa.
Banjur ditirokke putuku :
Siji lolo telu, tangane sedeku, ngawasake bu gulu, manawa didangu…..
Papat nuli limo, lungguhe sing tata, ada pada semblana mundak ola isa.
Rampung nembang dak wenehi aplaus...... pinteeer ...... karo dak paringi lembaran rupiah, banjur dipamerke mase “kak saya dibeli uang bapak kun ( yen nyeluk aku bapak kun, karepe bapak kung ), banjur nggoleki utine” uti , ival (Rival), titip uang ya…………lan diwangsuli …iya pinter…… uangnya ditabung ya….
Ngono anggonku ngenalake basa Jawa marang putu, paling ora wis dak latih wiwit cilik……….Apa panjenengan kagungan pengalaman liya ? Mangga pengalamane didum…..

tumbal

2011-05-05T22:59:00.000-07:00

ing pinggire kutha gedhe
ana wong lanang nggawa larahan
tanpa ewuh pekewuh diguwang
ing kali cedhak omah
larahan pating slengkrah
ambu banger ora betah

ana wong aruh-aruh
pak mpun teng mriku
nika lo teng bak sampah
wong lanang mandeng mentheleng
banjur mlebu omah
metu nggawa arit gedhene sahohah
lon-lonan jumangkah
arit digegem ceket, keket

piye, kowe nantang ya
nyah tampanana
modar kowe
cras ......
adhuh biyung, ampun pak, ampun .....
arit diobat abitake
swara pangadhuh ora digatekake

kowe ngamuka
banggamu sepira
ing kene aku sing kuwasa

Kartiniku, Kartinimu.....

2011-05-02T18:44:00.000-07:00

Album dina Kartini , tanggal 21 April 2011 ing SMPN2 Surabaya.
Foto 1. Ibu Sutarti, nalika dadi pembina upacara . Paring pangandikan biografine Ibu Kartini lan kahanane wanita jaman biyen .Aja gampang nyerah, sinau sing sregep supaya ora disepelekake liyan, nyambut gawe tumemen kanthi ora ninggal kapribaden lan kodrate wanita.

Foto2.Bapak Hidayat minangka Kepala Sekolah ngersakake foto bareng karo bapak ibu guru sing dina iku mengagem maneka warna batik.”Ayo foto , kanggo cathetan yen dina iki kita ora lali karo perjuangane kaum wanita “ ngono ngendikane. “La ….mangga, setunggal….., kalih….., tiiiiiga…….

Foto 3. Yen mau karo bapak Kepala Sekolah saiki ibu-ibu mangga, lenggah ingkang sekeca, wah aja pepet-pepetan ngono ta………..ngono ngendikane bu Minto Rahayu.

Foto 4. Ibu Hj. Nunung Nurwiyah karo Ibu.Hj. Mientarsih, ngersakake foto ing ruang guru. Wah mangga yen pancen kersa difoto, sapa ngerti putra wayah bisa mirsani foto eyange ……………..

Foto 5. Ing dina iku uga kelas sanga dianake “pembekalan”, kanggo ngadhepi UNAS 2010 -2011.Ana sing nangis ngguguk, ana sing ngadhepi kanthi tatag. Rampung pembekalan banjur nyuwun pangestu marang bapak/ ibu guru. Katon mam Ririn dirangkul sawijining putra kelas IX, dene ing sisihe katon pak Anggit lan sawetara murid liyane.

pitutur bisane gampang turu lan paedahe turu kang angler.

2011-04-30T13:41:00.000-07:00

Ora angger wong gampang bisane tumuli turu, apa maneh turu kang angler kepati. Wong gampang turune prasasat antuk kanugrahan saka Pangeran, dene pinaringan gampang enggone arep ngasokake pancadriya lan badan jasmanine.Sawijining panggawe kang perlu banget tumrap kawarasane badan lan pikiran kita.Elinga, sajrone sedina sewengi, 24 jam, meh sapretolene ( 7 jam ), kita kudu turu saperlu ngasokake badan lan pikiran. Dadi yen dipikir dawa, sajroning kita urip ing donya iki, saproteloning umur kita dumunung ana ing paturon. Mula bab turu iku pancen wigati banget manut para ahli kasarasan tumraping kasarasaning jiwa raga. Kudu kita tata murih bisane kelakon kanthi becik : cukup wektune, lerem lan angler.Wong kang wayahe kudu turu ( wayah bengi ), ora turu nanging omong ropyan-ropyan reroyalan minum lan dansa-dansi kang sejatine kang sedyane nggolek kasenengan, sanyatane ora bakal antuk kemareman kang langgeng.
Tumrapa wong kang kang angel bisane turu, kudu ngrekadaya murih bisane ngurangi kangelan mau sarana nidakake patrap kasebut ing ngisor iki :
1.Pepalange wong angel turu iku kang adakan :” rasa pangrasa wedi ( kuwatir ), yen ora bakal bisa turu”. Rasa pangrasa ngene iki kudu kita brantas. Sing bisa mbrantas dudu wong liya, iya dudu dokter, nanging iya awake dhewe. Kudu percaya dhiri pribadi, yen ora wedi ora bisa turu. Kudu yakin, lan ora perlu sumelang yen ora bisa turu. Rasa pangrasa wedi lan was sumelang mau kudu disirnakake. Badan kudu sumeleh, pikiran sumarah, aja mikir kang ora-ora.

2.Tumrap wong kang saben rinane nyambut gawe abot, adate ora nemoni kangelan nalika arep turu ing wengine. Mula tumrap wong kang pegaweane ora ngobahake awak, becik yen gelema nyambut gawe kasar ing ngomah :ngangsu, siram-siram, nenandur lan sapiturute utawa olah raga.
3.Senthong lan paturon kudu tansah resik gumrining.Sanajan sarwa prasaja, nanging diupakara resike, sukur kang ngresepake, apa dene cukup hawane kang kepenak, ora kaganggu dening lemut lan kewan-kewan liyane. Senthong kang rupak, paturone reged, peteng, hawane panas, ganda apek lan sapiturute, memalangi rasa pangrasa gampang turu.
4.Ana sawenehing wong nalika arep mapan turu , sarana memaca buku utawa kalawarti luwih dhisik. Pamrihe supaya mripat dadi sayah, tur pikiran ora ngambra-ambra saparan-paran. Adate iya banjur tumuli ngantuk, lan yen wis banget ngantuke, lagi mateni(nyilikake) lampu, terus turu.
5.Ana uga wong kang nalika arep mapan turu, luwih dhisik nindakake olah raga ing sajroning senthong nuli adus badan sakojur. Perlune supaya urat saraf bisa gampang lereme.
6.Yen ora tahan kopi aja ngombe kopi yen wayah arep turu. Menkono uga panganan kang “panas “ kayadene masakan kanggo mrica, daging wedhus lan sapiturute, awit bisa njalari asambat tansah nggekeng, ora lerem-lerem. Suwalike: powan(susu), sayur asem, kangkung kates lan sapanunggalane, iku bisa mbiyantu gampang lereme urat saraf.
7. Yen kita turu, getih kang ana ing uteg kita, ora akeh kang mili ing kono. Semono uga yen weteng kita isi panganan lan omben-omben, lakuning getih kang akeh iya menyang weteng.Iku sababe dene yen weteng wareg, banjur krasa ngantuk. Mula saka iku, ana sawenehing wong kang marga kepengin ndang bisa turu, banjur memangan luwih dhisik, pamrihe supaya lakune getih supaya medhun menyang weteng.
8. Ana maneh kang migunakake obat turu (obat tidur), kang diedol ing rumah-obat. Nanging ngulinakake ngombe obat turu iki, ora becik tumrap kuwarasan kita sarta njalari tuman. Yen ora obat-obatan malah banjur ora bisa turu. Aluwung yen ora ana reka daya liyane, becik metu ing njaba, mlaku-mlaku ing rattan nganti sayah. Yen wis sayah, banjur mulih mapan turu.Satemene wae kita dhewe kudu ngudi murih bisane gampang turu ing wayahe yen kita kudu turu, sarta ngudi sajrone turu mau bisane pules, angler temenan, nganti tangine ing wayah esuk: badan lan pikiran kita dadi seger buger. Awit mung saranasa badan lan pikiran kang seger buger, kita bisa yambut gawe kanthi becik, kanthi gembira, kanthi rasa-pangrasa entheng, satemah pegaweyan kita bisa ngasilake kaya kang dadi pepenginan kita.
9.Ana maneh nasehat kang luwih penting bisane enggal turu, yaiku : aja mapan turu yen mripat durung arip( ngantuk) temenan.Kaya dene ing bab mangan, panganan bakal luwih krasa enak lan luwih manfaat tumrap badan kita, yen wetenge wis luwe temenan lagi mangan. Mapan turu nalikane mripat durung ngantuk temenan mung bakal ngentek-entekake wektu kanggo memikir sing ora-ora, awit yen mripat durung ngantuk, adate pikiran ngrambyang mrana-mrene tanpa tujuan, mung malah mitunani tumrap kuwarasan lan tumrap ajining pikiran kita.
10.Pitutur kang wekasan, nanging ora kurang pentinge, yaiku kudu duwe keyakinan yen ora ana wong kang mati marga saka kurang turu. Dadi ora perlu was sumelang, suwalike kang ekhlas sumarah marang Kang Maha Kuwasa , kaya dene pakartine Yeanette Mac Donald yen nuju peteng atine , ruwet pikire, banjur sembahyang kanthi nnyipta isine Psalm 23 ing Kitab Injil : Allah Maha Agung juru pangen kula, kula mboten badhe kekirangan setunggal menapa. Panjenenganipun manggekaken kula ing pangenan ingkang kathah rumputipun. Paring toya ombe ingkang nyegeraken…….”.
Tumrape kaum Muslimin saweneh wis ana kang duwe pakulinan, yen arep mapan turu maca donga :” niyatingsun turu, aturu badan gumuling, roh madhep iman tetep, ati muji, amuji marang Allah: Laa ilaa ha ilallah. Muhammadur rasulullah.”
Apa sebabe turu angler iku iku kalebu perangan sarat urip seneng lan tentrem ?.
Kawuningana, wong mlarat kang bisa turu kepenak ing bale-bale(amben) pring iku luwih begja tinimbang wong sugih kang turu ing paturon”Hero” kang kasure empuk lan membat mentul, nanging sawengi natas mung tnsah klisikan marga tansah was sumelang, ora jenjem tansah nglilir-nglilir.
Anak pangon kang ing rinane nyambut gawe adus kringet, bisa turu senggar-senggor lemek suket garing ing kandhang sapi, satemene luwih begja tinimbang putrane pegawai tinggi kang turu ing paturon, nanging sewengi muput tansah pijer kogat-kaget marga rasa pangrasa ora tentrem lan marga saka sedina-dinane kurang ngobahake badane.
Para maos, tulisan iki dak tulis amarga aku kalebu wong sing angel turu. Bareng nemokke wacan iki, alhamdulillah kok ana owah-owahan, bisa turu kanthi kepenak, nuwun.
(dijupuk saka: seneng lan tentrem, i.spd 1955-1960 disalarasake ejaan anyar).

nilai presentasi mapel sosiologi

2011-04-14T05:26:00.000-07:00

Nilai presentasi hari Kamis 14-4-2011, kelompok IV Kelas VIII A Spendabaya , berdasarkan penampilan, penguasaan materi bab XIV( Pranata Sosial), dan kerjasama maka kelompok IV mendapat nilai = 78 ( tujuh puluh delapan . Untuk presentasi berikutnya adalah kelompok I (satu ).
TUGAS : Membuat poster dengan tema budaya malu, yang sudah mengumpulkan adalah kelompok 1( satu), dengan nilai = 85 ( delapan puluh lima), kelompok II =80 (delapan puluh),III =80(delapan puluh),sedangkan kelompok IV mengumpulkan.
Nilai presentasi kelompok I, berdasarkan kriteria yang ada mendapat nilai = 85 (delapan puluh lima ).

CARANE NGETUNG NILAI UNAS

2011-04-12T06:58:00.000-07:00

Ujian nasional sedela maneh bakal dilakoni dening para murid.Jadwal unas SMP/MTs tanggal 25 nganti tanggal 28 April 2011.Tahun pelajaran 2010 - 2011 model paket lan kriteria kelulusan ora padha karo tahun kepungkur.Tahun pelajaran 2009 - 2010 , model paket ana 2( paket A lan Paket B ), lan lulus orane bocah gumantung 4 wulangan UNAS(Bahasa Indonesia, Matematika, Bahasa Inggris lan IPA), tahun iki seje. Saka informasi sing wis diweruhi, model soal ana 5 ( lima) paket, yaiku paket A, paket B, paket C, paket D lan paket E. Mengku karep bocah-bocah ora contoan, ora takon-tinakon antarane siji lan sijine.Manut panemune sebagean para murid sing kebeneran lagi ngaso ,dak takoni bab paket soal 2 paket utawa 5 paket ora masalah. Nalika try out wiwitan pancen 2 paket nanging soale pancen angel luwih akeh variasi , sing try out kaloro limang paket luwih gampang( ing surapringga ana try out unas ping pindho). Model paket soal boten masalah, ingkang penting kula kedah sregep sinau, ngono omongane. Ana maneh saweneh murid ngomong, yen limang paket mau padha wae, mung diwolak-walik. Upamane ,iki upamane lo ya nomer 1 ing paket A , dipindah dadi nomer 10 ing paket B, nomer 18 ing paket C dipindah nomer 25 ing paket D, nomer 30 ing paket D dipindah nomer 40 ng paket C lan sateruse. Yen nyemak kriteria kelulusan tahun 2010 -2011, aturan luwih luwes lan duwe pengarep-arep lulus, awit digabung karo ujian sekolah lan gabungan nilai saka kelas VII nganti kelas IX kanthi perbandingan 60 % :40%.Mangga disemak kriteria kelulusan lan kriteria ketidak lulusan kaya ing ngisor iki.

Bahasa Inggris = ( 8,16 X 0,60) +( 9,00 X 0,40 ) =8,50
IPA = ( 8,60 X 0,60) +(9,50 X 0,40 ) =9,00
Syarat kelulusan yaiku : nilai ujian nasional + nilai gabungan sekolah.
Bahasa Indonesia= ( 0,50 X 0,60) + ( 9,25 X 0,40 ) = 4,00
Matematika = ( 4,00 X 0,60) + ( 8,00 X 0,40 ) = 5,60
Bahasa Inggris = ( 1,00 X 0,60) + ( 8,50 X 0,40 ) = 4,00
IPA = (8,00 X 0,60) + (9,00 X 0,40 ) = 8,40
Rata-rata =( 4,00 + 5,60 +4,00 +8,40 ) : 4 =5,50 (LULUS).
KET : 0,60 = 60%, 0,40 = 40 %. Angka-angka ing dhuwur ( nilai sekolah ), ngalami pembulatan.
II. Pirsani ketidak lulusan . Carane ngetung padha, mung wae bareng dirata-rata ketemu =5,41 (ORA LULUS).
Ayo tetep maringi semangat marang para cantrik, ora susah bingung model paket soal, didhawuhi sinau sing luwih sregep , dikantheni donga, insya Allah bakal lulus, Amin.

MILIH KALANGAN SESRAWUNGAN

2011-03-31T07:47:00.001-07:00

Ing layang “Wulang Reh” anggitane Paku Buwono IV, tinemu pitutur sethithik kang gegayutan karo bab sesrawungan. Tembange kinanthi :
*Yen tinitah wong agung, aja sira nggunggung diri, aja raket lan wong ala, kang ala lakunireki, nora wurung ajak-ajak, satemah anulari.
*Nadyan asor wijilipun, yen kelakuwane becik, utawa sugih carita, carita kang dadi misil, iku pantes karaketna, darapon mundhak kang budi.
*Yen wong anom pan wus tamtu, manut marang kang ngadhepi, yen kang ngadhep akeh bangsat, nora wurung bisa juti, yen kang ngadhep keh durjana, nora wurung bisa maling.
Terange : wong iku sanadyan tinitah dadi panggedhe, aja banjur gumedhe, nanging suwalike aja srawungan karo wong ala. Nadyan asale saka wong pidak pedarakan, tembunge saiki rakyat jelata, nanging yen wong mau kelakuane becik: pantes disrawungi, supaya bisa ketularan becike. Awit kalumrahane, yen wong nom-noman ( wong tuwa uga ), yen srawungan karo wong ala, ora wurung ing tembe iya ketularan ala. Sok mengkonowa, manut pepeling ing ndhuwur mau wong urip iku kudu pilih-pilih enggone sesrawungan.
Nanging yen sajroning sesrawungan, kita wis nduweni tetepungan kang beda-beda kelakuwane, ana kang becik ana kang ala, kita iya aja kurang wicaksana ing bab nyilah-nyilahake sing becik lan ala mau. Yen pranyata kita dhewe bisa mbedak-mbedakake lan bisa njupuk kang becik, mbuwang kang ala, tinemune iya mung bakal becik wae.

Mengkene banjure pepelinge “ Wulang Reh” mau, isih kinanthi :
*Mulane wong anom iku, becik ingkang ataberi, jejagongan lan wong tuwa, ingkang sugih kojah ugi, kojah iku warna-warna, ana ala ana becik.
*Ingkang becik kojahipun, sira anggowa kang pasthi, ingkang ala singgahana, aja sira anglakoni, lan den awas wong akojah, iya ing masa puniki.
*Akeh wong sugih wuwus, nanging yen sampun pakolih, among badanira priyangga, kang den pakolehken ugi, panastene kang den umbar, nora nganggo sawatawis.
*Aja na wong bisa tutur, amonga sira pribadi, aja na ingkang memada, angrasa pinter pribadi, iku setan nunjang-nunjang, datan pantes den pareki.
Pancen iya bener. Manungsa tinitah ing donya iki, ana kang becik ana kang ala, ana kang kekurangan ana kang sampuna. Ora ana negara kang warga negarane dumadi saka wong kang becik kabeh ; jujur, tuhu, kena dipecaya, temen, suci lan sapanunggalane. Pancen iya warna-warna lan campur bawur mengkono iku sipate ndonya.
Mula saka iku, becik uga yen sajroning kita sesrawungan, bisoa milih-milih mitra sesrawungan mau. Nanging tumindak kang kaya mengkene iki : ora gampang, kita kudu ngempakake patrap kang wicaksana, kang sabisa bisa aja nganti gawe seriking liyan. Saupama kita wis kebacut sesrawungan utawa tetepungan karo si Candhala kang watake ala utawa si Dursila kang watake asor, iku anggon kita nyingkiri kudu angon ulat, kudu ngempakake siasat kang ngati-ati ora ketara yen kita wis ora serju marang dheweke. Ngelingana uga marang patrap : kita aja nganti gawe seriking liyan, suwalike sabisa-bisa :karyennak tyasing sesama, agawe kepenake atine sapadha-padha. Yen kaya mangkono sesrawungan kita, sanajanta ing satengahing wong kang ora kita sarujuki bab tujuwane, kita ora bakal dadi wong kang “asing”. Suwalike :marga saka patrap kang ajur-ajer mau, bisa nuwuhake penganggep yen kita malah dadi mitrane utawa saora-orane dianggep wong kang ora ngalang-alangi panemune utawa gegayuhane.
Panutuping atur :
Tulisanku ing ndhuwur ora kok aku banjur tutur-tutur ngguroni kaya-kaya aku iya-iyaa kae ora. Nanging sepisan maneh iki warisan para leluhur sing kudu dilestarekake, utamane marang para mudha lan para muridku .Ana kedadeyan sing marahi aku kegugah nulis ing postingan iki yaiku :ana sawijining karyawan saka instansi tertentu departemen K, kang mlebu bui, amarga salah milih kanca srawung. Critane sawijining karyawan sebut wae jenenge St, wani-wani mengkonsumsi narkoba . Kamangka karyawan mau nembe wae diangkat dadi pegawai tetap , durung oleh setahun. Anak polah bapa kepradah, wong tuwa gulung koming lan ora tega marang anake.Sowan menyang direktur, nangis-nangis lan nyembah-nyembah marang direkture instansi mau kang kabeneran sawijining Srikandhi. Pamundhute direktur bakal disembadani sauger anake bisa metu saka kunjara, awit keterangan ngenthengake paukuman lan bisa dadi karyawan maneh iya mung saka direktur mau.Kepriye wangsulane? Ora bisa, instansiku kudu resik, ora ana karyawan sing kena kasus narkoba ! Anak buahku kudu sehat jasmani lan rokhani , ngono wangsulane direktur. Jajal dadi wong tuwa apa ora susah ? Durung anak bojone , wong wis bale somah. Durung mbayar polisi samene atus yuta, iku wae mung ngenthengke paukuman , upamane limang tahun dadi telung tahun, durung mbayar BNN. Biyuh rasane donya iki kukut tenan sirah rasane abot kentepan ungkal. Maneka warna komentar, ya rasakna dhewe, mesakke wong tuwane ya, mesakake anak bojone ya,lsp lsp.Tuladha liyane iya ana, sawijining tilas begal sing wis kasusra, ora nduweni rasa welas , e… bareng ketemu lan srawung karo wong alim kok iya sarwa nyenengake satindak tanduke. Ya sregep ibadah, sregep tumandang gawe, pokoke ora ngrugekake liyan kepara malah ngenthengake sesanggan wong kang ora duwe, nulung samurwate , sakuwate. Nuwun.( sumber I.S, hkb 1956)

Materi usek wulangan basa Jawa SMP 2 Surabaya.

2011-03-30T22:56:00.000-07:00

Ujian sekolah wulangan basa Jawa sing kudu kok sinaoni yaiku, saka kelas 7 kelas 8 lan kelas 9, kanthi prosentase kelas 7 = 10 %, kelas 8= 20 % lan kelas 9= 70 %.
Kelas 7 materine wacana : Bebayane narkotika lan wacana Khasiate Cucuk baya.
Kelas 8 materine wacana : Kenakalan remaja lan geguritan.
Kelas 9 materine kedadean saka : bab 1 drama tradisional Andhe-andhe Lumut nganti bab 11 Geguritan. Minangka ancer-ancer wacanen wae kaca :2,4,11,17,18,22,23,26,27,29,30,40,45,53,54, 64 lan sapanunggalane.
Yen nemoni soal sing rada angel, wacanen prentahe soal bola-bali nganti paham apa karepe soal mau. Aksara Jawa kudu disinaoni, utamane nggawe ukara nganggo aksara Jawa.Wektu sing disediyakake 120 menit, cukup kanggo ngasilake biji maksimal.

Maca sarana niyat arep maju .

2011-02-27T19:23:00.001-08:00

Tembung sukses mono tembung manca, asale aka basa Perancis, ejaane kang asli :succes. Dene ngucapake swara “u “, ing wanda “suk” ora antep kaya ing salumrahe swara “u”, nanging ngambang ana ing antarane swara “u” lan “a”. Ana kang njarwakake sarana tembung : kasil utawa khasil, kang tegese oleh gawe. Nanging ora sethithik saiki ing cecaturan basa Jawa padinan kang nggunakake salinane ing tembung : berhasil. Upamane ing ukara:” Priye olehmu usaha menyang Jakarta, apa wis berhasil?” ,iku karepe, apa wis oleh gawe, apa sukses ?
Tembung “sukses” dhewe saiki wis wiwit populer, wis akeh sing nganggo ing pasrawungan urip katimbang lan tembung salinane mau. Malah ora sethithik kang nganggep yen tembung “sukses” iku wis klebu ing kulawargane tembung-tembung basa kita. Wondene tegese kang luwih cetha, sukses iku: kaleksanan apa kang ditindakake kasil kanthi becik. Terange maneh: pegaweyan utawa perjoangan kang wis katindakake kanthi berhasil, iku katembungake: sukses.
Tujuwanku nulis sing dak jupuk saka sumber, seratane bapak almarhum Imam Supardi iki, mengku karep supaya aku gelem nulis maneh lan iya kanggo wacan muridku idhepe-idhep nguri-uri basa Jawa, e mbok manawa ana gunane ing tembe mburi. Sokur-sokur sing kersa rawuh ing gubugku iku kersa maos lan atur panyaruwe lan nambah paseduluran.

Ngelmu iku pancen kelakone yen kanthi laku.
Mengkono uga sesuluh kang diandharake ing postingan iki, ora bakal bisa menehi paedah sethithika, yen ta mung disetujoni wae diakoni benere dhewe tanpa ditindakake kanthi keyakinane dhewe, sajroning padha nyambut gawe ing saben dinane.
Mula saka iku murih bisa gampang methik sarining sesuluh, luwih dhisik dak aturi migatekake sarat-sarat ,kepriye carane maos buku-buku apa wae kang bisa asung paedah :
1.Yen memaos buku isi wulangan, ing saben perangan utawa saben bab, waosen kanthi sareh aja kesusu-susu. Saben saperangan utawa sabab tamat pamaose, aja nyandhak perangan sateruse utawa candhake, nanging gagasen dhisik, apa lan kepriye karepe kang mentas diwaos mau. Yen isih kurang damang, kurang ngerti utawa ana perangan kang kurang terang, becike diambali maneh pamaose kanthi luwih tamban, luwih tliti lan luwih anjinggleng.
2.Maos klawan sareh iku tegese ora mung: daya-daya tumuli rampung bae, nanging : sajroning maos kudu diselingi “ ngaso sedhela”, memikir apa kang lagi diwaos mau. Yen ana ukara kang sajak nyaleneh, utawa kepranggul panemu kang nembe disumurupi, banjur pitakona ing sanubarine dhewe, apa iya bener lan nyata kaya mengkono? Diselang-seling pitakonan, kepriye carane enggone bakal nindakake isine anjuran kang dianjurake ing kono.
3.Yen saperangan wis tamat pamaose kanthi sareh lan tansah diselingi memikir, lagi mbanjurake perangan candhake maneh. Uga sarana sareh, tliti lan ora perlu daya-daya rampung. Becik ing saben-saben maos, nyandhinga potlot biru utawa potllot abang, perlu kanggo nyireni tetembungan utawa ukara kang perlu digatekake.Carane gawe tenger, ing sisihe tulisan perangan buku sisih kiwa utawa tengen diwenehi tenger palang. Yen perlu, ukara kang penting-penting dicorek ngisore mawa garis abang apa biru. Perlune tetenger mau, yen liya dina arep maos maneh, gampang bisane nujokake kawigaten marang bab-bab kang penting.
4.Kita manungsa iki padha kasinungan sesipatan: gampang lali. Mula saka iku, ing sawijining wektu, apa sesasi sepisan, apa rong sasi sepisan, utawa yen pancen nuju butuh sesuluh, becike buku-bukune kang maedahi, diwaos maneh. Pamrihe supaya bali eling maneh marang apa kang wis nate digatekake lan dipratelakake. Kudu duwe keyakinan yen tansah ana kesempatan kanggo mbeciki pakulinan.
Kaya mangkono carane maca kang becik, maca kang antuk kang nduweni tujuwan arep maju kaya dene bangsa-bangsa liya kang wis padha merdika. Aja dikira mung para sarjana jaman saiki bae kang nganjuri supaya wong memaca kanthi niyat arep maju, methik sarining wulangan kang becik. Dalasan para luhur ing jaman biyen, iya wis nate paring wulangan patrape wong maca kang becik, kasebut ing “Wulangreh”, tembange pucung kaya mangkene:
Lawan maning, ana ing pituturingsun, yen sira amaca, layang sabarang layanging, aja pijer katungkul ningali sastra.
Caritane, ala becik dipun weruh, nuli rasakena, saunining layang ugi, den karasa ingkang becik sira nggowa.
Ingkang ala,kawruhana alanipun, dadine tyasira, weruh ala lawan becik, ingkang becik wiwitane sira wruha.
Iya, ora ?! Wong kuna kok iya wis ngerti kepriye carane memaca kang bisa njalari antuk sukses, antuk paedah.Panyuwunku kaya sing wis dak aturake ing ndhuwur, aku kepengin nulis kang sumbere cetha muga –muga migunani kanggo awakku dhewe lan para muridku lan sapa wae sing rawuh ing gubugku iki. Saya akeh sing dak waca, tibake ora ana saempute yen ditandhingake karo panjengan kabeh, semono uga saya akeh sing daktulis iya ora ana apa-apane yen ditandhingake karo seratan panjenengan, utamane para penulis kang asmane wis kasusra, wis kondhang ngrenggani maneka warna kalawarti.Nuwun.
(sumber,holopis kuntul baris, almarhum bapak Imam Supardi sept 1956 , dicocogake manut ejaan anyar).

Puisi untuk alumni

2011-02-22T21:12:00.000-08:00

kutemukan ketikan kumal diantara tumpukan kertas
entah siapa yang meletakkan
mungkin rekan guru yang sengaja
atau juga tidak sengaja
lalu kutulis ulang disini terserah menilai
aku tak perduli
untuk pak Suparto Brata, untuk pak Try Sutrisno yang pernah menjabat wakil presiden RI,
juga para alumni dikampus jalan kepanjen nomer 1 surabaya ini
pun juga para alumni yang
kini menjadi kuli dinegaranya sendiri
masih ingatkah nama-nama yang pernah menjadikan anda menginjak dewasa
atau lupa sama sekali
atau malah melupakan mereka
yang sekarang telah tiada
pahlawan tanpa anda jasa
mereka yang kini terbaring dipersada nusantara
tidak lagi menganjar dan mendidik kami
kenang, kenanglah mereka almarhum
Bapak Gumono
Bapak Santosa
Bapak Soendjoto
Bapak Drs. H. Oscar Bachtiar
Tapi siapakah yang tidak lagi mendengar deru mereka
terbayang mereka maju dengan tegap ke depan kelas ?
kenang, kenanglah mereka, almarhumah…….
Ibu Po Lian Nio
Ibu Soedibyanto
Ibu Soesanto
Mereka bicara pada kita dalam hening di malam sunyi
Jika dada rasa hampa dan jam dinding yang berdetak
mereka pahlawan tanpa tanda jasa, yang tinggal tulang belulang diliputi debu
kenang, kenanglah mereka, almarhum……
Bapak basoeki Djaman
Bapak Lamat
Bapak Tjia Ling Kiong
Mereka sudah coba apa yang mereka bisa
tapi kerja belum selesai, belum apa-apa
kenang, kenanglah mereka, almarhumah…..
Ibu Roesman
Ibu Niniek Choesniah dan ibu Halimah
mereka sudah beri mereka punya jiwa
kerja belum selesai, belum bisa memperjuangkan
arti mencerdaskan kehidupan bangsa
kenang, kenanglah mereka, almarhumah…….
Ibu Mintarti Widodo, Ibu anak Agung Sagung Putri Sukarti,
Ibu Dra .Hj.Nikmah Mahmud dan Ibu Sri Sunarsih
Mereka Cuma tulang belulang berserakan
tapi adalah kepunyaanMu
Allahlah yang tentukan nilai-nilai mereka.
kenang, kenanglah mereka almarhum…..
Bapak Sunyoto, AG
Bapak Moch. Ridwan
Bapak Johannes Sumarlam
Ataukah jiwa mereka melayang untuk kemenangan dan harapan
atau tidak untuk apa-apa
mereka tidak tahu, mereka tidak bisa lagi berkata
kitalah sekarang yang berkata
kenang, kenanglah mereka almarhum ……
Bapak Drs.R.Harnadji
Bapak Ichwan, BA. dan Bapak Mintardjo
Mereka bicara pada kita dalam hening di malam sepi
jika dada rasa hampa dan jam dinding yang berdetak
kenang, kenanglah jiwa mereka, almarhum……..
Bapak Basyir
Bapak Moch.Mansyur dan Bapak Soedarmadi
Teruskan teruskan jiwa mereka
mendidik tunas muda
membangun bangsa
menuju cita “Indonesia Baru”
kenang, kenanglah mereka, almarhum…….
Bapak Effendi
Bapak Wahab
Bapak M.Z Ridha.S.P.Ag, dan Bapak M. Saleh
(Surabaya, medio Februari 2011, teruntuk sahabatku Johanes Maria Ramelan, engkaukah yang menaruh lembaran kertas ini?).

tulisan

2011-01-29T12:24:00.000-08:00

bisa mung sakeplasan
bisa uga dadi lembaran-lembaran kang tanpa wilangan
tangan-tangan kang prakosa,
lan iya tangan-tangan kang tanpa daya
bisa nyipta tulisan,
kang
landhepe kagila-gial
bisa gawe gendra
utawa
aluse ngluwihi sutra
kang bisa nentremke nala

lelagon

2011-01-28T12:46:00.001-08:00

kareben enak anggonku mangan

2011-01-21T16:54:00.000-08:00

Saben bar rawuh saka sekolahan, lan ganti ageman mesthi lenggah ing kursi iku, kursi penjalin kuno.Lagi dhahar yen wis ana aba-aba saka ibu, yen dhaharane wis cumepak. Bar dhahar istirahat sawetara, banjur mundhut pacul lan arit kang dislempitne ing eklek(saiki wis ora ana), lan piranti tetanen liyane. Srengenge isih sumelet madhangi jagad saisine, ibuku elik-elik. “Isih panas pak, apa ora ngenteni bar asar?” lan diwangsuli”ya karo mlaku, mengko rak eyub, selak kesoren ayo le “ aku ndherek lan iya nggawa arit sing luwih cilik.Ngono pakulinan sing ditindakake saben dina. Guru ing desa tahun suwidakan, pancen sarwa kecingkrangan. Bayaran sawulan mung cukup kanggo mangan sepuluh dina. Untunge isih ana lemah warisan saka eyang ramane ibu, sanajan manggone ing alas pereng gunung, nanging cukup amba. Wingenane eyang kakung rawuh nuduhake marang bapak lan ibu, endi sing dadi hake lan endi sing dudu, aja nganti kleru .

Lemah sing dithukuli pring lan wit liyane sing ora bisa dipek asile banjur dibabad, mbukak lahan anyar lan ditanduri kacang dawa lan pohung. Pancen ing wewengkon iku iya mung pohung sing subur .Eyang kakung sawijining pensiunan kepala sekolah SR , kang jago etung saiki matematika.Kawasisane eyang mau nurun menyang adikku ragil sing saiki dadi guru matematika ing tlatah Pacitan.Eyang ngendikan yen tahun candhake aku neruske sekolah, embuh SMA apa SPG neng kutha, mesthi mbutuhke ragad akeh, bayarane bapak mesthi kurang,lemah iki diolah sing temenan. Mula bapak iya sengkut banget oleh ngolah lemah paringane eyang mau.

Sore lagi kondur .Saka alas mesthi nyangking apa asile alas. Yen pas gedhange tuwa iya mikul gedhang, yen pohonge wancine njebol iya ngasta tela pohong, lan liya-liyane.Paling apes mesthi manggul kayu obong, karo blarak garing.Nalika aku ndherek bapak ing alas, ana wae panyuwunku, kayata nyuwun dibakarne tela pohong, nyuwun degan , wong kabeh wis sumadiya. Degan kari menek, tela kari njebol, kathik jaman samana lemah isih subur, wit-witan ora akeh sing ditebang . Tau ing mangsa rendheng, aku nyekel carang dak jojohke ing lemah sengkedan ,metu banyune bening banget.Mung wae ing mangsa rendheng mau, yen arep mulih dalane mudhun lan lunyu lumuden mula kudu ati-ati.
Wanci bengi, omahku iya disambangi tangga kiwa tengen, ngobrol ngalor ngidul wong durung ana tv, radio wae rang-arang. Dadi hiburane iya mung iku, padha sanja sambang -sinambang ,apa wae bisa dadi rembugan gayeng.Bapak mesthi ora saged ngendikan nganti bengi, lan mesthi thekluk ngantuk, sajake kesayahan amarga saawan tindak kebon ing tlatah pegunungan.Yen wis ngono, tangga sing rawuh padha nyuwun pamit, “wis ayo mulih, kae lo pak Kus wis sayah, “ bapak jenggirat, lo yah mene kok wis mulih, yah apa iki ? Wedange dientekne ta ,la kuwi telane mbok disambi “ tamuku iya mangsuli “ entek kawit mau, wis ndang sare kono, mengko durung nyerat persiapan “.Jaman biyen yen sesuk arep mulang bengine mesthi ngasta persiapan, apa sing bakal diwulangne sesuk. Pakulinan tindak alas lan tindak kebon mau terus ditindakake ,kaya-kaya ora kagungan rasa sayah , lan ora pirsa wektu. Nate wayah surup lagi rawuh saka alas kathik swasanane udan deres, untung ora nganti gerah. Ana ngendikan sing ora dak lalekake:” tumandang gawe ngene iki supaya enak anggonku mangan “. Ukara sing isih dumeling ing kuping , lan dak teruske marang anak putu yen wong sregep tumandang gawe,weteng dadi luwe, mangan dadi enak sanajan iwake tahu tempe.Sikil jumangkah, tangan obah, ditindakake kanthi bungah, insya Allah seger kuwarasan lan barokah, amin. Rejeki wis ana sing ngatur, manungsa mung bisa ihtiar mung iku.(yen eling dhek jaman samana, nalika bapak isih sugeng, kang kebak kaendahan)

nindakake peran

2011-01-13T17:25:00.000-08:00

Tugas 1 kelas IX smp2sby semester ganep tahun 2010 -2011.
Tugas siji iki bocah-bocah nindakake peran manut aturan lan paraga sing wis sumadiya, delengen buku pendamping kaca 40 lan 41.Kabeh paraga ana 4, dadi ana sing merananke Andari, Lastri, lik Yanto lan Pak RT. Pak RT ngrangkep narator.Saben kelas diedum kelompok, sakelompok anggotane ana 4. Saupama anggotane luwih saka papat, bisa ditambah paraga liya, dikarang dhewe temane iya karangen dhewe.
Kelas IX G. dina Jum’at tgl.14 Januari 2011. Kelompok 1 : no. absen 1, 2 , 4, 5, kel 2:no absen 3, 6, 7 , 8, kel 3 no absen :9, 10, 11,12, kel. 4: no absen 13, 14 15,17 kel 5 :16,18,19, 21 Kel 6 : no absen 20, 22, 23,26 kel.7 : no absen 24, 25, 29, 31 kel 8 no absen :27, 28, 32, 36 kel 9 no absen 30, 33, 34, 35,37.
Kelas IX F, dina Senin tgl. 17 Januari 2011. Kelp I no:1,2,3,4 , kelp II no:5,6,7,10, kel III: no8,9,14,15,28, kelp IV no:11,12,16,18,29, kelp V no: 13,17,19,22,31, kelp VI no: 20,21,23,30,35, kelp VII no: 24,25,32,33,36, kelp VIII no:26,27,34,37,38.
Kelas IX A lan kelas IX D dina Selasa tgl.18 Januari 2011. Kelas IX A , kelp I no:1,2,3,4, kelp II no:5,6,9,10 kelpIII no :7,8,11,12,29, kelp IV no:13,14,15,18,33, kelp V no : 16,17,19,20,35, kelp VI no: 21,22,23,23,36, kelp VII no:24,25,28,30,37, kelp VIII no :26.31,32,34,38.
Kelas IX D kelp I no :1,2,3,4, kelp II no :5,6,7,8, kelp III no :9,10,14,20,25, kelp IV no :11,12,21,22,33 kelp V no : 15,16,26,27,28 kelp VI no : 17,18,29,30,31, kelp VII no :13,19,32,34,35 kelp VIII no :23,24,36,37,38.
Kelas IX I lan IX H, dina Rabu tgl 19 Januari 2011.

Kelp. IX I no :1,2,3,4, kelp II no : 5,6,7 10, kelp III no :8,9,13,14, kelp IV no : 11,12,16,17,30, kelp V no:15,18,19,22,32 kelp VI no : 20,21,24,28,34, kelp VII no :23,27,31,33,35, kelp VII no :26,29,36,37,38.
Kelas IX H kelp I no : 1,2,4,5, kelp II no :3,6,7,10, kelp III no : 8,9,11,15 kelp IV no : 12,13,17,18,25, kelp V no :16,19,26,28,29, kelp VI no :14,20,27,30,31, kelp VII no : 21,22,32,33,34, kelp VIII no : 23,24,35,36,37.
KELAS IX C lan IX E, dina Kamis tg. 20 Januari 2011.
Kelompok kelas IX C, kelp I no:1,2,4,5, kelp II no : 3,6,7,11, kelp III no :8,9,12,13,27, kelp IV no : 10,14,15,21,29, kelp V no : 16,17,24,26,30, kelp VI no :18,19,28,30,35, kelp VII no :20,22,31,32,37, kelp VIII no : 23,25,34,36,38.
Kelas IX E kel I no : 1,2,3,4, kelp II no :5,6,7,8, kelp III no : 9,10,11,13,29, kelp IV no : 12,14,16,18,31, kelp V no :15,19,20,23,32, kelp VI no : 17,21,26,27,30, kelp VII no : 22,24,33,34,37, kelp VIII no : 25,28,35,36,38.

Ing

2011-01-10T12:09:00.000-08:00

ing ngarep alfamart iku
ana mbakyu adik padha regejegan
adhike luwih ayu
adhike mlebu,……. mas tuku pulsa
mbakyune iya nututi mlebu…, aja mas ….. adhikku aja dituruti, aja didoli
mbak tukokna pulsa, gage ta mbak, mas iki lo nomere 08564833xxxx
ayo mulih, ayo mulih ….karo nggered tangane adhike, metu saka alfamart
ing ngarep alfamart iku
mbakyu adhik isih padha tukaran, isih regejegan
tangane adhike dicekel ceg, diglandhang lunga
ora bisa bangga
ra bisa kumecap apa-apa
mripate kaca-kaca
mung iya iku sing bisa

ING…..
ing ngarep kasir iku
tanggal telu wulan Januari tahun loro nol siji siji
kabeh padha antri tanda tangan lan
jupuk bayaran
ana sing nampa kanthi ulat gembira
lan ngetung oleh pirang yuta ya
ana sing nampa kanthi ulat peteng
alise tepung, rada mencereng
metu saka panggonan iku
mlaku kenceng

ING………
ing ngarepe kasir bank iku
para dwija padha antri
jejer-jejer kaya kontes peragawati
amarga dina iku oleh tunjangan sertifikasi
(sliramu ora oleh meri lo ya)
bingung ora tau nyekel arta, gek kanggo apa ya ?
tekan ngomah dipapag kulawarga
mas aku tukokna gelang, kalung lan ali-ali
aja lali tuku lemari wesi
pak aku tukokna sepeda motor sing apik kaya kancaku iki
mas sepeda motor loro durung dibayar
pajege rong tahun ya durung dibayar
barang ing gadhen iya wayahe mbayar
saking butege, dhuwit dibanting ing meja
ditinggal lunga,prung
tanpa sepata
ING…….
Ing kaca maya iki
dak semak siji-siji sapa ya sing rawuh dina iki ?
ana sawijining wanodya, kang cukup yuswa
kang pidalem ing tlatah Ngayogyakarta
nanging ora kersa krama
kamangka iya sulistya ing warna
kebak tata krama lan iya sawijning sarjana
gek sliramu menggalih apa ta ?
ing ngarepku, lenggah mitraku
dwija kang iya wis kadhuk yuswa
nanging iya ora kersa krama
dak godha, lo pak cantholan panjenengan kanggo apa?
genti aku disentak, ra sah melu-melu ….iku urusanku…….
aku bali lungguh amarikelu
nalika aku ngadeg
ing ngarepku ana wanodya ayu ngadeg nggejejer
wuda tanpa awer-awer
aku semaput tiba klenger.
bareng aku eling
kabeh padha ngrubung lan koor
kung ngunjuk dhisik kung…………
isih durung rampung

mung ana tembung siji: INDONESIA

2011-01-02T08:33:00.000-08:00

Final piala AFF, Indonesia mungsuh Malaysia, pancen duweni teges jroning konteks relasi bilateral sasuwene iki, kita wis kalah.Maneka warna kasus tenaga kerja ing Malaysia kanthi sakehing panandhang, sikap arogan Malaysia, kayata tapel wates lan nyaplok symbol budaya nuduhake kekalahan kita kadidene bangsa. Ing wektu kang padha kita ngimpor entek-entekan saka Malaysia maneka warna bisnis jasa: telekomunikasi, rumah sakit, nganti bank. Bangsa kita mayoritas mung dadi karyawan biasa. Kita dudu majikan ing negarane dhewe. Ing Malaysia dadi kuli, ing Indonesia iya dadi kuli. Martabat bangsa pecundang wis ngoyot.Ing ilmu ekologi ana sawijining aksioma: ekosistem sing canggih bakal mengekploitasi ekosistem sing sederhana. Negara maju bakal nindhes negara mlarat. Lan ya iku sing kedadean, sedulur enom sing licik, nanging luwih sugih bisa mempercundhangi kita. Kamangka ing era 1970an nganti 1980an Malaysia ngimport guru saka Indonesia. Ing bab teroris Malaysia ngeksport menyang Indonesia, lan ora neror ing negarane dhewe.

Psikologi pecundhang.
Kita pancen bodho sekaligus picik. Kita entekne dhewe energy klimak sing kasimpen ing pribadine pemain. Kita pancen kebacut pede, nyubya-nyubya pemain nasional: ana sing ngusung agenda politik, kabeh duwe karep sensasi , kepentingan pribadi lan kelompok. Kekalahane TKI ing Malaysia, iya kekalahane kita , bangsa Indonesia iki lan mujudake gunung es kang sawaktu-waktu bisa mbledhos.
Sasuwene para pemimpin, politisi, wong sugih, koruptor, aparat pamarentah, petinggi institusi cacat moral, terus dolanan wong kalah kanthi cara rebutan dadi pemenang lan ora duwe nurani ngorbanake rakyat dadi pecundhang, psikologi wong kalah tetep dadi sindroma bangsa. Sasuwene iku uga, kita tetep dadi bangsa bodho lan pecundhang.

Psikologi Kebangkitan.
Mula saka iku, final piala AFF, sawijining momentum psikologi kebangkitan bangsa Indonesia. Ana sawetara perspektif kebangkitan sing perlu dirembug.Siji, kekalahan kesebelasan Indonesia saka kesebelasan Malaysia, dudu kekalahan kesebelasan iku dhewe, nanging kekalahan para pemimpin, oportunis politik-ekonomi, penumpang gelap versi Effendi Gazali, utawa sapa wae sing seneng mengekploitasi bangsa.
Kaloro, syndrome bangsa akibat psikologi wong kalah, ndadekake kita dadi wong kang wegah nindakake kabeh kabisan kanthi maksimal. Ing kontek iki, kesebelasan nasional satemene dadi pemenang sejati.Putaran kaloro ing Jakarta dadi pengalaman maksimal kadidene ciri proses aktualisasi diri.Adaptasi Maslow, aktualisasi diri bakal ndadekake manungsa nggayuh pengalaman paling dhuwur.Bayangna, ing putaran wiwitan kalah 0-3. Ing putaran kaloro, klebon dhisik 0-1. Kanggone wong akeh, ora mungkin bisa menang.Nanging kesebelasan kita tetep mengaktualisasikan diri , tetep tanggon kanthi sampurna ing lapangan lan bisa malik grembyang menang 2-1. Wektu iku menang utawa kalah ora esensial maneh.Sing luwih esensial yaiku kepriye carane para pemain nampilake kabehing bakat lan kabisan sing diduweni. Kanthi kinerja paling apik ing putaran kaloro, para pemain wis dadi juara sejati. Piala ora luwih mung bonus.
Katelu, pirsanana puluhan ewu malah mayuta-yuta penonton kita. Iki pancen nggeterake nurani ,nalika mayuta-yuta saka maneka warna suku, agama, ras, lan golongan bisa ketemu nyawiji kanthi tertib, mung kanggo mbengok sora:”INDONESIA!”.
Wekasan , kita perlu takon kena apa para pemain bisa mengaktualaisasi diri kanthi apik lan yutan penonton bisa nggeterake ? Wangsulane mung ana loro. Siji, rasa ngorong sing suwe banget kanggo bangkit lan bebas saka pangrasane manungsa begundhal.Kabeh mau ora mung bab kalah menang utawa juara, nanging ngelak martabat bangsane. Loro, rasa tresna marang bangsa lan negarane kanthi tulus lan makantar-kantar.Pancen mung tresna iku kang isih diduweni kita kabeh. Mung tresna iku nganti pemain lan penonton tetep gelem aweh tumindak paling apik ing tengahing bobroke martabat. Para pemain lan puluhan ewu penonton iku wis maju sajangkah ing ngarepe pemimpine, mbengok tembung siji : INDONESIA ! Garuda wis kekalang, mabur dhuwur banget.( komp.311210-herry tjahjono-purjarwanbebas).

Sepedhahan tekan Jembatan Suramadu

2010-12-31T08:54:00.000-08:00

Wis sawetara suwe aku ora numpak sepedhah pancal. Wektu kepungkur pancen aku tau ngomong karo nyku yen menyang sekolah arep ngonthel wae, nanging nyku ora ngolehi. Apa maneh anakku, kok nemen temen ta pak, wong mulang kok numpak sepedha pancal, apa maneh ing kutha Surabaya.Ora sah, ora sah sepedhahan pancal barang. Pancen sawetara wektu kepungkur , saben esuk bar subuh mesthi sepedhahan, ngubengi kampung , ngubengi gang ing sakiwa tengene omahku. Rasane awak pancen kepenak tenan, bar sepedhahan iya tandang gawe sakuwatku, karo nyiapake piranti mulang. Saya suwe amarga akeh kegiatan , ngrangkep dadi MC( momong cucu) sepedhahan mau rada suda lan wekasane babar pisan.
Rong wulan kepungkur anakku tuku sepedha pancal, jarene kanggo olah raga, aku dadi kepengin maneh , kathik sepedhahe ya rada memper mula aku kemecer ndang nyengklak wae.Anakku pisan iya aba, diagem wae pak ben sehat, lan iya dak wangsuli la iya ta, ngono ya mathuk.Cekake saben Minggu esuk, dak perlokke sepedhahan mecaki dalan ing wilayah Surabaya lor.Ya alon-alon, pancen kepetung wis tuwa. Wiwitane cedhak-cedhak kene , 20 menit wis krenggosan, suwe-suwe kok penasaran, kepengin luwih adoh maneh.Wah kebeneran tanggal 27 nganti 31 Desember 2010, liburan sekolah, kalodangan kanggo sepedhahan .Mula dina Selasa 281210 esuk aku budhal kepengin ngerti sepira kekuatanku mancal sepedhah.Wah tibake kepenak banget, hawa seger , pancen iya ana kendaraan roda loro lan roda papat, nanging ora kaya ing tengahing kutha Surabaya. Ora krasa anggonku sepedhahan meh tekan ngisore Suramadu , sepedha dak pancal terus lon-lonan kringet wiwit gobyos.Ing kiwa tengene dalan tinemu tambak kang gilar-gilar, semono uga arep tekan ing ngisore Suramadu ing gisik akeh tanduran bakau kang subur banget. Ya ana kuciwane, ora patia kopen, lan isih ana warga sing mbuwang sampah saenggon-enggon. Sejene iku iya akeh gubug-gubug kanggo nglumpukke rongsokan.Tekan ngisore Jembatan Suramadu swasana saya rame, akeh warung utawa kios sing bukak nawakake dagangane.Kari milih, lontong kupang, bakso , jajan gorengan lan isih akeh maneh.

Sepedhah dak jagang lan leren sawetara, karo mgematake sesawangan sangisore jembatan.Bareng wis dak kira cukup, aku mulih alon alon metu komplek AL Wonosari.Dak gagas-gagas olah raga sepedhahan iki iya akeh paedahe kayata :
1.Nambahi bobot, otot sikil, bokong, bangkekan mundhak kuwat.
2.Nyegah lelara sirah mumet, nafsu mangam tambah.
3.Kanggone kang kang lara kencing manis(diabetis melitius), nyuda kadar gula ing darah.
4.Bisa kanggo nggayuh prestasi, nambah ati seneng.
5.Ngilangi rasa was sumelang , ningkatake semangat urip.
6.Nyegah lelara “jantung koroner”, nambah kekuwatan, ngiras pantes kanggo panglipur.
Yen dinalar pancen luwih luwes, amarga bisa ditindakake priya, wanita,wong tuwa, wong enom lan bocah cilik. Paling ora aku wis bisa duwe rancangan suk yen pensiun esuk-esuk sepedhahan , mulih terus nulis apa nggambar,nggambar manuk iya mathuk, nulis wayang ya ora dilarang.Mangga sepedhahan……

nonton wayang

2010-12-29T05:40:00.000-08:00

Rabu tanggal 22 Desember 2010.Esuk bar markir sepeda Jepang, bu Fatimah TU sekolah aruh-aruh :Kung mengko nonton wayang ing Genteng Kali, aja lali lo, surat tugas digawa bu Ima “ lan dak wangsuli “iya”. Ing batin aku is nyicil ayem seprana –seprene wiwit anakku lahir nganti sing ragil umur 29 tahun ,arang-arang banget nonton wayang. Biyen nalika televise swasta Indosiar nggelar acara wayang aku iamarga sih kober nyemak, nanging bareng TV swasta mau ora tau nggiyarake aku iya aras-arasen. Ing sekolah iki ana ana telu sing giwang, gila wayang yaiku swargi pak Ismanto ,pak Agus Susilohadi lan pak Rusnandi . Aku iya kalebu giwang nanging kumat-kumaten ndeleng sikon.Pak Agus wis pindah menyang Trenggalek, kari aku karo pak Rusnandi satpam sekolah. Gek karo sapa mengko ? Dak deleng sing diwenenhi tugas ana lima yaiku sing dianggep remen karo wayang lan daleme cedhak karo Genteng kali.Kancaku mau pak Didik , pak Edy, bu Ima lan bu Dwi.Pak Didik dak tari, mengko apa bisa rawuh, ana tugas lo ? Diwangsuli ora bisa kung wong rapote durung tuntas, belani wayang sida diclathu wali murid tenan sesuk. E ya wis , apa jare mengko. Udan wiwit neba riwis-riwis.Sawise ngrampungne rapot,aku mulih rapot dak tinggal ing sekolahan. Tekan ngomah crita karo nyku yen mengko arep nonton wayang, nyku elik-elik wong swasana udan kok nekad.
Ya ora papa ta, kadhung diniyati, mengko karo pak Ugeng. Ya mangga, apa kira –kira pak Ugeng kersa, lan dak wangsuli ya embuh mengko.Tenan bar sholat maghrib swasana isih udan, kepara malah deres.Aku ngebel pak Ugeng, lan iya ngendikan aku rana dhisik dirundhing dhisik, udan saya deres.Tekan daleme, pak Ugeng ngendikan yen mung nonton thok, ora susah udane deres nganggo banget. Lan iya dak aturi ana tugas saka sekolah, malah skne dak gawa.Wah yen ngono ya mangga, budhal . Ora gantalan suwe wong loro budhal nrabas udan sing saya deres.Tekan Gentengkali lo kok isih sepi, banjur ana priyayi alok-alok yen pentas ing Dinas Pendidikan Jatim, kepeksa sepeda Jepang ngubengi pasar Genteng.Udan saya deres. Tekan panggonan sing dituju pating jentrek mobil sing diparkir nganti aku kangelan golek enggon, wekasan aku parkIr ing SMK Rajasa kidule Dispendik Jatim.Mlebu gapura wis dipapag panitia, dhahar rumiyin pak wonten wingking. Tekan panggonan mangan , absen lan tanda tangan banjur diwenehi kupon loro kanggo mangan lan snack.
Wah tepak banget, kari milih aku milih kikil dene pak Ugeng embuh dhahar apa, wong panggonane rada sawetara.Bar mangan nuju panggonan pentas.Sing rawuh kajaba pejabat teras dinas pendidikan, akeh-akehe para dwija, malah aku ketemu kanca-kanca saka SMP liya.Sadurunge pagelaran wayang ana penampilan tari saka sawetara SD, kang tari-tarian mau ana gegayutan karo tema sing asesirah festival Padhang Rembulan.Malah awan mau, iya ana pementasan wayang kancil dening kidhalang Sadwika Aji Sembodo, murid kelas VIII SMP Negeri 12 Surabaya.Wektu lumaku terus udan ora mendha.Rampung penampilan tari-tarian diterusne sambutan-sambutan.Pak Harun minangka Kepala Dispendik Jatim paring pangandikan yen dinas ora kurang-kurang anggone nyengkuyung sakehing kegiyatan mula kabeh mau gumantung marang kang kawogan utamane para guru. Dene sambutan kaloro Pakdhe Karwo, diwakili Pak Rasiyo iya paring pangandikan yen jagading pendidikan pancen ora bisa pisah karo panjenengane.Kabudayan kang adi luhung kudu dikenalake wiwit cilik. Yen wiwit cilik bocah-bocah wis kenal ananing budayane dhewe , insya Allah bakal dadi bocah kang ngerti unggah-ungguh lan duwe karakter kang bisa gawe bombonge sapa wae salaras karo karakter bangsa Indonesia.Rampung paring pangandikan diterusne pagelaran dhalang cilik Wuwus.
Bocah remaja kang jeneng jangkepe Wuwus Galih Carita, sawijining murid SMP Satu Atap 2 Dongko Trenggalek,kang nate jawara lomba dhalang cilik nasional ,bengi iki mentasake lakon pembebasan Ekacakra.Ana rasa bombong, e tibake ana generasi penerus ing jagading pedhalangan. Jejeran diwiwiti ing Ekacakra, ora ana janturan kang lumrahe diucapake dhalang micarakake kahanan negara mau. Ora manut pakem kaya sing dak tonton biyen-biyen.Langsung antawacana antarane prabu Baka diterusne jejeran ing Manahilan panggonane ki Wijrapa, perang antarane balane prabu Baka mungsuh nom-noman ing Manahilan, anake demang kasil digawa mlayu diadhepake prabu Baka.Bareng arep dimangsa, teka raden Bratasena nylametake , kedaden perang antarane prabu Baka lan Bratasena,lan dimenangake Bratasena.Ekacakra bebas saka srakahing raja kang wengis prabu Baka. Para rawuh aplaus keplok mbata rubuh tanda karenan marang kawasisane dhalang cilik saka pucuking gunung Trenggalek. Hebat. Salam kagem nak Wuwus lan para dwija ing SMP Satu Atap 2 Dongko Trenggalek.
Penampilan sateruse yaiku pagelaran wayang sawengi nutug kanthi dhalang ki Sinaryo, kanthi njupuk lakon “Sang Bima”. Dak semak lan iya ora ana jejer kratonan, langsung flash back kaya-kaya Sang Bima dtekani swargi prabu Pandhu lan dewi Madrim, paring semangat supaya Bima ora madhep mangu nalika maguru. Apa dhawuhi guru Drona kudu digatekake. Langsung adegan ing tengah alas perang antarane Bima karo raseksa loro panjamane Bathara Bayu lan Bathara Indra. Bima bali nakokake kepriye karepe guru Drona. Drona nuduhake yen satemene sing digoleki tirta amerta suci, ana telenging samodra. Sadurunge budhal njegur samodra wis dierih-erih, karo ibu Dewi Kunthi lan para sadulure, aja nuruti dhawuhe guru Drona. Drona iku manggon ing Ngastina mesthi bae, luwih nengenake bala Ngastina, duwe akal kepriye carane amrih Pandhawa sirna.Bima tan keguh ing ati, tekade wis gilik apa dhawuhe guru kudu diestokake.Dialok antarane Bima karo ibu ditambahi karo sedulure banget mranani ati. Jam nuduhake jam 23.30, saupama sesuk ora rapotan rasane kepengin nutugake lakon mau nganti tuntas. Aku karo pak Ugeng bali mulih, udan wis rada terang.Aku isih kober rasan –rasan , jaman wis owah kalebu pagelaran wayang. Ora kudu manut pakem,jejeran wiwitan, jejeran kapindho, perang gagal, perang kembang , perang brubuh lan sapanunggalane.Kabeh mau gumantung wektu lan iya kreatife ki dhalang.Nonton wayang kang ngelingake cilikanku kang mesthi lungguh cedhak kothak.

pamit kenal smpn 2 surabaya

2010-12-29T05:33:00.000-08:00

Manggon ing hotel Purnama Batu,Malang tanggal 6 Desember 2010 dianakake pisah kenal antarane Bapak Astari karo Bapak Hidayat.Bapak Astari sing kurang luwih telu setengah tahun ngembani SMP 2 Surabaya promosi dadi pengawas kang kantore ing jalan Jagir Surabaya.Dene bapak Hidayat sadurunge mutasi menyang SMPN2 Surabaya, dadi kepala sekolah ing SMPNegeri 36 Surabaya.Saliyane pamit kenal bapak kepala sekolah,iya dianake perpisahan karo bapak/ibu guru sing purna tugas lan mutasi.Sing wis purna tugas yaiku Ibu Ketut Rai Sukaniti, Ibu Witdiah, Ibu Yayuk Sudarwati lan Ibu Nuryamah. Dene sing mutasi yaiku Bapak Bambang Setiyono menyang SMK 5 Surabaya lan Ibu Candra Astuti menyang Dinas Pendidikan Kecamatan Krembangan.Acara sing uga dirawuhi Komite Sekolah Bapak Purwadi Joyonegoro lan bapak Toni katon regeng banget.Ing acara sambutan Bapak Astari ngendikan , mbok manawa sajroning sesrawungan antarane pimpinan karo andhahan ana kaluputan iya pangapurane wae, dipilih endi sing apik-apik ,dene sing kurang prayoga aja ditiru. Uga disebutake yen saben tahun kelulusan SMPN 2 Surabaya lulus 100%, mula tradisi tingkat kelulusan mau kudu dijaga, sukur sukur peringkate bisa munggah.
Tahun wingi sekolah sing dianggep unggulan lan favorit wae ana sing ora lulus, mula SMPN 2 kudu bersyukur temenan, apa maneh sekolah-sekolah anyar iya ora gelem kalah , yen ora ngati-ati bisa-bisa SMPN 2 bisa kegeser.Dene pak Hidayat minangka kepala sekolah sing anyar uga paring sambutan , yen SMPN 2 Surabaya salah sijine sekolah lawas sing jenenge wis dikenal dening masyarakat lan iya wis dipercaya yen sekolah iki kalebu sekolah pavorit.Kasil orane sawijining lembaga ora gumantung saka pimpinane wae, nanging kabeh komponen melu nemtokake majune sekolah mau.Ndeleng saklebatan SMPN 2 Surabaya pak Hidayat rasane ora ana was sumelang mimpin sekolah mau mung kari ningkatate sdm sing ana, iku wae.

Sambutan sing pungkasan saka komite sekolah, yaiku bapak Purwadi Djojonegoro. Pak Pur paring pangandikan, aja ulap karo jenenge sekolah sing manggon ing tengahe kutha Surabaya iki. Kudu luwih sregep tumandang karya, aja nglirwakake kapercayane para wali murid . Sarana prasarana kanggo proses KBM uga kudu digatekake lan isih akeh sing kudu didandani lan diramut, ngono ngendikane.

Adicara resmi dipungasi kurang luwih jam 21.00 , diteruske atur tali asih , sawise iku diregengake acara bebas bapak ibu guru padha memerake kawasisane olah vocal wah jian regeng banget.Sugeng tindak pak Astari, sugeng rawuh pak Hidayat lan iya sugeng tindak mitraku pak Bambang, bu Yayuk, bu Witdiah, bu Ketut, bu Nuryamah muga-muga tansah pinaringan seger kuwarasan lestaria anggone momong putra wayah, Amin.

kucing nyolong keju

2010-12-29T05:29:00.000-08:00

Ana kucing loro bebarengan nyolong keju sablebek. Bareng ngono kucing mau padha regejegan. Sing kuru njaluk panduman luwih akeh dumeh awake kuru, kosok baline sing lemu iya njaluk luwih akeh amarga kuwatir yen awake dadi kuru. Warna-warna anggone padha alas an, ora ana sing gelem ngalah.Regejegane kucing loro mau pungkasane dadi perkara ing pengadilan. Kethek sing ngadili, sing mutusi perkarane. Dasar kethek dasar julig lan atine ora jujur, mula kucing loro mau sangsara. Kethek njupuk traju utawa timbangan, kejune diparo prol. Sing separo dideleh ing piringan traju sisih kiwa, sing separo ing sisih tengen.Sing kiwa munggah mula sing tengen kejune dijupuk dicokot kethek, kejune dibalekake lan dadi entheng. Traju tengen munggah, keju sing kiwa saiki saiki dijupuk , dicokot kethek. Kaya mangkono, traju kiwa lan traju tengen gonta ganti nganti kejune kari sethithik.
Kucing loro ngerti kapusan, mula dheweke celathu, : Wis, wis aku wis trima, kekerene keju dak jaluk “. “Kethek mangsuli “Kowe trima, nanging pengadilan sing ora trima”.Kethek terus wae anggone nyokoti keju, bareng keju kari sethithik kethek celathu,”Wis, kekerene keju iki dadi opahe sing ngedum”.banjur kejune diemplok kethek. Kucing loro ora komanan apa-apa. Kucing loro padha susah lan getun dibujuki.
Pitutur sing bisa dijupuk saka cirta sato kewan yaiku :
-aja tumindak sing kurang prayoga, nyolong jupuk sing dudu hake.
-aja regejegan sing ora ana gunane, kabeh bisa dirundhing dimusyawarah.
-aja njaluk menange dhewe.
-kudu nggolek paraga sing kira-kira wicaksana kanggo mutusi masalah.
-lsp.

materi uas basa jawa smpn2 surabaya kelas IX semester I tahun 2010 -2011

2010-12-13T09:54:00.000-08:00

Materi ulangan sing kudu disinaoni yaiku wiwit bab I (Drama crita rakyat Andhe-andhe Lumut), nganti bab VI (apresiasi Wayang – Banjaran Kresna).
Bab I lan bab II : kudu ngerti tema, underane masalah lan pitutur apa kang ana ing wacana mau/drama mau.Soal kudu diwaca bola-bali nganti ngerti temenan apa karepe soal.
Bab III: Ora ana sing angel, kudu ngerti endi paragrap pambuka, isi lan panutup.
Bab IV: Iya ora sepira angel, kudu ngert identitas panggonan kang ana ing ing wacana.
Bab V: Kudu apal lan ngerti ciri-cirine tembang macapat “Dhandhanggula”( guru gatra, guru lagu lan guru wilangan). Bisa ngowahi saka tembang(puisi tradisional) dadi gancaran (prosa).
Bab VI: Ngerti tema, pitutur kang ana ing crita wayang ,silsilah paraga ing wacana lan identitas salah sijine paraga wayang( Kresna , Arjuna).
Akehe soal 45 kedadean saka 40 pilihan, 5 mangsuli pitakon( uraian), lan ing ngisore wangsulan nomer 5 soal uraian, tulisen : kula janji badhe ngetrapaken tata krama dhateng sinten kemawon.

nekani undangan kemanten ing kampung

2010-11-28T18:02:00.000-08:00

Wulan Besar, wulan sing apik kanggone wong sing duwe khajad, embuh iku mantu, ngrabekke apa sunatan kabeh diramekake ing wulan Besar iki.Mula ora aneh yen ing gedung, ing kampung dipasang terop ,dipasang penjor ana umbul-umbul mratandani ana wong duwe gawe.Sing paling nyusahake iya anane terop iki. Wis manggone ing dalan,ditutup pisan, ya mesthi wae ta lalu lintas semrawut, matal macet total. Aku tau nyipati dhewe, wis budhalku kawanen, tekan dalan ana terob, wadhuh kepeksa ngubengi gang lan gang mau iya wis macet amarga siji-lan sijine ora gelem ngalah, rebut ducung dhisik-dhisikan. Untung wae tekan sekolahan ora didemo para cantrikku.
Mbaleni bab resepsi. Sawetara wektu kepungkur aku nekani undangan kemanten ing kampung. Saka kadohan wis katon sederhanane.Ora ana kwade sing dihiasi kembang maneka warna, sing ana mung kursi loro dihias sederhana, ora ana pager ayu apa maneh pager bagus, kabeh mung samadya ora ana kesan wah.Kursi meja tamu iya ngono, malah katone mung cukup nyilih tangga kiwa tengen. Manten iya dirias, nanging riase iya sederhana banget, menawa wae sing maesi iya biyunge dhewe.Electon kang biasane ngregengake swasana iya ora ana, sing ana mung tape kang unine kemrosak ora stabil kadang alon kadang banter.Sing rada menjila mung juru foto, menawa wae kepengin ngyakinake yen dina iki , dina kang ora bakal dilalekake, dina kang nyathet yen wong loro wis nyawiji prasetya ing janji nganti tekan kaki nini.Tekaku dipapag kanthi grapyak semanak karo rama ibune kemanten, katon polose .Karo ngrahapi pasugatan aku kober nyawang penganten sakloron, katon bagya banget, mesam-mesem asli. Mesem kalegan amarga kemanten ing bengi iki bakal necep madune katresnan kanggo mbangun kulawarga anyar ing dina-dina kang bakal teka. Nikmate pasugatan ngalahke pasugatan ing gedhong kang kari milih apa sing dipengini , semono uga anggonku lungguh ing kursi, nikmate ngalahake ing hotel utawa ing gedung kang standing party mangan karo ngadeg.Unine music tradisional, ngalahake swarane penyanyi ing hotel lan gedhung kang kerep nglagokake lagu manca kang kadang-kadang ora pas karo kuping tengen lan kuping kiwa.Swasana bengi, swasana resepsi ing kampung , pasamuan kang regeng adoh saka kesan mewah.
Karo nuntun sepeda Jepang metu saka panggonan mau, pikiranku nglantur semono ya bagya mulyane kemanten ing kampung kang adoh saka kemewahan. Kabeh sarwa asli, sarwa polos apa apane. Bagya mulya ora mung diduweni wong sing saben dina keceh dhuwit manggon ing omah gedhong magrong-magrong sing asale dhuwit saka nggarong dhuwite negara utawa jegang ing kursi sing asale dhuwit saka korupsi, nanging bagya mulya ya dadi hake wong sing uripe prasaja, apa anane, ora kakehan tingkah ora kakehan polah.

aku isih kelingan

2010-11-21T21:05:00.000-08:00

aku isih kelingan ........yen ing auditorium rri Surabaya tanggal 12 Nopember tahun 2010 sore.....sliramu padha kumpul.....padha maos geguritan lan puisi.....ketang anggone keraya-raya teka ngetokake gembolane ati.....ora perduli ngetokake pira beya sing ditokke saka kantong pribadi.....kanggo kidung nagari.
aku isih kelingan kok mitraku .....
anggonmu maos kebak semangat makantar-kantar .....ngalahke jebluge arga merapi.....
ana kang sedhih .....ngalahke panandhange para pengungsi ing Jogja,Wasior lan Mentawai..... ana uga kang nyritakake panalangsane para TKW .....kang jarene dadi pahlawan devisa ..... ana uga sing maos kanthi kebak rasa asih marang para putra .....
aku isih kelingan kok mitraku....... yen rawuhmu bisa gawe padhange atiku..... bisa gegojekan lan udu panemu .....kanggo jumangkah dina-dina kang lumaku.

upacara dina pahlawan ing sekolah

2010-11-09T20:56:00.000-08:00

Saben tanggal 10 November, kabeh wis mangerteni yen tanggal iku, tanggal kang banget bersejarah ing perjalanan bangsa Indonesia iki.Ya ing tanggal iku uga kabeh pada mengeti utamane arek-arek Surabaya anggone mempertahanke kamardikane. Diwiwiti tekane Landa sing mbonceng tentara Inggris kang ndharat ing Tanjung Perak Surabaya wiwitane ditampa kanthi apik, nanging amarga Inggris culika, wekasan nuwuhake perang brubuh,paribasan sadumuk bathuk sanyari bumi, dilabuhi taker pati rawe-rawe rantas malang-malang putung.Akeh kusumaning bangsa kang gugur dadi rabuking negara.Kanggo mengeti lekase para pahlawan sing wis dhisiki kondur ing jaman kelanggengan ,kabeh padha ngaturake kormat, kanthi upacara gendera, tabur bunga ing makam pahlawan lan kegiatan liyane.

Bangsa sing gedhe yaiku bangsa sing gelem ngakoni labuh labete para pahlawan. Ing sekolah iki SMP Negeri 2 Surabaya , iya dianakake upacara kanggo mengeti dina pahlawan. Kabeh padha menganggo ala pahlawan, kayata para prajurit kang lagi ngayahi tugas perang ngusir tentara sekutu, sukarelawan PMI ana sing nggawa bambu runcing saweneh ethok-ethok dadi Lanada lan sapanunggalane.Sing dadi pembina pak Sudijanto guru senior, guru sing wis tuwuk ambyur ing jagading pendidikan.

Dene sing dadi petugase wiwit pemimpin upacara ,pasukan pengibar bendera iya para murid sing wis digladhi kanthi disiplin. Wah jan menjiwai banget, mula upacara dina pahlawan tahun iki khidmat. Kabeh padha sadar yen bisa kaya ngene iki amarga iya jasane para pahlawan.Jam 08.00 krungu swara sirine, tandha yen asung kormat donga marang para Pahlawan.

Swasana tambah mrinding bareng disetelake vidio pidatone Bung Tomo, sing intine mbakar semangat arek-arek Surabaya supaya aja wedi karo sekutu sing gamane luwih pepak.Acara dipungkasi adu kawasisan sing dianakake ing bangsal,saben kelas ngirimake wakile supaya mamerake utawa meragakake perang sepuluh Nopember 45, wah meriah banget.Uga peragaan saka OSIS SMP 2 sing kasiL ngrebut juara pengetan dina Pahlawan, sing dianakake Pemkot.Juara 1 piala walikota, juara 1 tatarias terbaik, juara 1 tata gerak terbaik.Jam setengah sepuluh kabehing adicara rampung, para murid banjur mlebu kelas , nampa piwulang saka bapak/ ibu guru.

PIDATONE BUNG TOMO ,10 NOV '45(jarwan bebas)

2010-11-04T18:35:00.000-07:00

Bismillahirohmanirrohim….
MERDIKA !!!
Dulur-dulur rakyat saindhenge Indonesia khususe penduduk Surabaya,
Kita kabeh meruhi menawa dina iki tentara Inggris nyebarake pamfle-pamflet sing isine aweh ancaman marang kita ……..kita diwajibake ing wektu kang wis ditemtokake nyerahake gaman-gaman sing wis kita rebut saka tangane tentara Jepang.
Dheweke njaluk supaya kita mara kanthi angkat tangan…… dheweke njaluk supaya kita mara kanthi nggawa gendera putih tandha nyerah……
Dulur-dulur…..
Ing jroning paprangan sing uwis-uwis, nuduhake, menawa rakyat Indonesia ing Surabaya,pemudha saka Maluku, pemudha saka Sulawesi, pemudha saka pulo Bali, pemudha saka Kalimantan, pemudha saindhenge Sumatera, pemudha Aceh, pemudha Tapanuli lan kabeh pemudha sing ana ing Surabaya …. jroning pasukane dhewe-dhewe karo pasukan rakyat sing dibentuk ing kampung-kampung wis nuduhake pertahanan sing ora bisa dijebol lan nudhake siji kekuatan saengga dheweke kajepit ing ngendi-endi.
Mung amarga taktik sing licik dheweke iku dulur-dulur………kanthi nekakake presiden dalah lan para pemimpin ing Surabaya iki, mula kita manut ……nglereni paprangan, nanging ing wektu iku dheweke nyusun kekuatan……….lan sawise kuwat kaya ngene kedadeyane.
Dulur-dulur kabeh………
Kita bangsa Indonesia sing ana ing Surabaya iki, arep nampa tantangan tentara Inggris, lan yen pimpinan tentara Inggris ing Surabaya kepengin ngrungokne wangsulan rakyat Indonesia, kepengin ngrungokake wangsulan kabeh pemudha Indonesia ing Surabaya …….iki …………tentara Inggris…..
Iki wangsulan kita……., iki wangsulan rakyat Surabaya…..iki wangsulan pemudha Indonesia marang kowe kabeh…….
He tentara Inggris……kowe kepengin yen kita kudu nggawa gendera putih supaya teluk marang kowe…..kowe ngongkon kita ngangkat tangan mara menyang kowe……… kowe ngongkon kita nggawa gaman sing wis kita rampas saka tentara Jepang lan diserahke marang kowe……..tuntutan iku sanajan kita ngerti yen kowe sepisan maneh ngancam kita kanthi kekuatanmu sing medeni…….. nanging iki wangsulan kita :
Sasuwene banteng-banteng Indonesia isih duwe getih abang…….sing bisa gawe kain putih ……dadi abang lan putih ……….nganti kapan wae kita ora arep nyerah marang sapa wae……..
Dulur-dulur rakyat Surabaya, siagaa! Kahanan gawat!......nanging dak elingake sepisan maneh……aja ndhisiki nembak………lagi yen kita ditembak ……. mula ganti kita serang tuduhna yen kita bener-bener wong sing kepengin merdika…………
Lan kanggo iku dulur-dulur……….luwih becik kita ancur lebur tinimbang ora merdika sesanti kita tetep: merdika utawa mati…..
Kita yakin dulur-dulur kamenangan bakal kita regem, sebab Allah ana ing pihak sing bener……..percaya dulur-dulur………Gusti Allah bakal ngayomi kita…….
Allahu Akbar! Allahu Akbar!Allahu Akbar!
MERDIKA !!!

SURABAYA, PRASTAWA 10 NOVEMBER 1945

2010-11-02T07:05:00.000-07:00

25 Oktober 1945.
Inggris ndharat ing Tanjung Perak dipimpin Brigjen Mallaby.Jumlah kekuatan luwih saka 6000 wong,kalebu pasukan elite.Tekane Mallaby wiwitane disambut kanthi apik.Sawise sapatemon karo Moestopo saka TKR, Mallaby negasake yen sekutu ora arep nylundupake pasukan Landa lan NICA(Netherland Indies Civil Administtration).

26 Oktober 1945.
Mallaby ngirimake sapleton pasukan sing dipimpin Kapten Shaw, kanggo nylametake Kapten Huljer.Arek-arek Surabaya wis kelangan kapercayan marang Mallaby lan pasukane.Situasi saya panas kanthi anane slebaran saka gegana Surabaya, awit prentahe Mayor Jendral Hawthorn, panglima tentara sekutu ing Jakarta.Inti selebaran iku, njaluk supaya Indonesia nyerahke kabeh gaman ing ndalem wektu 48 jam.
27 Oktober 1945.
Sekutu wiwit nindakake agresi.Komandan sekutu nganggep entheng kekuatane Indonesia kanggo mempertahanke kamardikan.Luwih-luwih Inggris, banget njagokake Brigade 49 sing jejuluk The Fighting Cock sasuwene perang mungsuh Jepang.
28 Oktober 1945.
Pasukan sekutu ngendhih lapangan udara Morokrembangan lan sawetara gedhung penting.Ing antarane,kantor jawatan kereta api(KA),pusat telpon lan telegraf ing Kebonrojo, RS Darmo, lsp.
29 Oktober 1945.
Paprangan gedhe ora bisa diselaki, yaiku 6000 pasukan Inggris mungsuh puluhan ewu tentara lan pemudha.Kalah bala, Mallaby njaluk bantuan Hawthorn supaya Indonesia nglereni paprangan. Hawthorn njaluk Presiden Soekarno supaya pemimpin ing Surabaya kanggo nglereni paprangan. Soekarno, Hatta lan Amir Sjarifoedin teka ing Surabaya lan nganakake pirembugan.
30 Oktober 1945.
Mobil Buick sing ditumpaki Brigjen Mallaby dicegat kelompok pejuang nalika ngliwatiJembatan Merah.Amarga ana kesalahpahaman, tembak-menembak ora bisa dicegah.Wekasan mobile Mallaby mbledhos sawise kena tembakan. Mobil gosong dadi angus.Matine Mallaby kasebut dadi sumbere dahuru anane paprangan kang luwih nggeggirisi ing tembene.
1 November 1945.
Kapal perang HMS Sussex ndharat ing Pelabuhan Tanjung Perak.Seminggu teruse, kurang luwih 8000 interniran(sandera), dipindah menyang kapal perang.
9.November 1945.
Kanthi interniran digawa mulih, Inggris wiwit nindakake aksi balas dendam matine Mallaby. Dheweke ngetokake ultimatum , supaya kabeh gaman diserahke sadurunge jam 06.00 esuke, lan wong-wong sing tanggung jawab matine Mallaby diserahake.Ultimatum disebarake saka montor mabur tumuju saindhenge kutha.Saliyane iku, dielingne kabeh bocah lan wanita kudu ninggalake kutha sadurunge jam 19.00.Ana ancaman mati kanggo wong sing nggawa gegaman sawise jam 06.00, ing tanggal10 November 1945.Jam 18.00 elemen TKR lan pemudha nandha tangani Soempah Kebulatan Tekad sing intine ikhlas berkorban kanthi tekad merdika utawa mati.Sawise iku, jam 03.00 Gubernur Surjo ngumumake ing corong radio yen Surabaya arep nglawan nganti titik darah penghabisan
10 November 1945.

Jam 06.00 Inggris miwiti serangan. Bung Tomo ngajak kabeh rakyat supaya nglawan. Perang gedhen kang nggegirisi, Surabaya diserang saka telung jurusan, darat, laut lan gegana, kutha dadi segara geni. Akeh gedhong sing mawut ajur mumur.

tugas ngarang tembang macapat dandanggula

2010-11-02T06:50:00.000-07:00

Murid-murid iki tuladhane tembang macapat “DANDANGGULA’’ nganggo sandiasma Pak Purwito.Dadi bocah-bocah kudu ngarang tembang Dandanggula’’ sapada” nganggo jenenge dhewe-dhewe.Sawise kok garap ing buku materi bab 4,tembang sing kok karang mau tulisen utawa diketik nganggo computer lan ditempelke/dilem ing buku cathetan. Gatekna pathokane tembang Dandanggula yaiku:guru gatra, guru wilangan lan guru lagu.Yen kangelan bisa nyuwun pirsa Pak Pur utawa Bu Endang ing ruang guru.
DANDANGGULA.
P-ara mudha dalah para murid
A-wya kendhat seneng amemaca
K-itab kang akeh gunane
P-oma-poma den emut
U-wal saking cubluking ngilmi
R-a krasa tambah pana
W-asis lantip iku
I-badah ingkang kaarah
T-iba bagya mulya aneng tembe buri
O-pen sangu ngagesang

Sapa sing bisa gancarake tembang ing dhuwur diparingi reward saka Pak Pur, tulisen ing buku cathetan.

PELATIHAN KOMPETENSI GURU BASA JAWA

2010-11-02T05:57:00.000-07:00

Bapak ibu mangga amersudi ngelmu
tata cara mulang
kanggo ndhidhik putra-putri
setya budya, mbimbing generasi bangsa

Guru iku,aktif kreatif satuhu
inovatif uga
efektif nyenengke ati
guyub rukun anggayuh tujuwan bangsa

cara mulang, maneka warna kang laku
dasaring konstektual
model langsung koperatif
inkuiri model berdasar masalah

Tembang Pucung ing ndhuwur seratane Ibu Sri Sulistyani nara sumber Saka UNESA, nalika dianakake PELATIHAN PENINGKATAN KOMPETENSI GURU BASA JAWA SMP NEGERI /SWASTA SE KOTA SURABAYA, kang manggon ing SMK 5 Surabaya, tanggal 28 nganti 29 oktober 2010. Manut Bu Lis, sejatine para bapak ibu guru basa Jawa wis kompeten, nanging ora ana alane yen para dwija mau ana penyegaran utawa dicharge, supaya bisa seger maneh lan ora mboseni.Wulangan basa Jawa ora padha karo wulangan liyane, amarga ing basa Jawa mau, ana unggah-ungguh kang magepokan karo tata karma sopan santun.
Ing Indonesia wiwit biyen mula wis kawentar budaya kang adi luhung, kalebu ing tatakrama. Mula nalika anggota DPR sinau tatakrama menyang Yunani, akeh sing nggleges, gumujeng, e tibake ing Indonesia wis ora ana tatakrama maneh ta.La sinau tatakrama menyang Yunani, sinau apa nglencer…..biyuh……biyuh? Akeh materi sing diparingake dening Bu Lis, intine kaya sing sekarake Kinanthi ing ndhuwur.
Narasumber sing kaloro yaiku Bapak Sukarman , ketua jurusan Basa Jawa Unesa.Guru diupamakake pandita kang mulang para cantrik,mula guru kudu sekti. Yen ora sekti, kepriye nasibe para cantrik?

Dene carane kudu anggeggulang ilmu sregep maca lan nulis lan aja ketinggalan infomasi tehnologi. Guru Surabaya yen ora bisa computer wah, kepancal sepur, embuh yen guru Pacitan? Wah-wah iki aku sing rada ganjel, kamangka guru ing Pacitan akeh sing melek computer, ngapunten nggih pak?.Pak Karman paring materi bab RPP(Rencana Pelaksanaan Pembelajaran).RPP saiki kudu berbasis karakter.Indikator nyakup kognitif produk, proses, psikomotor, affektif, keterampilan social.
Semono uga tujuan pembelajaran ,ya kudu nyakup kognitif produk.
Kabeh RPP kudu cocog karo standart isi sing wis ditemtokake, ngono ngendikane Pak Karman.
Kegiatan sing dibukak lan ditutup dening Pak Yusuf minangka wakile Bapak Sahudi awit nindakake ibadah haji,lumaku kanthi rancag. Pak Yusuf ngelingake, bapak/ibu guru aja mung nguber sertifikat wae, nanging luwih saka iku.Tugas guru tambah abot, embuh pirang kwintal abote, apa maneh saiki wis akeh sing oleh TPP.
Para dwija olehe nyemak, kebak semangat, kabukten nalika diparing tugas saka nara sumber bu Lis lan pak Karman ,embuh iku diskusi kelompok, tugas kelompok lan liya-liyane padha nuduhake kawasisane. Jam telu sore sawise adicara penutupan, kabeh peserta kondur nggawa semangat anyar, lan iya ngasta oleh-oleh kanggo para cantrik, nuwun.

warta kanggo mitra

2010-10-30T03:17:00.000-07:00

esuk iki ……..esuk iki sliramu ana ngendi? menyang tegal ngirim boga kanggo bapa kang ngudhal- udhal-lemah cengkar …………….apa malah ngudang putra sing ayu-ayu...... utawa tindak pamulangan paring pitutur marang para cantrik cilik-cilik? mitraku…….esemmu kang gawe getering atiku…….sapandurat aku gragap yen sliramu ora ana ngarepku.

mitraku........ kawruhana yen nuswantara nandhang dhuhkita. apa sliramu ora pirsa …………… apa rewa-rewa ora pirsa………amarga ……wakil kita lunga menyang manca perlu sinau tatakrama......aneh ning nyata.

mitraku...... arga Merapi lagi krodha nyebar pepati lan kasangsaya .........akeh rowang kang kebak panandhang....... wisma lan rajakaya datan kapetang
mitraku...... ing wektu iku uga ………..tsunami nggegerke Mentawai………korban pating blasah kasulayah......… prahara sindhung riwut magenturan, lindu kaping pitu mawantu-wantu....parandene menyang endi playune bocah bajang, kang nyekel sada lanang ?

mitraku, yen Gusti wis paring bebendu...... ora ana sing bakal kuwawa anadhahi kang bakal dumadi……….kabeh mau kinarya pepenget, thegkliwere jagad iki ana ing astaNE.

mitraku........ sanajan sliramu ana ing sukuning arga, apa ing gisiking samodra aku tetep setya……

MATERI ULANGAN BASA JAWA

2010-10-25T20:54:00.000-07:00

MATERI ULANGAN HARIAN 2 SEMESTER GASAL 2010-2011 SPENDABAYA.
Murid-murid kelas IX, ulangan padinan bebarengan ka 2 wulangan basa Jawa tiba dina Kamis tanggal 28 Oktober 2010.Sadurunge nggarap, tulisen ukara sing dicetak miring lan ditanda tangani: Kula badhe nggarap ulangan menika kanthi jujur, boten ngrepek lan boten tanglet kanca . ttd…jeneng kanthi jelas. Rampung kok tulis lan kok tanda tangani, lagi wiwit nggarap nomer 1, 2 lan sateruse.Dene sing kudu disinaoni ana ing buku materi pembelajaran :

1.Mangsuli pitakon, ana ing wacana buku materi kaca 11.
2.Wewatakane paraga ana ing kaca 12.
3.Gawe pada pambuka lan panutup naskah pidato/ sambutan.
4.Negesi tembung/kosa kata ing wacana Jawa Tengah.

Akehe soal: 10, aja nganti dikosongi supaya bijine ora 0(nol), yen ora mudheng supaya diwaca bola-bali.
Sing oleh reward UH 1 wingi yaiku :FANNY NURADIYAH kanthi biji 96(sangang puluh enem)kelas 9G nomer absen 11, lumayan bisa kanggo andok bakso.Reward mau bisa disuwun nyang Pak Pur kanthi nggawa print ing postingan iki.

HI.........RAI....IKU

2010-10-20T19:38:00.000-07:00

Dina Selasa tanggal 28 September 2010, wektu wulangan IPA jam pungkasan kira-kira jam 10.30, kelasku ditekani DIKNAS saperlu nindakake imunisasi.
Wiwit mau pancene wis mlebu saben kelas perlu nindakake tugase, la saiki ing kelasku.Durung durung wis prindang-prinding,pikiranku ora karu-karuan mendah neya larane disuntik imunisasi.Kagawa saka rasa wedi aku banjur mundur-mundur pindah lungguh ing bangku buri.Rumangsaku aku ditekani pawongan sing aku ora kenal.Awakku gemeter adhem panas,kepengin ngomong karo kancaku, blangkemen cangkem rasane kaya kakunci.Ambeganku menggeh-menggeh kaya arep tiba, awakku krasa lemes, anehe kanca-kancaku ora ana sing ngerti yen aku kelaran semono uga guruku ya ora pirsa.Ujug-ujug pawongan mau ana ing buriku,sawijining wanita raine rusak rambute dawa diore hi…..Aku wedi banget,arep bengok ora bisa apa maneh ngomong.Ing antarane sadar lan ora guru Agama rawuh manawa wae kancaku iya ngerti kahananku, aku banjur diotong-otong menyang ruang BK.Pawongan wanita rai rusak melu nunggoni aku ing ruang BK.hi……..Pak Nursawi guru sing ngrangkep kadidene paranormal rawuh lan donga supaya aku aja diganggu.Saya suwe aku saya sadar lan aku bisa crita dak tulis ing kertas dak caoske pak Purwito guruku, e tibake ditampilne ing bloge.Muga-muga aku aja diganggu maneh lan janji arep ningkatake ibadah.Sauntara iku Pak Nursawi ngendikan yen aku ora sengaja nyenggol si rai rusak. Omahe ing lorong kelas 9H.Yen kelas 9 H ribut utawa rame pawongan mau mesthi mlebu, ngerti ramene kelas lan melu-melu nunggoni,ngono ngendikane Pak Nur. Wallahualam(critane Wahyu Tri Kuntari kelas 9H).

tata krama murid marang guru

2010-10-17T17:57:00.000-07:00

Ing sajroning pamulangan iki ana sawetara kanca sing anggresah, murid-murid saiki angel wulang-wulangane bab tatakrama.

Kudune kepengin mbantah wae, awit duwe panemu yen tatakrama iku kudu dibuwang,awit dianggep kuno,ora modern tinggalane para penjajah lsp.Ana maneh sawetara kanca yen para murid saiki tingkahe saya dadra wiwitane nglanggar aturan, bar nglanggar/ nerak aturan yen dikandhani mbantah, la iki sing paling cilaka, bar mbantah nglawan...... gurune dilawan, wong tuwane dilawan wah gek kepriye yen ngene iki, sapa sing salah? Murid-muridku iki ana sawetara cathetan, mbok manawa ana gunane ing tembe buri.
.Wong memisuh iku ala, ora patut ditindakake bocah-bocah sing sopan.

.Wong menganggo klambi ora dibenikake iku ora apik, ora patut tumrape bocah kang ngerti tatakrama.
.Bocah adus tanpa patelesan bebarengan bareng wong akeh iku saru, ora pantes ditindakake dening bocah-bocah sekolahan.
.Wong kang gawe geger ing pasamuan utawa tontonan iku klebu ora apik, ora pantes ditindakake bocah-bocah sekolahan.
Dene murid kang sopan lan ngerti tata krama iku :
.Yen kepapag gurune ana ing dalan, ora bakal mlayu ngenthar, nyingkrihi. Balik malah sareh mapagake sarta asung kormat kanthi manthuk.
.Yen ketemu gurune ana ing toko utawa ing panggonan liya ora ndadak banjur ndhelik amping-amping wong liya, nanging panggah tenang kaya-kaya ora ana sapa-sapa.Yen gurune mriksani malah banjur asung kormat.
. Yen ana ing sajroning kelas, arep nyuwun pirsa wulangan ora ndadak ngaturi gurune sarana suwit-suwit utawa tangane ngetheki kaya yen ngundang pitik kae.Nanging saran a ngacungake tangane sarta matur:"keparenga kula nyuwun pirsa".

Murid-muridku, tulisan ing dhuwur ora ateges guru mundhut dihormati, ora!Nanging adate wong wetanan pancen kaya mangkono. Sing enom asung kurmat marang wong tuwa, suwalike wong tuwa iya kudu asih marang sing luwih enom.(kapethik:bapak Imam Soepardi, tata krama ajur ajer.....

DINANE ISIH RIYAYA (3)

2010-10-17T17:48:00.000-07:00

Halal bi halal PWP
Manggon ing gedung Cak Durasim Gentengkali Surabaya, dhek tanggal 3 Oktober 2010 dianakake halal-bihalal Persatuan Warga Pacitan(PWP).

Dene kok ora manggon ing sekretariat Kedungmangu, duweni pamrih supaya sing ngrawuhi luwih akeh,amarga manggon ing tengah kutha Surabaya,gampang transportasine.
Manut panitia, sing diundang saliyane para warga kang wis pidalem ing Surabaya , uga para pangarsa kang wis pinitaya melu nemtokake ubeng ingering negara.Nganti pandom nuduhake jam 11.30 iya durung ana sing rawuh lan acara iya wis lumaku.

Bapak Bambang DH, mantan walikota Surabaya sing saiki dadi wakil walikota ora rawuh amarga tugas ing Jakarta, pak Yono minangka bupati Pacitan ana kunker ing Trawas lan bapak ketua DPRD Pacitan iya ora saged rawuh amarga tugas sing ora bisa ditinggalake.
Tetep regeng sanajan ora dirawuhi para priyagung.
Sanajan ora dirawuhi para priyagung acara halal bihalal tetep regeng, kabukten nganti purnaning acara para tamu isih akeh sing durung kondur. Kabeh mau awit saka wasise panitia ngatur adicara saengga ora mbosenake.Kesenian sing ditampilake ora nguciwani Reyog Ponorogo sing kober diklaim Malaysia mamerake kaprigelane , bujangganong atraktif banget lan ora lali tari Remo kanggo manembrama para tamu.Dene seni liyane yaiku pethilan tari Gathutkaca Gandrung, ngelingake wayang wong nalika aku ing SD tahun seketan.Sing dadi Gathutkaca priyayine gagah pideksa, sing dadi Pregiwa ayu kuning menik-menik, jan pasangan ideal banget.Apa para nom-noman saiki isih nyipati wayang wong mau ? Tanda pitakon sing angel wangsulane. Dene bapak Slamet isih kober nyekar Dhandhanggula kidung Grindulu wah,jan isih kung tenan swantene.

Aja isin ngaku wong Pacitan.
Biyen Pacitan iku kondhang makanan pokoke gaplek, malah aku isih eling ing ilmu bumi, sing nuduhake makanan pokok saben daerah, upamane Madura makanan pokoke jagung, Maluku sagu lan iya Pacitan iki, makanan pokoke gaplek.Saiki Pacitan wis seje , sega gaplek utawa thiwul arang-arang ditemoni,upama ana iya awujud jajan sing rasane nyeje.Halal bihalal saben tahun kudu dilaksanakake, cunduk karo sesanti “NEDYA NYAMBUNG RASA NGUMPULAKE BALUNG PISAH AJA KONGSI KEPATEN OBOR” ngono ngendikane Bapak Drs.H Subekhan Subagyo, minangka ketua umum PWP Surabaya.Gonge adicara dipungkasi ceramah Agama yaiku bapak H.Moch Untung Margono, SH,MM, dosen Unair, priyayi saka Bolosingo, Pacitan.Alhamdulillahirrabbilalamin.

DINANE ISIH RIYAYA (2 )

2010-10-11T07:21:00.000-07:00

JAKARTA JAKARTA.
Mas, cah-cah kepengin dolan menyang Jakarta, kepengin setiren dhewe, ngono omonge nyku ing sawijining wektu.Aku meneng wae.Pancen wis suwe cah loro kepengin setiren dhewe menyang Jakarta.Mung ana sing rada ganjel, wong menyang Jakarta samono dohe kok disopiri dhewe.Kamangka adhike ora bisa dijak gentian amarga cutine wis entek, gek aku dhewe nyopir ya wis ora pati teteh, ngunduri tuwa.Wekasane aku ngalah,diboti anak. Karo maneh pancen wis suwe ora ketemu family utamane Bulik Sri watara telung puluhan tahun, ya kepriye maneh aku kepeksa ngebel yen arep sowan.Bulik piyambak iya ngendika, dolana nyang Jakarta mengko ben dipapak adikmu Agung, aku ngaturake panuwun, wong ora tau komunikasi kok mara-mara sowan. Rabu tanggal 15 September 2010 jam 09.00 sida budhal menyang Jakarta, disetiri mas Arik mantuku.Sing ora melu mung anakku lanang amarga cuti riyaya mung sedhela.Rutene metu jalur kidul, sukur-sukur bisa tekan Jogja isih sore lan mlaku-mlaku ing Malioboro.Lakune gledhegan Jepang lancar lan ngemati banget anggone lelungan.Yen kesel utawa putuku rewel mesthi leren sing penting slamet lan seneng.Tekan Jogja jam setengah pitu dalan nuju Malioboro macet total, lakune gledhegan nggremet, rencana mlaku-mlaku ing Malioboro ora sida.
Anakku kepengin gudheg lan pancen wayahe mangan bengi ya rada suwe anggone nggoleki.Bar mangan, kabeh bingung neruske laku apa leren, kamangka panggonan sing dituju isih adoh.Terus lajeng mawon pak,lan ya dak sambung iya ayo, mas Arik ora kesel ta, lan diwangsusli boten. Aku dhewe ya mung manut arep dak genteni ora gelem.Jogja terus kathik swasana bengi rada grimis, gledhegan Jepang mlaku terus nrabas swasana peteng lan grimis.Kahanan wiwit sepi kendaraan arang- arang mung kadhang kala disalib bus malam sing playune kaya diuber setan.Arep terus nanggung.yen ora terus Jakarta isih adoh isih nglangut.Gledhegan Jepang mlaku terus tekan Wates watara jam sepuluh bengi,lan golek penginepan swasana udan. Esuk watara jam 4 wis padha tangi, mung putuku loro sing isih nglepus,kesel beke.
Udan saya deres lelungan isih nglangut isih adoh.Lakune gledhekan Jepang ora bisa banter, udan saya deres lan aku iya elik-elik marang mas Arik sing ngati-ati. Saya padhang swasana saya rame, ing Ciamis leren kanggo mangan esuk lan kahanan terang.Bulik sing dadi jujuganku ing Jakarta terus mundut pirsa tekan ngendi nang,lan iya dakcaosi pirsa isih tekan ing kutha ngendi aku ditelpon Aku usul apa ora metu Bandung wae, amarga yen deleng peta kok luwih cedhak, malah ing peta mau nyebutake yen Bandung Jakarta ana dalan tol. Bareng ditimbang-timbang lan deleng peta ,wekasan metu Bandung. Sesawangan jalur kidul endah banget, malah nuju Bandung dibangun dalan anyar kiwa tengen dalan sesawangan nengsemake ora lali anakku jeprat jepret ngrekam sesawangan mau.Aku dhewe iya emoh kalah, nanging ing jero gledhekan kok ora bisa maksimal.

Pinggir dalan sisih kiwa akeh nom-noman padha leren ngematake banget dalan anyar mau, mantuku iya kepengin minggir nanging dielingake karo sisihane rak ora teka teka mengko.Watara jam lima tekan Bandung sawise takon mrana mrene nemokake tol nuju Jakarta. Bulik memantau terus lan diutus metu tol Cipularang, mengko ana petunjuk arah Cibubur menggok ngiwa lan terus dipandu.Swasana udan deres, kendaraan akehe ora bisa crita, prasasat kendaraan saIndonesia tumplek blek ing dalan tol mau.Bulik mandu terus lan diparingi nomer hpne dik Agung lan dik Agung iki sing aweh pamrayoga supaya menggok Pondok Gede terus leren ing mall.Sebutne jenenge mall, mengko dik Agung sing mara.Embuh apa jenenge mall mau lan Alhamdulillah ketemu sedulur tunggal eyang.Watara jam sepuluh bengi wis tekan daleme bulik ing kawasan Cibubur, bulik wis ngantu-antu kawit wingi kok ora teka-teka ta nang?Olehku matur nganti glagepan.
Dina Jum’at tanggal 17 September 10 menyang Ancol diterusne menyang Dufan terus nyang kolam renang Atlantik, iku wae mbutuhake wektu sedina jableg.Dina Sabtu menyang Monas,diterusne menyang mall Ambasador, nuruti putu golek kaset ps.Rampung tuku kaset balik menyang Rafles Hill daleme bulik panggonanku ndherek nginep. Ing sajroning perjalanan mau anakku usul apa ora mulih Surabaya saiki wae, amarga ngelingi lelungan samono suwene,lan dina Senin tanggal 20 bocah-bocah wis padha mlebu sekolah.
Yen dina Minggu lagi budhal kuwatir teka Surabaya dina Senin, amarga pengalaman budhale wingi kang mbutuhake wektu rong dina sewengi jableg.Kepeksa matur bulik yen arep nyuwun pamit saiki, bulik ya rada owel nanging kepriye maneh.Sing ngati-ati lo nang lan dak wangsuli inggih bulik, watara jam telu sore gledhegan Jepang ninggalake Cibubur ninggalake Jakarta kang kebak cathetan endah.Matur nuwun marang adhiku Agung ,adhiku Panji, lan nyuwun pangapunten marang mas Tanto, mas Muh, mas Har, mbak Nur muga-muga tansah rahayu ingkang pinanggih , Amin….

Yen budhale metu jalur kidul , mulihe metu jalur lor Pantura.Jam rolas bengi tekan Batang terus Kendal. Ing pom bensin Kendal ngeluk boyok watara jam teluan neruske lakon lan iya mondhak-mandheg manut kaperluan.Lelungan sing gawe sayah nanging seneng, Alhamdulillah watara jam telu awan tekan Surabaya kanthi slamet.Alhamdulillahirabbilalamin…….

DINANE ISIH RIYAYA (1)

2010-10-03T17:54:00.000-07:00

Tanggal siji wulan Oktober tahun 2010, dinane isih riyaya.Swasana halal bihalal isih bisa ditemoni ing sawetara instansi ,perkantoran lan ing pamulangan.Riyaya tahun iki ana rasa seneng lan ana sing rada ganjel sedhih.Senenge aku bisa kumpul kulawarga lan bisa mudik, dene sing ganjel sedih amarga bapak mara sepuhku seda dhek tanggal 7 September 2010, kanthi yuswa 86 tahun, yuswa kang kanggone priyayi saiki wis kagolong langka.Sedhihe kok ora amarga bapak marasepuh seda ora, nanging aku lan nyku ora kober nuruti pamundhute, kepengin ditunggoni utawa aku boyongan nyang Mojokerto durung kelakon.Durung aku lan nyku ngrumat, wis kedhisikan dipundhut karo Panjenengane.Inna lillahi wainna ilaihi rojiun.Dadi sasuwene bapak gerah nganti sasedane aku kepeksa pp Surabaya Mojokerto.Amarga musibah mau, aku ngomong nyku, apa aku wae sing mulih? Nanging anak lan putuku kepengin banget menyang Pacitan amarga iya kepengin refresing lan nyambangi eyange putri ngiras halal bihalal.Wekasan kabeh sida budhal menyang Pacitan kalebu nyku.Kamis tanggal 9, sawise tahlilan 3 dinane bapak swargi, jam 20.00,aku sida budhal metu arah wetan. Dene rutene ya padha riyaya tahun wingi, Surabaya, Jombang Kediri Tulungagung Trenggalek banjur munggah Karangan Dongko.Tekan Dongko ngancik jam telu kliwat olehe nyetiri anakku kaya diuber setan, aku kelingan arep mampir daleme mas Bonari, nanging sikone sing ora ngepenakake dadi aku ya mung meneng karo dedonga slaman slumun slamet.Arep dak elingake aja banter-banter, mengko gek salah tampa, lan dak badhe wangsulane anakku mburu sholat ied pak.Lakune gledhekan Jepang lancar, nanging yakuwi bareng arep nyabrang kali Cangkring, kaline banjir kepeksa mubeng metu dukuh Minggir ngulon terus desa Bodag, Nogosari, Cangkring lagi Wonodadi.
Pandom nuduhake jam 5 luwih, wah ora nututi sholat ied tenan tahun iki.Temenan teka dhog wis wiwit adzan pratandha yen sholat arep diwiwiti.Mantuku cluluk boten sah siram pak, langsung kemawon, aku meneng bae. Kagawa awak kesel lan lungkrah amarga sewingi bethethet ing dalan, aku mung meneng karo ngrewangi ngudhunake barang sakuwatku.Aku ora sida sholat ied. Dina iku ngepasi dina Jum’at, acarane sungkem dhisik marang ibu lan apura ingapura karo sanak sedulur, terus sholat Jumat.
Ana dulurku sing elik-elik, dina iki Jum’at Legi wuku Klawu, aja paring sodakoh, ora apik lan aku iya manut wae.Bengi iya akeh tamu sing padha unjung-unjung lan crita maneka warna.Riyaya-riyaya, nanging wukune Klawu ya ngene iki, ngono ngendikane sawenehing kadang lan nyritakake yen dina Rebo bengi kali wetan, kali Wonodadi banjir gedhe. Saking gedhene ana raja kaya wedhus, pitik lan bebek kentir ketrajang banjir, untung ora ana korban. Ana crita sing lucu, wong sepedha montoran nyabrang kali tekan tengah kali, lo banyune kok saya tambah saya agung lan butheg.Kepeksa sepeda motor dikebut arep nuju dalan ora nututi dadi terus nuju ngisore wit klapa tengah kali sing rada gasik.Sepedamotor disendhekake, lan piyayi mau mlayu golek slamet, sepedhamotor diglethakake.Ana maneh wong nuntun sepedhapancal, tekan tengah kali lo, kok banyune saya tambah, ora kesuwen sepedha mau ya diglethakake, banjur golek slamet. Bengi mau aku iya kepengin ngobrol rada suwe, nanging kabeh ora bisa dak candhet padha kondur Esuke aku mlaku-mlaku tumuju kali, pancen bener, tipake banjir gedhe isih nabet kabukten suket gajah sing tukul subur padha rubuh, lan banyune isih buthek ngelingake jamane cilikanku nalika bar banjir padha langen gethek gedebok.Sabtu watara jam 10 aku sida bali menyang Surabaya, awit dina Minggune wilujengan 7 dinane bapak marasepuh.
Yen budhale metu wetan, mulihe metu kulon, dadi rutene ya Lorok, Pacitan, ngalor nuju Ponorogo Madiun bablas Surabaya. Ing Pacitan leren sawetara putuku kepengin bakso. Ya nalika andhok bakso mau, aku nyoba halal bihalal karo pak Sugeng, nanging hpne of,manawa wae lagi tindak, apa isih ana keperluan liya .Lakune gledhekan Jepang lancar, sanajan ora pati banter.Dina iku arus balik lan mudik rame banget, tekan Kertosono saya krasa, ramene kendaraan rodha loro lan rodha papat wis ora bisa dicritakake.Apa maneh sing jeneng bus antar kota. Biyuh, longgar sithik wae lampu lighting murub, aweh tandha supaya kendaraan liyane minggir, slodar-slodor mrana-mrene tanpa duwe rasa pekewuh,kaya-kaya dalane dhewe.
Jam 17.00, saka radio Suara Surabaya aku krungu yen ing tlatah Ngawi, bus Sumber Kencono diobong warga, amarga nggawa korban.Wah warga duwe vonis dhewe yen ana kedadeyan sing ora bisa ditampa. Gek jaman apa ta iki ?Kepriye nasibe penumpang ing jero bus mau, batinku.Tekan Jombang leren, perlu mangan awan lan leren sawetara, kahanan dalan macet-cet amarga arus mudik lan arus balik, kathik wektu iku bubar udan dadi pinggir dalan sing ora aspalan ngecembong banyu udan.Watara jam wolu bengi tekan Surabaya kanthi slamet, Alhamdulillah.

DONGA DINA REBO LAN JUM'AT SMPN 2 SURABAYA

2010-09-29T23:22:00.000-07:00

Ing minggu pungkasan wulan September 2010 ing SMPN 2 Surabaya,diwiwiti Englishday lan Javanesday. Englisday saben dina Rabu lan Javanesday saben dina Jum’at. Bocah-bocah kelas IX, kudu ngeprint donga iki lan ditempelne ing buku cathetan
DONGA MIWITI WULANGAN
Assalamu’alaikum Wr.Wb.
Sadurunge wulangan diwiwiti ayo padha donga manut agama lan kapercayane dhewe-dhewe.
DONGA DIWIWITI.
BISMILLAHIRROHMANIROHIM.
Kanthi nyebut asmane Gusti Allah ingkang maha asih lan maha murah.
1.Ya Allah Gusti kawula, sedaya puji syukur kula aturaken dhumateng Panjenengan, saengga kula saged miwiti pasinaon lan piwucal kanthi sae lan lancar.
2.Ya Allah Gusti kawula, Panjenengan tuntun manah lan pikiran kula sarta Panjenengan gampilaken anggen kawula nglampahi lan nampi pendidikan lan piwulangan saking bapak/ibu guru.
3.Ya Allah Gusti kawula, Panjenengan dadosaken kawula dados lare ingkang bekti dhumateng tiyang sepuh, bapak/ibu guru lan Panjenengan dadosaken kula sedaya lare ingkang sholeh lan sholekhah.
4.Ya Allah Gusti Kawula, Panjenengan kabulaken sedaya donga lan panyuwun kula.
RABBANA ATINA FIDUNNYA HASANAH WAFIL AKHIROTTI HASANAH WAQINA ADZABANNAR.
WALHAMDULILLAHIRROBBIL’ALAMIN.
Wassalamu ‘alaikum Wr.Wb.

BENEDICTION STARTED LESSONS.
Assalamualaikum Wr.Wb.
Before the lesson begins let us pray by Rligion And we trust each other.
Start praying please.
BISMILLAHIROHMANIRROHIM
In the name of Allah the Most Gracious, MOST MERCIFUL
1.Ya ALLAH our Lord,all prayse Thy presence we prayed for all the abundance and grace, so that we can start learning and teaching well and smoothly.
2.Ya ALLAH our Lord lead our hearts and minds and make it easy all our affairs in travel and receive aducaton and lesson from our Teachers.
3.Ya ALLAH we make this our Lord.with filial piety to our parents, Our teachers and teach our children th.at To be agood students.Ya ALLAH our lord ,acep the prayiers and our requests.
ROBBANA ATINA FIDUNYA HASANAH WAFIL AKHIROTTI HASANAH WAQINA ADZA BANAR WALHAMDULILLAHIROBBIL ALAMIN.
WASSALAMU’ALAKUM Wr.Wb

DONGA MUNGKASI WULANGAN.
Assalamualaikum Wr.Wb.
Sadurunge wulangan dipungkasi ayo padha donga manut agama lan kapercayane dhewe-dhewe.
DONGA DIWIWITI.
BISMILLAHIRROMANIRROHIM.
Kanthi nyebut asmane Gusti Allah ingkang maha asih lan maha murah.
1.Ya Allah Gusti kawula, sadaya puji syukur konjuk dhumateng Panjnenengan awit saking sedaya pitedah lan tuntunan Panjenengan, saengga kawula saged ngrampungaken pasinaon lan piwulang kanthi sae lan lancar.
2.Ya Allah Gusti kawula, Panjenengan dadosaken ilmu ingkang kawula darbeni saged migunani ing donya dalah akherat.
3.Ya Allah Gusti kawula, Panjenengan paring pangapunten sedaya dosa kula, dosanipun tiyang sepuh kula, lan dosanipun bapak/ibu guru kula.
4.Ya Allah amargi.saking Ridho Panjenengan,kula saged ngrampungaken pakaryan dinten punika kanthi lancar, saengga ilmu kawula migunani, lan kula sedaya saged wangsul dumugi griya kanthi wilujeng.
5.Ya Allah Gusti kawula,Panjenengan kabulaken sedaya donga lan panyuwun kula.
RABBANA ATINA FIDDUNYA HASANAH WAFIL AKHIROTI HASANAH WAQINA ADZABANNAR.
WALHAMDULILLAHIROBBIL’ALAMIN.
Wassalamu alaikum Wr.Wb

BENEDICTION THE END OF LESSON
Assalamu alikum Wr.Wb.
Before the lesson end let us pray by Religion and we trust each other.
Start praying please.
BISMILLAAHIROHMANIRROHIM.
In the name of ALLAH the Most Gracious, Most Merciful.
1.Ya ALLAH our Lord, all prayse and gratitude we pray toward Thy presence for any guidance,so we can resolve learning and teaching well and smoothly.
2.Ya ALLAH our Lord,make science that we get useful life of the word hereafter.
3.Ya ALLAH our. Lord, forgive us our sins, sints of our parents and our teachers.
4.Ya Allah because with Your pleasure we can get the job done well today, so that our knowledge is useful and we can come and reached home safely.
5.Ya ALLAH our Lord, receive the prayers and our requests.
ROBBANA ATINA FIDDUNYA HASANAH WAFIL AKHIROTI HASANAH WAQINA ADZA BANNAR.
WALHAMDULILLAHIRROBBIL ALAMIN.

ALHAMDULILLAH, AKU TIBA

2010-09-27T06:20:00.000-07:00

Sabtu tanggal 25 September 10, kaya adat saben budhal nyambut gawe.Sakwulan ping pindho mesthi dianakake MGMP kecil ing sekolah anggonku ngarit. Nanging dina iku ora ana MGMP, kegiatan diganti try out/ test kanggo murid sing kalebu unggulan.Kanca-kanca sebagean ngelingake, sesuk jam setengah wolu lo kung, aja lali, lan dak wangsuli iya-iya.Olehku budhal rada gasik lan dak kira-kira aja nganti telat, wong tuwa ki yen telat diseneni utawa disindir sithik wae gampang nesu jarene,inggih napa boten? Sepeda gaweyan Jepang wis dak panasi, lan aku budhal alon-alon karo nglamun riyaya wingi aku mudhik menyang Pacitan, terus dolan menyang Jakarta numpak gledhekan Jepang ketemu karo sanak sedulur sing kira-kira telung puluh tahun durung ketemu lan liya-liyane, e sapa ngerti bisa dak tulis ing postingan kanggo crita anak putu. Wah nglantur..... Isih enak-enake nglamun karo ngematake kendaraan sing nyalib kiwa tengen, e bocah wadon ing ngarepku watara telung meter rada ngiwa nyleyot lan rubuh.Insting aku ngerem ndadak dak angkah aja nganti tiba. E tibake ora bisa ngendhaleni, stir manengen lan aku tiba ketindhihan sepedha motor. Aku banjur ditulung diinggirne, bareng katon aku ora apa-apa wong-wong padha nyingkirlan aweh aba supaya aku dikongkon leren sawetara.Pikiranku bingung terus,apa mulih wae. Wekasan aku terus lan tuku betadin karo kapas. Saupama ora kuwat arep ngrumat tatuku lan ora jaga try out. Tenan tekan sekolahan dak obati lan sawetara kanca cluluk, mulane ta aja banter-banter kung, sing diburu ki apa.Dak wangsuli sing banter ki sapa.Yen tatune ora sepira, mung dlamakan sing rada kecincugan yen dianggo mlaku,persis Gareng ing wayang wong kae. Bengine langsung dak pijetke marang pak Dar tukang pijet langganan,lan dina Senin tanggal 27 iki wis waras ora kaya Gareng maneh. Saka kedadeyan mau akeh pitutur, satemene aku dijewer karo Gusti Allah, mbok manawa mangkene:kuwi lo rasane wong tiba, kamangka tibamu ora nemen. Kuwi lo rasane wong diolesi betadin, lara ta, perih ta? Kuwi lo rasane wong ora bisa mlaku kanthi normal, kesiksa ra ?Alhamdulillah aku dielingke karo sing Kagungan.Alhamdulillaahi rabbil'alamiin.

ulang tahun

2010-09-19T04:10:00.000-07:00

SELAMAT ULANG TAHUN.
Selamat ulang tahun kepada ananda “ISABELA ATAYA” di Jakarta yang mana pada tanggal 17 September 2010 telah berusia 1 tahun.Semoga cepat gede pinter,sholekhah dan menjadi tumpuan harapan kedua orang tuanya, Amin.
Dari:pakdhe/budhe Purwito
Surabaya.

SUGENG ARIYADI 1431 H

2010-09-08T20:17:00.000-07:00

Kinanthi pambuka atur
siji papat telu siji
Hijriyah ing mangkin warsa
Riyaya ingkang sayekti
dinten ageng umat Islam
Idul Fitri den wastani

Takbir tachmid wiwit dalu
angumandhang ngantos enjing
ing masjid dalah mushollah
para mudha kakung putri
datan keri para bapak
ndherek ugi lare alit

tan kesupen zakatipun
iku wajib den antepi
nambah kandeling ibadah
migunani mring sasami
awya kendhat nyebut Allah
datan ana sing nandhingi

wanci enjing umun-umun
enggal-enggal den reresik
mapag dina ingkang mulya
sholat bareng Idul Fitri
sanak kadang dalah warga
ing lapangan apa masjid

mirengaken khotbahipun
para ustad para da’i
datan bosen awewarah
mring umat kang anyekseni
tanggal siji wulan Syawal
kadya bayi ingkang suci

marak bapa biyungipun
sembah sungkem angabekti
apura lan ingapura
iku wajib para siwi
kadhang kadhang tetangisan
pancen barokahing Gusti

minangka akhiring atur
kawula saanak cindhil
ngaturken sugeng riyaya
dinten endah Idul Fitri
nyuwun gunging pangaksama
tingkah lan kedaling lathi

DREDAH SAJRONING GOTRAH

2010-08-30T20:28:00.000-07:00

Rumah sakit Karangkidang ing wewengkon praja Ngastina iku pancen kuncoro wiwit biyen mula.Manggone ing kecamatan Kadilengeng cedhak lan wewatesan negara Mandura. Antarane negara Ngastina lan negara Mandura diwatesi karo bandaran agung kang banget migunani kanggo para among dagang.Pimpinan rumah sakit gilir gumanti manut aturan sing wis dtemtokake dening negara Ngastina. Pimpinan sing wiwitan dr Bambang Ekalaya, sawise iku dr Basukarno. Ya dr Basukarno iki sing rada suwe amarga bisa ngatur lan mrenahake amrih rumah sakit mau dikenal sakiwa tengene Ngastina.Bareng dirasa wis nyukupi syarat banjur ngajokake status yen rumah sakit sing unggulane paru-paru layak digedhekake, amarga wewengkon Kadilengeng sisih lor durung ana rumah sakite.Kamangka pasien iya akeh nganti para tenaga medis kuwalahan ngadhepi pasien.Apa maneh saiki dibangun jembatan Ngasman ,(Ngastina Mandura) wah pasien saya rame amarga para warga Mandura ora perlu paspor yen arep menyang Ngastina.Dr Basukarno promosi dadi direktur Rumah sakit sing nampung wong gendheng kalebu kecamatan Banjarjungut lan Rumah sakit Karangkidang dipimpin dr Anggrahini. Pasien saya akeh lan iya nampa dokter lan karyawan yen ditotal ngancik 150.Dr Anggrahini iki nggatekake marang pasien lan karyawan. Aja disentaki, aja dikasari pelayanan optimal, mesakke para pasien wis golongan ora duwe, berobat kok dingel-ngel aja gawe lingsemku, ngono omonge nalika brifing.Sing paling ditunggu ki yen dum-duman jasa medis ngadhepake riyaya, wah kena dijagakake temenan. Dadi kanggo riyaya oleh bayaran dobel sing siji vakasi saka praja sing siji saka dum-duman jasa medis, wah riyaya tenan.Bu Limbuk salah sijining karyawan bagian cleaning service seneng banget.Saben tahun sing diarep-arep wulan Pasa , kok gak wulan pasa ya…kok gak wulan pasa ya.Saben riyaya Limbuk mesthi mudhik, nyarter mobil lan nuduhake yen anggone ngumbara kasil.Oleh-oleh saka woh-wohan kayata semangka, garbis, kesemek digawa sakehing iwak kayata teri, iwak bandeng iwak kakap iya digawa iku durung klambi-klambi sing wis ora kanggo iya ora keri.Nanging kahanan ing donya iki gilir gumanti, kalebu rumah sakit Karangkidang.Dr Anggrahini promosi ngetutke kakunge anggota dewan ing wewengkon Sokalima, sing ngganti dr Banowati.Pimpinan sing anyar iki mung duduk manis ing meja kerja. Mudhun jluk saka mobil pribadi langsung mlebu ruangan nyandhak hp, mbuh nelpon sapa ora ana sing ngerti, apa maneh dhalange.Pokok ana laporan saka andhahan wis cukup, ora perlu control bagian bagian, apa maneh menyang zal nemoni pasien, toh wis ana dokter jaga, ora perlu ora perlu.Dr Banowati percaya banget karo laporan-laporan sing ana ing mejane.Jasa medis lan kesejahteraan liyane ora direken.Malah gawe aturan anyar jasa medis didum 3wulan sepisan, riyaya ya riyaya, ora ana thr, yen ora bisa lebaran salahmu dhewe kena apa ora bisa nabung.Kabeh karyawan nggrundel, wanine mung ngrasani liwat buri, wani silit wedi rai.Mung bagian TU sing ngguya-ngguyu amarga kabeh mlebu metune dhuwit sing ngatur TU.Pertengahan tahun wingi rumah sakit Karangkidang oleh bantuan bopda sing kudu dilaporake tanggung jawabe. Mesthi wae kabeh karyawan ngarep-arep banget bantuan mau, saliyane kanggo laporan, para karyawan mesthi kecipratan.Kabeh padha ngarep-arep lan diumumke yen suk Soma Manis arep didum. Pas dina sing ditemtokake kabeh padha antri, sing oleh giliran dhisik para dokter.Dr Srikandhi marani arep tanda tangan lan KTU iya wis siyap amplop isi dhuwit. Tan kocapa bareng ndeleng angka-angka saka dhuwur mangisor sakala dr Srikandhi nggebrak meja praupane brabak karo ngucap” Pira , iki pira dokter oleh 650.000, Tu oleh 2.000.000,-, sing bener, yen ngene nyoh peken aku ora gelem nampa nyoh, …….dokter perawat iku sing pegang peran ing rumah sakit iki, pira perawat 450.000,-?…….dr Banowati,padha-padha doktere apaa kowe ora belani dokter, yen ora isa mimpin mundura akeh sing luwih pinter saliyane kowe…"…Diundamana ngono dokter Banowati minangka pimpinan rumangsa dicecamah banjur metu omonge” yen ngono ora sah didum yen ora trima karo keputusanku…".
Dokter Srikandi : terserah…..iku hakmu……nyoh pek peken kabeh, pimpinan ora jegos nyoh peken kabeh……..”semparet dr Srikandi metu karo mbanting lawang jdhor
Kahanan usreg para dokter liyane dukung keputusane dokter Srikandi, dene karyawan liyane mung plonga-plongo ngerti dodok selehe, lan buyar dhewe-dhewe dene staf TU, mrengut, cemberut ora sida oleh-olehan. Kamangka wis ditata tharik-tharik bakal pesta ing restoran Maduganda (dhalange nglindur kakehan turu).Bu Limbuk sing kawit mau ngadek polatane peteng, sajak arep udan.......

LELUNGAN MENYANG KOREA KIDUL

2010-08-28T23:37:00.000-07:00

TETEPUNGAN KARO “DEO “
Deo jangkepe Deo Ekoputra Sasongko, sawijining murid SMP Negeri 2 Surabaya semester ganep tahun 2009-2010 lunga menyang Korea Kidul amarga lolos seleksi pertukaran pelajar.Nalika ditimbali pak Pur dheweke lagi sinau nyiapake ulangan harian bersama akhir Agustus 2010.Bocah Manukan Ranu VII/04 putrane Leonardus Yuli Sasongko, sedulur nomer 1 saka 2 sedulur,pancen ora ngawaki blas, ora ngira yen dheweke duwe kaluwihan lan lolos seleksi pertukaran pelajar.Cita-citane kepengin dadi programmer komputer,apaa kok ora kepengin dadi insinyur dadi dokter, alasane mayar bae supaya luwih kreatif. Lo dadi insinyur utawa dokter rak bisa kreatif ta Deo? Dheweke meneng wae. Suwene kunjungan ing Korsel 19 dina yaiku tanggal 7 Juli nganti tanggal 23 Juli 2010.Kenangane akeh banget kaya dicritakake ing ngisor iki.Bocah kelas 9 wajib maca lan kudu bombong yen ing spendabaya kene ana adikmu sing bisa njunjung jenenge almamater.
Ing ngisor iki critane Deo.
Sadurunge aku ngucapake puji syukur ing ngarsane Gusti Kang Maha Kuwasa, amarga aku bisa melu program Pengiriman Delegasi Pendidikan Kota Surabaya menyang Busan, Korea Kidul. Matur nuwun kang tanpa upama marang sakabehe amarga tanpa bantuan mau mokal aku bisa lolos seleksi lan melu program iki. Bapak lan Ibuku, bapak kepala sekolah,bapak ibu guru utamane mam Ririn lan kanca-kancaku sepisan maneh aku ngaturake gunging panuwun.
Sing melu kegiatan iki yaiku:Qashmal Mafazi S(SMPN1), Deo Ekoputra S(SMPN 2),Clarisa Azalia M.(SMPN 13),Winna Andriana(SMPN 35),I Made Artha S. (SMAN 5), Hilaliyah Nur S. (SMAN 20), Amanda Jasmine D. (SMAN 21), Alfandi Aryadinar (SMA Dr. Soetomo), Era Disti Y. (SMKN 8), Dimas Ayodhya Wahyu W. (SMKN 11) Surabaya.
Sadurunge nyritakake anggonku lungo menyang Busan, Korea Kidul, aku luwih dhisik ngenalake anggota delegasi pendidikan sing ngwakili Surabaya menyang luar negri. Akehe rombongan ana 12, 10 antarane anggota delegasi yaiku murid-murid SMP, SMA, SMK sing ngliwati tes sing abot, lan 2 pendamping sing salah sijine
Delegasi pendidikan budhal tanggal 7 Juli 2010 nganggo maskapai penerbangan Cathay Pacific menyang Hongkong. Aku sarombongan kumpul ing bandara Internasional Juanda, ing babagan penerbangan Internasional. Sawise check in, aku sarombongan langsung menyang babagan imigrasi kanggo cek paspor lan kelengkapan liyane. Sawise iku, rombongan langsung munggah menyang pesawat.
Pesawat mulai lepas landas jam 08.30. Suwine perjalanan Surabaya-Hongkong yaiku 4 jam. Ing pesawat, aku menikmati layanan sing ana ing pesawat, kaya mangan lan minum, televisi portable sing ana ing kursi ngarepku. Sawise 4 jam perjalanan, aku akhire ndharat ana ing Hogkong International Airport utawa Bandhara Internasional Hongkong. Rombongan delegasi ing bandhara dipapak karo pendhamping wisata sing asmane Mr. A Hin.
Ing Hongkong, rombongan dlegasi diajak mlaku-mlaku menyang panggonan wisata lan kabeh pangonan ing kutha. Panggonan wisata sing ditekani karo rombongan delegasi iku salah sijine kaya Hongkong Disneyland Resort, Avenue of Stars, Victoria Peak, lan Ladies Market.
Sawise mlaku-mlaku, rombongan langsung mampir menyang Hotel Metropark Mongkok. Sawise istirahat lan santai ana ing hotel, rombongan delegasi isih ana sing blanja menyang Ladies Market sing ana ing cedhake hotel. Sawise blanja, rombongan padha bali menyang hotel lan istirahat kanggo persiapan budhal menyng Seoul.
Rombongan budhal saka Hongkong nganggo maskapai penerbangan sing padha. Perjalanan Hongkong-Incheon suwine 3 jam. Kesele awak isih krasa ing awake kabeh delegasi lan pendamping, merga iku akeh delegasi sing turu ana ing pesawat merga kesel lan pegel. Wektu-wektu sing megel’ake awak akhire wis mari lan pesawat wis ndharat ana ing Incheon, Seoul. Ing Seoul, rombongan delegasi didhampingi karo pendhamping sing asmane Mrs. Anita Lee. Aku ngenteni ing Seoul 2 jam kanggo nglanjutake perjalanan menyang Busan numpak pesawat penerbangan domestik. Sawise numpak pesawat maneh, aku wis teka ing Bandhara Gimhae, Busan. Jam 20.00 wektu Busan (WIT), rombongan dipapak karo pendhamping saka BFIA (Busan Foundation of International Activities). Sawise ngrungokake rencana lan jadwal saka BFIA, rombongan padha istirahat ing Hotel Toyoko Inn, Seomyeon, Busan.
KUNJUNGAN
Sawise nginep ing hotel,aku sarombongan nindakake kunjungan ing sawetara panggonan ing atarane yaiku kantor BFIA, Busan City Hall lan LG Science Hall. Ing kantor BFIA, dibrifing bab kegiatan sing arep ditindakake sasuwene ing Busan.saka kantor BFIA, aku sarombongan nuju kelas basa Korea, lan latihan maneh basa Korea mau.Dianggep cukup banjur nuju LG Science Hall. Ing panggonan mau akeh ilmu sing dak ngerteni, kayata maneka warna tehnologi alternatif,cara nemokake pelaku criminal lan sapanunggalane.Wah akeh pengalaman sing ora bisa dakbayangake.
Sawise nindakake sawetara kunjungan, aku sarombongan nuju Haeundae Centum Hotel.Ing panggonan mau melu kegiatan welcome party utawa perayaan sugeng rawuh selamat datang.Aku ketemu karo Park,Jun Pyo yaiku kanca homestayku sasuwene aku ing Busan.Ngobrol lan guyon nyritakake pengalamane ab kahanan ing Busan utawa ing Surabaya.Sawise welcome party rampung, saben delegasi budhal nuju omah homestay dhewe-dhewe.
Dina Sabtu, kabeh delegasi lan homestay budhal nujuYeongdo Hamjigol Youth Training Centre. Ing panggonan mau, ketemu karo homestay saka delegasi liya lan kenalan. Eman homstayku ora bisa ngancani aku amarga ana keperluan dadak saengga ora bisa ngancani aku. Sanajan minder aku tetep rilek ing acara mau.Sing paling berkesan yaiku nalika oleh tugas”Mission Mobile Possible” sing ngudokake aku sarombongan budhal menyang Nampodong tuku/nylih barang banjur motret. Aku sarombongan nuju Nampodong numpak bus kota.Sanajan kesel mlaku, munggah mudhun bus, aku tetep seneng amarga oleh pengalaman anyar.Ngrampungne kegiatan iki, aku bebas karo homstayne dhewe-dhewe.Aku karo Jun Pyo mlaku-mlaku ing sawetara mall, kayata Hyunday Department Store lan Lotte Mart. Ora mung iku wae malah aku diajak nonton film ing bioskop.Aku uga diajak Jun Pyo numpak sepur bawah tanah,sing kahanane aman nyaman lan tertib. Dina sing bisa ngilangi lan ngobati rasa kesel.
Dina Senin yaiku dina sing paling sibuk aku sarombongan, awit dina iku wis kudu nindakake kunjungan menyang sekolah-sekolah, salah sijine yaiku Busan InternasionalMiddle and High School(SMP lan SMA Internasional Busan).Ing sekolah mau nganakake inspeksi lan mamerake sing saka rombongan lan saka sekolah mau.Tari Glipang sing pemaine 5 cowok, lan tari Sparkling Surabaya penarine 5 cewek ngregengake swasana.Aku sarombongan uga nyanyi lagu tradisional Korea”ARIRANG” lan lagu khas Surabaya”REK AYO REK”.Ya nalika lagu “REK AYO REK”, aku ngajak siswa-siswi BIMHS supaya bareng nyanyi ing panggung.Wiwitane isin nanging suwe-suwe gelem nari bareng.Pengalaman maneh pengalaman maneh.
Dina Selasa,13 Juli 2010, aku bareng homestayne dhewe-dhewe nuju Gijang Culture Youth Centre.Nuju panggonan mau mbutuhake wektu rong jam, aku tetep seneng amarga bisa ngobrol karo homestay.Ing panggonan iki aku diajari nganggo klambi tradisional Korea, sing jenenge Hanbok.Saliyane diajari nganggo klambi tradisional, aku uga diajariSa-mul-no-ri,yaiku musik tradisional Korea.Sa-mul-no-ri kedadean saka 4 instrument yaiku Buk,Jing(Cing),Kkweng’khwari(khweng hwari),lan instrument favoritku:Janggu(Canggu).Buk yaiku bedhug cilik sing ditabuh nganggo kayu sing cilik, Jing yaiku gong cilik, Kkweng’kwari mirip kaya Jing, nanging ukurane luwih cilik lan Janggu padha karo kendhang asline saka India, nanging karo wong Korea diowahi gaya Korea.

Sawise ngunjungi Gijang, aku sarombongan nerusake menyang Gori Nuclear Power Plant utawa Pembangkit Listrik Tenaga Nuklir Gori, Busan.Aku sarombongan nganakake pengamatan maneka warna kegiatan, eman swasana udan saengga ora bisa ngamati langsung reactor nuklir mau.Sanajan ora bisa aku sarombongan isih bisa sinau lumantar miniature ing Science Center ing Gori.Nuclear Power Plant kasebut.Muga-muga minangka generasi penerus bisa bangun reaktor nuklir ing Surabaya utwa wilayah liyane ing Indonesia, Amin.
Sawise ngunjungi Gori Nuclear Power Plant, aku sarombongan nuju Busan Aquarium. Ing kene bsa ndeleng maneka warna spesies iwak, uga tontonan lan uga atraksi kanggo pengunjung.Aku sarombongan uga sianu nggawe warta dhewe ing Stasiun TVCommuity Media Center.Sawise nulis warta aku sarombongan diwenehi kalonggaran diwawancarai stasiun radio KNN.
Pengalaman sing ora dak lalekake yaiku yaiku nalika melu kegiatan Asia Youth Forum. Kegiatan iki dieloni telu negara yaiku, Korea Kidul, Cina lan Indonesia. Kegiatan iki duweni tujuan nglatih lan nggembleng dadi pemimpin dina ngarep. Kegiatan iki presentase perwakilan saben negara, class discuss lan presentase kelompok.Aku kebagian housing utawa omah tradisional saka Indonesia. Wah ilmuku saya tambah.
PERPISAHAN.
Ana wektu ketemu ana wektu pisah, mangkono unen-unen sing sering dak krungu.Sawise nganakake pengamatan ing Busan kantho abot kudu pisah.Ing acara farewell party utawa pesta perpisahan,swasana nrenyuhake. Ana sing nangis, ana sing semaput amarga abot ora gelem pisah.Rampung acara mau,Aku sarombongan kudu balik menyang hotel ringkes-ringkes. Sesuke nuju Gimhae kanggo numpak pesawat menyang Incheon,Seoul. Suwene penerbangan mau kurang luwih sakjam. Ing Seoul dipandu karo Ms.Annie Shin.Aku sarombongan dijak mlaku-mlaku maneh ing Seoul ngunjungi Donghwa,Pasar Dongdaemun lan Museum Nasional Seoul.Aku sarombongan uga kober ngunjung lBlue House, yaiku daleme Presiden Korea Kidul ing Seuol.Nanging eman banget aku ora bisa mlebu amarga dijaga ketat banget. Ing Seuol mau aku iya ngunjungi KBRI, lan nryitakake akabehing kegiatan sasuwene iki. Bengi iki aku nginep ing Hotel Hamilton, sawise nginep sawengi aku nerusake perjalanan nuju Hongkong nganggo pesawat Chatay Pacifik. Tekan Hongkong transit rong jam, banjur numpak Cathay Pacifik.nuju Surabaya.Sawise perjalanan 4 jam, aku sarombongan tekan Surabaya kanthi slamet.Trenyuh lan kangen aku sarombongan sawise ketemu kulawarga ing Surabaya.
Muga-muga tahun ngarep bisa ngunjung maneh bareng delegasi liya ……. Amien.
Kesanku sasuwene ing Busan, aku kagum banget lan pantes oleh acungan jempol yaiku ketertibane, kebersihan, tehnologi lan rumakete penduduk.
Pesenku: minangka generasi penerus bangsa mesthi bisa nerusake lan ngembangake Surabaya kaya ing Busa. SURABAYA BISA, INDONESIA BISA !

Materi Ulangan Harian

2010-08-25T20:00:00.000-07:00

Ulangan harian basa Jawa manut jadwal tiba dina Kamis tanggal 2 September 2010,jam 08.40 - 09.40.Sing kudu disinaoni yaiku :

1. Drama crita rakyat "Andhe-andhe Lumut"( mangsuli pitakon,watake paraga lsp).
2. Naskah pidato(ngarang tekspidato/pengumuman, sing dibiji yen lagi pidato lsp).
3. Teks wacana propinsi Jawa Tengah( mangsuli pitakon, pokok pikiran lsp).

Akehe soal ana 10, kudu tliti prentahe soal, yen ora mudheng diwaca bola-bali.

MALAYSIA MANEH, MALAYSIA MANEH................

2010-08-17T08:18:00.000-07:00

Menlu Mesthekake Malaysia Nglanggar Wates.
Telu Staf Kementerian Kelautan lan Perikanan sing dicekel Malaysia wekasan dibebasna. Indonesia mesthekake yen Malaysia wis nglanggar garis tapel wates rong negara."Wis kedadean nglanggar wates.Kita jaluk aja dibaleni maneh,"ngendikane Menteri Luar Negeri Marty Natalegawa sadurunge upacara HUT RI ka 65 ing Istana Merdeka Jakarta, Seiasa 17 Agustus 2010. Marty negasake, tugas wiwitan wis rampung, yaiku mbebasake telu staf Kementerian Kelautan lan Perikanan, dene tugas kaloro yaiku jaga kedaulatan RI."Tugas kaloro mesthekake yen kita kudu jaga kedaulatan, ora ana kompromi sadumuk bathuk sanyari bumi"tegas mantan juru wicara Departemen Luar Negeri iki.Ing pelanggaran wates wilayah negara, Indonesia wis wis kirim protes marang Malaysia.Indonesia jaluk supaya Malaysia ora mbaleni tumindak sing culika mau."Wis kedadean pelanggaran tapelwates, kita wis kirim protes"tegas Marty.Insiden genti nangkep iku kedadean ing dina Jumat 13 Agustus kepungkur ing perairan Pulo Bintan, Kepulauan Riau.Telu staf Kementerian Kelautan lan Perikanan ditangkep amarga dinuga mlebu perairan Malaysia ing Kota Tinggi.Telu war negara Indonesia mau digawa menyang Malaysia amarga bekuk pitu nelayan Malaysia. Kamangka pitu nelayan Malaysia sing dicekel Indonesia cetha wela-wela wis nglanggar garis wates rong negara. Police Marine Malaysia ngetokake tembakan pepenget, mula gelem ora gelem pasrah bongkokan wong kapale ora duwe senjata.Esuk mau, wekasan telu warga Indonesia dibebasna, semono uga pitu nelayan Malaysia ya wis dideportasi.

Album Pengetan 17 Agustus 2010

2010-08-16T17:34:00.000-07:00

Kaya adat saben, Agustusan ing sekolah iki iya semuwa banget.Agustusan 2010 bebarengan karo wulan suci Ramadhan 1431 H,dadi sakehing lomba lan kegiatan dianakake sadurunge wulan pasa.Maneka warna lomba kayata:karaoke, catur, futsal,pidato basa Inggris,lomba kebersihan kelas lan liya liyane.Sing paling rame yaiku futsal antarane kelas 9d mungsuh 9H. Padha dene ngotote padha dene kuwate, loro-lorone ora ana sing gelem ngalah.Wekasan kelas 9H gelem ora gelem kudu ngakoni kaluwihane 9D kanthi skor 3-1.Bapak ibu guru ya ora gelem kalah, nganakake lomba nyunggi tampah. Saben bapak /ibu guru duwe sporter dhewe-dhewe. Upamane nalika Bu Tarti,Bu Harti lan Bu Nurul nyunggi tampah mau, murid-murid iya bengok-bengok Bu Tarti...Bu Tarti...Bu Harti Bu Harti .....Bu Nurul Bu Nurul lan sapanunggalane, wah aula iki kaya stadion mini wae saking ramene sporter.Ing pungkasane kegiatan yaiku jalan sehat ing dina Sabtu tanggal 7 Agustus 2010.Dene rutene jalan sehat mau yaiku start dalan Kepanjen,dalan Indrapura menggok dalan Rajawali ngetan Jembatan Merah,menggok ngidul dalan Veteran lan menggok Kantor Post Kebon Rojo lan finish ing sekolahan maneh.Gong Agustusan yaiku upacara gendera tanggal 17 Agustus 2010.Upacara diwiwiti jam 06.30, amarga bebarengan ibadah pasa ,luwih esuk luwih apik.Pembina upacara bapak Kepala Sekolah paring sambutan sing wose nggugah semangat supaya bocah-bocah sregep sinau. Saiyane iku uga pembagian hadiah maneka warna lomba, marang para murid sing kasil menangake lomba kepungkur.

Balada TPP

2010-08-08T16:54:00.000-07:00

Sawise otot-ototan antarane DPRD Madukoro karo para guru wekasane ditetepake yen TPP(tunjangan profesi pendidik), bakal dibayar suk tanggal 26 Agustus 2010.Janji mau diucapna anggota dewan sawise nampa kurang luwih 10 wakil guru sing kagabung ing PGRA({ersatuan Guru Republik Amarta).Tanggal 6 Agustus 2010 sadurunge ketemu anggota dewan, ana yen telung atus guru padha nglurug menyang gedung dewan, kesabarane guru wis entek, sabar ana watese, mosok kon sabar kon tlaten yen ngadhepi murid ing jero kelas

Ngukuhi karepe dhewe.
Sapatemon antarane antarane guru lan anggota dewan rada usrek, panas, loro-lorone ngukuhi benere dhewe-dhewe.Manut anggota dewan pambayaran TPP, ngliwati perubahan anggaran khusus(PAK).Alasane, PAK wiwit dibahas Senin 9 Agustus sing arep teka. Ketua pimpinan rapat Bathara Bayu menehi garansi TPP bisa ditampa sadurunge Lebaran.”Wektu iki dewan lagi mroses perda pertanggungjawaban APBD 2009” ucape. Anggota komisi B, Bathara Bayu mratelakake. Sumber TPP wis jelas, yaiku APBN.Kari nunggu wektu dana mau cair. Supaya tepat wektu, pemkot sadurunge bisa nglebokake TPP iku ing APBD. “Yen anggaran wis mlebu APBD, pencairan gak perlu pasetujon dewan” ucape.Bathara Bayu njentrehake, dewan ora duwe karep ngalangalangi pembayaran TPP.Maneh-maneh dewan duwe alasan yen pemkot wis ngajokake ping papat MPAK, yaiku Januari, Februari, April lan Juli” Nah amarga pembahasan PAK enggal ditindakake, TPP ya dibahas ngliwati mekanisme kasebut’ omonge. Para guru genti mentahake argumentasi dewan. Ketua PGRA Wisanggeni ora gelem kalah, yen mekanisme pencairan TPP wis jelas, yaiku liwat MPAK(mendahului PAK).”Anggaran iku saka APBN sing bisa dicairke liwat MPAK,”ucape. Wisanggeni nerangke yen dana mau banget dibutuhake dening para guru amarga kebutuhan ora bisa disemayani lan reregan saya mundhak, Yen ngenteni PAK bakal suwe, yen dewan ora kepengin ditekani terus, tulung TPP enggal dicairke, ngono panjaluke. Swasana saya panas padha wasise micara, wekasan dewan mutusake yen pencairanTPP tanggal 26 Agustus ngarep. Asumsine rapat paripurna pengesahan PAK tanggal 25 Agustus.

Wiwitane para guru tetep nolak idene dewan mau, amarga janjine dewan nalika saptemon sadurunge ,dewan janji PAK digedhog tanggal 15 Agustus. Wah iki ateges omongane dewan ora bisa dicekeli” ngono omongane ketua advokasi PGRA Gathutkaca.”Ora ana jaminan yen yen TPP bakal dicairke tanggal 26 Agustus”. Dewan ya emoh kalah genti gertak para guru. Manut Bathara Bayu, dewan ora duweni wewenang meksa TPP cair cepet” Ora bisa yen dipeksa kaya ngono’ ucape. Ora kepengin kedawa-dawa wekasan PGRA jaluk jaminan supaya pencairan temen-temen tanggal 26 Agustus”Apa jaminane?” pitakone Gathutkaca. Oleh pitakon kaya ngono, dewan ora wani komitmen “Ya aja dewan wae ta sing didesek. Sebab, pembahasan PAK ,ya karo pemkot. Mula eksekutif ya kudu komitmen”wangsulane bathara Bayu.Gathutkaca dhesek terus” Sing ngusulne pencairan suk tanggal 26 Agustus iku dewan, dudu pemkot, dadi ya dewan sing tanggung jawab yen TPP nganti ora cair “.ucape Gathutkaca emoh kalah.
Wali Kota Madukoro Raden Angkawijaya(dhalange nglindur) ngirimi surat menyang Dewan, jaluk cepet dicairne.
$$$

Ing SD 3 Karangkedhempel. Sajege pak guru Arjuna pindah menyang Amarta dadi anggota dewan pusat, lali kontrol utawa inpeksi, wis kadhung kepenak beke. Apamaneh pacar lawas Dra Banowati, SH, MH ya dadi anggota dewan, wah kalodangan perselingkuhan tenan,linak litu lingga lilur singkatan apa ta kuwi? Mula pak guru Gareng, pak guru Petruk, pak guru Bagong olehe ngrasani ora entek-entek.
Pak guru Gareng :ya tutugna olehmu pacaran karo Banowati,konangan KPK sida tamat riwayatmu!"".
Pak guru Petruk :dewan pusat, ya dewan pusat,sing daerah iki ngono pisan,getun
aku milih biyen.Tak kira mbelani wong cilik,kamangka TPP dadi hakku, lan iku anggaran APBN lan dhuwite ya wis ana, ngenteni apa maneh".
Pak guru Bagong :wong yen kuwasa ya ngono kuwi.Ana unen-unen "AKU SING KUWASA KOWE AREP APA".Lali ta ukara mau, pak guru kok telmi, ora sah dadi guru, ngisin-isini".
Pak guru Petruk :ya ora ngono, aja ngundhat-undhat padha gurune, ora pantes dirungokke.Biasane Bathara Wisnu ki tanggap sanajan rada telat, karo aku tak takon pembaharuan berkas ngajokake TPP kanthi gaji pokok sing anyar wis kok setor kangmas Gareng ?"
Pak guru Gareng :lo yak apa se, sing koordinir rak dhi guru Petruk.Saliyane gaji pokok, akeh iku ya sertifikat guru profesional, jumlah akehe beban mengajar, SK wiwitan, Sk pungkasan, rekening bank lan isih akeh maneh. Yen nganti ketlisut awas, ilang-ilangan guru siji !".
Pak guru Petruk : e, dielingke apik-apik kok. Ngancam ya,ngancam ya.Majua sida dak tapuk iki ana jepe"

Swasana rada kisruh, pak guru Bagong isane mung bekah-bekuh, dene guru liyane pak Bilung, bu Cangik etc meneng wis ngerti lageyane pak guru loro mau.Gampang geger lan gampang rukun, ora perlu dagatekake.Nanging awan iki kok sajake temenan, serius wah embuh kah tukarana kono, gelutan kono! Ora padha ngerti yen satindak-tanduke mau di semak kepala sekolah drs Badranaya. Ngendikan kanthi sareh:"wong para dwija kok ngagul-agulke emosine. Wis padha maca koran apa durung? Walikota wis kirim layang marang dewan lan bathara Wisnu wis nyanggupi, TPP cair.Kabeh kudu matur nuwun marang usahane lan perjuangane ketua PGRA drs Wisanggeni sak wadya balane sing gelem nglurug ing kantor dewan. Ora sah nyalahke sapa-sapa,wiwit dina iki bisa dideleng rekeninge, ora ketang metu 5 wulan, kekurangane nyusul.Lo..... arep menang endi kuwi......mengko......bank bukak nganti jam 15.00...... kae lo muride wis ngenteni .......Wah dhagelan ora lucu, mosok dikandhani ngecek rekening kok semburat kabeh....tanggal yahmene apa bayaran wis entek, e bu Cangik aku titip buku tabungan print ya ......."para murid ngguyu ngakak, e tibake sami mawon ......

SUGENG SIYAM

2010-08-07T14:07:00.000-07:00

Kagem para sedherek ingkang ngrasuk Agami Islam kula sabrayat ngaturaken sugeng nindakaken ibadah siyam tahun 1431 H. Mugi-mugi sedaya amal ibadah kita tinampia ing ngarsanipun Gusti Allah, lan kita kalebet tiyang ingkang sholeh lan sholekhah, amin.

tugas kliping

2010-08-07T13:40:00.000-07:00

Sawise ngarang naskah drama crita rakyat, iki ana tugas sateruse yaiku golek rubrik kanthi irah-irahan"SEKOLAH KANGGO APA'", sing diserat bapak Suparto Brata, sastrawan sing wis diakoni jagad Internasional.Rubrik mau ana ing majalah Panyebar Semangat(PS),antarane nomer 27 nganti 30, golekana dhewe.Yen wis ketemu difoto copy banjur ditempelne ing buku folio, tugas iki kelompok.Sing dibiji ora mung ing buku folio, nanging diwaca genti genten manut akehe anggota kelompok mau lan ketua kelompok gawe dudutan(kesimpulan). Perlu kok ngerteni yen bapak Suparto Brata, alumni SMPN 2 Surabaya tahun 1950, bebarengan karo bapak Wardiman Joyonegoro mantan Mendiknas.Bapak Wardiman Joyonegoro rayine(adiknya) bapak Purwadi Joyonegoro ketua Komite SMPN 2 Surabaya.Foto ing dhuwur yaiku panjenengane bapak Drs.Mochtar, piumpinan redaksi majalah Basa Jawa Panyebar Semangat.Sapa sing bisa maca aksara Jawa ing dhuwur lan bisa negesi, enggal matur pak Pur ana hadiah, lumayan bisa kanggo takjil.

DRAMA CRITA RAKYAT

2010-07-22T06:45:00.000-07:00

TUGAS KELAS 9 SPENDABAYA.
Sawise rampung buku cathetan kaca 1 lan kaca 3, iki ana tugas kelompok ngarang drama crita rakyat.Crita rakyat ing Nuswantara akeh banget, pilihen endi sing kok senengi, banjur tulisen ing buku folio sing wingi wis didhawuhi pak Pur. Yen bocah-bocah bingung gatekna tuladha ing ngisor iki.
ANDHE-ANDHE LUMUT.
Sinopsis : Raden Panji Inu Kertapati nggoleki ingkang garwa ya Dewi Galuh Candra Kirana sing sawetara wektu mendra saka praja. Tindake namur kawula alit , saka desa angadesa, nasak wana wasa munggah gunung mudhun jurang sayahe sarira tanpa rinaosake.Saking gedhening tekad lan kebak prihatin wekasan sang abagus bisa ketemu garwa kinasih, kanthi lelantaran Mbok Randha Dhadhapan.
Paraga: 1.Raden Panji Inu Kertopati/ Andhe-andhe Lumut.
2.Dewi Galuh Candra Kirana/ Kleting Kuning.
3.Mbok Randha Dhadhapan.
4.Mbok Randha lor kali( ibune para Kleting).
5.Kleting Ijo.
6.Kleting abang.
7.Kleting Biru.
8.Kleting Ungu.
9.Yuyu Kangkang.
Babak 1. Setting panggonan ing tengah alas.
Raden Panji Inu Kertopati namur laku dadi kawula, menganggo sarwa prasaja mlaku semoyongan awit saking sayahe. Anggone mlaku kesandhung-sandhung ,sikil mlenthung ora dirasakake. Saking banget kesel lan lungkrahe amarga ora mangan ora ngombe, sang abagus tiba semaput. Begja banget, wektu iku ana Mbok Randha kang lagi golek kayu ing sapinggiring alas kono.Mbok Randha kaget bareng weruh ana nom-noman kang semaput ijen tanpa rowang. Sang abagus banjur diupakara sabisane, bareng wis kasil banjur ditakoni :
Mbok Randha : Le, bocah bagus, kena apa kowe kok turu ing alas kene? Banjur sapa jenengmu?
Andhe –andhe Lumut: Kula boten tilem lo mbok.Sajake kalawau semaput, pancen kula kekeselen.
Dene nami kula pun Andhe-andhe Lumut.
M.R : Pancene kowe saka ngendi?
Aa.L : Kula nembe mlampah tebih, kesah saperlu pados panguripan.
Kula tiyang lola, kula boten gadhah sanak kadang, mbok .
M.R : Wah mesakake tenan.Piye apa kowe gelem tak pek anak,wong aku ora duwe anak.
Aa.L : Estu napa mbok ?
M.R : Lo ya temenan. Wis nek gelem, ayo melu aku mulih saiki ?
Mbok Randha banjur nggandheng Andhe-andhe Lumut mulih menyang dukuh Dhadhapan.
Babak 2.
Setting : ing omahe mbok Randha lor Kali.
Mbok Randha Lor Kali dirubung anake cacah 4 yaiku, Kleting Ijo, Kleting Abang, Kleting Biru lan Kleting Ungu. Sakjane ana kenya maneh sing jenenge Kleting Kuning anak pupon, nanging wektu iku Kleting Kuning dikongkon mbakyune ngosek dandang nganti resik kaya asale.
Mbok Randha Lor Kali : Ana apa ta anak-anakku kok padha regejegan rame iki.
Kleting ijo : Iku lo yung, ana warta yen ing dukuh Dhadhapan kidul kali ana jaka gantheng banget.
Akeh para prawan ayu sing kepencut gantenge jejaka mau.
Kleting Abang :Ora mung gantheng kok yu, nanging sasolah tingkahe nyenengake lan alus bebudene.
Mula akeh prawan ayu-ayu sing kepencut marang jejaka mau, yen ora salah jenenge
Andhe-andhe Lumut.
Mbok Randha Lor Kali :Wis-wis aja regejegan karepe dhewe kowe anakku bocah papat sing ayu-ayu bakal dak dandani supaya luwih ayu maneh supaya ditampa panglamarmu.Sawise tak dandani enggal budhal lan sangua kembang mlathi”.Para Kleting manut apa karepe biyunge banjur nuju taman kang kebak tetuwuhan kembang mlathi.
Babak 3.
Setting :ing taman kang kebak tanduran kembang mlati.
Para Kleting padha jupuki kembang mlathi, sinambi tetembangan lan nari. Ukarane tembang kaya ing ngisor.
“Yo ayo padha luru kembang. Kembange kembang mlathi. Kembang mlathi kanggo sangu nggah unggahi.Nggah unggahi raden putra ing jenggala”.2x
Babak 4.
Setting : ing omahe mbok Randha Lor Kali.Kleting Kuning teka karo nggawa dandang sing wis resik.
Kleting Kuning : Biyung, kok sepen dhateng pundi mbakyu-mbakyu kula?
Mbok Randha lor kali: Lo, ora nyang endi endi kok. Paling dolanan engkle ing cedhak lumbung.
Kleting Kuning : Boten kok, biyung ngapusi, biyung bujuki, kula badhe tumut mbakyu kula”.
M R L K :Ya wis ngene lo, mbakyumu padha ngunggah-unggahi Andhe-andhe Lumut omahe ing kidul kali. Yen kowe kepengin ayo dak dandani”. Kleting Kuning didandani nanging olehe ndandani ora kaya mbakyune ayu-ayu, kepara dielek-elekake. Alis ditambahi telek pitik, nganti ambune ora enak lan ora oleh adus. Rambut ditaleni gedebok teles, lan ditutupi gombal amoh.
Babak 5.
Setting : Ing panggonan kang sepi tengah alas.
Kleting Kuning sedeku nenyuwun marang Gusti Kang Akarya supaya enggal ketemu karo ingkang garwa ya Raden Panji Inu Kertopati. Saking genturing panyuwune, banjur krungu swara “ Putuku Galuh , lerena anggonmu semedi ngger. Pepenginanmu enggal kaleksanan, kowe wis lulus saka panandhang lan enggal ketemu karo garwanira ngger.Mara waspadakna ing ngarepmu ana sada kang kasiyate ngedap-edapi. Kok sabetake segara asat, kok sabetake gunung jugrug, wis ngger ndang lerene semedimu ndang tututana mbakyumu “.Kleting Kuning melek byar anggone semedi, ing ngarepe ana sada banjur dijupuk gegancangan nyusul mbakyune.
Bocah-bocah isih kurang 2 babak kang settinge panggonan ana ing kali dhangkane Yuyu Kangkang lan ing omahe mbok Randha Dhadhapan ya omahe Andhe-andhe Lumut. Rong babak mau tulisen ing buku cathetan kaca 7
Keterangan:
Dadi tugas crita rakyat iki ana 2 yaiku tugas individu ngrampungke babak 6 lan 7, dene tugas kelompok ngarang naskah drama crita rakyat ing buku folio.

YOGYA SAKEDHEPING NETRA

2010-07-20T22:28:00.000-07:00

Cathetan pepisahan karo kancaku sing purna tugas.
Manggon ing restaurant Pring Sewu Ngayogyakarto Hadiningrat dhek dina Sabtu tanggal 17 Juli 2010 klakon dilaksanakake adicara pepisahan karo para guru wis purna tugas. Wis dadi adat yen ana para guru utawa karyawan sing wis lulus ujian alias pensiun ing kantor iki utawa pindah/mutasi mesthi disubya-subya , minangka atur panuwun marang pengabdiane sasuwene iki. Dadi pensiun utawa pindah, ya ora diculke cul ngono .Wis pensiun ya pensiun ndang lungaa kana, pindah ya pindhaha ndang lunga kana ya ora. Mula adat utawa kabiasaan sing apik mau kudu dilestarekake, supaya paseduluran tetep kajaga karukunane. Saliyane adicara pepisahan iya digunakake nglencer ngiras-ngirus ngengar-enggar ati supaya para dwija lan karyawan bisa kalipur, saengga yen wis wiwit nyambut gawe duwe semangat anyar ngadhepi pegawean sing mbutuhake segering swasana.Panggonan rekreasi ing Yogya wiwit biyen mula akeh, awit kutha Yogya jujugane turis kaloro sawise pulo Bali.Candi Borobudur dadi jujugan wiwitan wah ya rame banget, mung ana sing kuciwa amarga sirahe reca akeh sing ora ana, gara-gara tangan jail utawa sengaja didol dening oknum sing ora duweni tanggung jawab.Menyang Yogya ora jangkep yen ora mlaku-mlaku menyang Maliobor, kanca-kanca seneng banget utamane para ibu, awit bisa borong oleh-oleh embuh kaos apa jajan, kanggo sing ditinggal ing omah.Sakjane isih ana maneh lokasi wisata yaiku pantai Parangtritis, nanging amarga wektu sing cupet banget kepeksa diilanganke, lan mung menyang museum angkatan udara Maguwo. Ing kono para tamu bisa mirsani maneka warna pesawat, pesawat wiwitan sing dititihi Bung Karno, nganti pesawat-pesawat sing ana gandhenge bab sejarah perjuangane bangsa Indonesia.
Wah bombong banget rasane dadi bangsa Indonesia sing duwe prajurit-prajurit sing peng-pengan.Mbaleni bab adicara pepisahan. Para dwija sing wis purna tugas mau yaiku Bapak Haryono, Bapak Suwardi Winoto, Ibu Suhartini, Ibu Endang Werdiningsih, Ibu Siti Rahayu lan Bapak Ig Joko Jatmiko .Bapak Astari minangka kepala sekolah atur panuwun marang para dwija sing wis ngabdi telung puluhan, muga-muga kabeh ilmu sing diparingake marang para siswa banget migunani ing kalangane para murid.
Dene saka bapak/ibu guru sing wis purna tugas diwakili bapak Haryono,ora kala kocake, nyritakake pengalamane mulang, lan ngajab yen pancene carane mulang bener iya dianggo dene saupama salah mangga dibenerke bareng-bareng amarga tuntutan jaman ora bisa diselaki. Mula kudu pinter utawa nemokake inovasi anyar supaya kahanan kelas bisa dikendhaleni lan murid-murid ora rumangsa bosen ngadhepi wulangan apa wae.
Ngono pesene pak Haryono. Sing paring pangandikan saka komite sekolah bapak Toni, uga ngelingake yen smp2 surabaya wis duwe jeneng wiwit biyen, mula jeneng mau kudu dijaga. Kabeh mau bisa kaleksanan yen para warga wiwit saka kepala sekolah, staf, dewan guru sakaryawane padha ngerti marang kuwajibane. Sugeng pensiun pak Haryono, ibu Hartini, ibu Endang, ibu Siti Rahayu,pak Suwardi, pak Joko, sugeng istirahat ing dalem lestaria anggone momong putra wayah, amin.
Yogya sakedheping netra.

wong aneh

2010-07-14T19:53:00.000-07:00

Jam 12.00 wayahe mangan awan, mula para pegawai ing kantor iku siji mbaka siji padha bukak bontrotan masakane mantan pacar. Sing ora sangu, iya golek warung kang nyedhiyakake maneka warna panganan. Kari milih lan aba, sayur asem ana, lodheh ana, pecel akeh ,lonthong balap iya ana pangsit mie , sega bebek ana, pokoke jangkep kari ndeleng isi dompet. Kaya biasane sebut wae asmane pak Insan nuju warung sayur asem sing dadi klangenane, dene lawuhe tahu tempe goreng. Sayur asem karo tahu lan tempe goreng rasane ora ngalahake hamburger apa hotdog sing jarene panganan modern restoran ing mall kae. Piyayi sitoke let sawetara menit nuju warung mau,sebut wae asmane pak Kamil, karemane iya padha sayur asem, mung bedane yen pak Insan senengane tahu tempe, yen pak Kamil senengane endhog dadar.Piyayi loro olehe dhahar jan nikmat banget. Lan mesthi wae pak Insan sing rampung dhisik ,bareng arep bayar, dilarang pak Kamil” aja pak dak bayare, wis kana tindaka dhisik”.Pak Kamil iya mangsuli ora kalah banter”lo aku rene mau apa panjenengan ajak, ora ta ? Ora bisa, aku bisa bayar dhewe” ngono karo ngulungake dhuwit marang bakule.Dhuwite eketan ewu karo bisiki bakule” kalih bu, niku kalian pak Kamil”. Mesthi wae bakule ngomong”Pak mpun dibayari bapak niki”.pak Kamil elik-elik bakule, nanging arahe tembung marang pak Insan”bu , sampeyan susuki pinten telase pak Insan, sampeyan ki ya ngono jare mau yen ora ajak-ajak ora gelem dibayari, la kok saiki sampeyan sing arep mbayari aku, mpun bu sampeyan susuki napa mesthine dhaharane pak Insan”. Si bakul sarwa repot, lan wekasane manut panjaluke pak Kamil, tinimbang tukaran, apa ,maneh warung saya suwe saya rame wayahe mangan awan. Batine mbok bakul wong iki aneh , ana sing bayari kok ora gelem. Kamangka manut pengalaman, ana wong sing paling seneng dibayari, malah ana sawenehing wong sing ora gelem ngetokke dhuwit ,bisane mung nebeng, kamangka bayare ya gedhe.Pancen pak Insan iku wong aneh. Manut critane kanca kantor dheweke tau ora mlebu samene dina amarga ana keperluan keluarga. Bareng wayahe bayaran, lo kok ora dipotong? Banjur marani bendahara, dilok-lokake”kowe kuwi ora ngerti apa piye wong aku ora mlebu samene dina kok bayaranku utuh, yen ora bisa nyambut gawe ngomongo,wedi karo kepala ya!”.mesthi wae bendahara kantor dhingkluk lan diwanek-wanekake matur” menika hak panjenengan sedaya pak, mangga dipun tampi kemawon”. pak Insan saya tambah dukane, nanging isih bisa nguwasani kahanan. Sajege pegawai wis tuwuk, banjur ngendika sareh” saiki etungen wae, saliyane gaji pokok, gaji tambahan potongen samene rupiah ping limang dina, iki amplope dak balekne, dak tunggu ing ruanganku”.Bendahara kantor nindakake apa prentahe, batine nyebut”wong aneh”, ora gelem dhuwit. Manut bendahara mau ana sawenehing karyawan, yen bisa njaluk luwih akeh lan duwe niat kapal keruk, dhuwitku ya dhuwitku, dhuwitmu ya dhuwitku, pak Insan manungsa aneh.Wektu lumaku terus, pak Insan pindah bagean lan pak Kamil iya pindah bagean, nanging pak Kamil pindah luar kota amarga nyedaki pensiun ayem ing jaba kutha. Sadurunge pak Insan pindhah bagean,,para andhahane wis nyepakake samubarang sing perlu digawa. Kabeh wis dibungkus rapi lan bakal dicaosake endi kanggo kantor lan endi sing kanggo kenang-kenangan diasta kondur, kalebu tanda tangan tugas transport luar kota.Bareng wis siap sakabehane banjur diaturke marang pak Insan” Iki piye transport kok samene akehe, aku dinas luar kota mung rong dina, kok dietung rong minggu,nyoh dak balekke.Sing dibungkus iku apa? Aku mlebu kantor iki ora nggawa apa-apa, saiki kathik kok gawani samene akehe, ayo bongkar aku ora butuh barang iku !” Mesthi wae andhahane klincutan, kisinan batine”wong aneh tenan iki, wong aneh………wong aneh……..wong langka……..

PR kelas 9 smp2sby

2010-07-14T08:34:00.000-07:00

Tugas 1 semester gasal kelas 9 SPENDABAYA tahun 2010-2011.
Bocah-bocah kelas 9, kanggo ngadhepi wulangan basa Jawa tahun 2010-2011 sing kudu kok siapake yaiku :
a.Buku cathetan.
b.Buku pendamping.
c.Buku folio kandel.
Keterangan:
a.Buku cathetan:kaca 1,tulisana buku tugas basa Jawa, jeneng jangkep, jeneng celukan, panggonan lan tanggal lahir, alamat omah nomer telp,sesanti/ semboyan nganggo nganggo basa Jawa.Ngisore sesanti tulisen :aturan wulangan basa Jawa:
1. Komunikasi /omong-omongan nganggo basa Jawa(karo bapak/ibu guru nganggo basa krama inggil),lan ora pareng ngomong kotor utawa rusuhan.
2.Menganggo kudu rapi, klambi dilebokake lan seragam manut dina sing ditemtokake.
3.Kudu njaga karesikan kelas, ora oleh ana larahan ing ngisor utawa ing jero bangkune dhewe-dhewe.
4.Ora pareng telat mlebu kelas.
5.Yen ana tugas apa iku tugas kelompok/ individu ora pareng telat ngumpulke, yen nganti telat biji dikurang.
6.Ora pareng nggawa hp, yen konangan sing jupuk wong tuwamu.
7.Buku cathetan ora pareng keri.
Samangsa nglanggar aturan ukumane sing agamane Islam istifar utawa nembang, sing agama liya ya nyuwun pangapura manut agamamu utawa nembang.Buku cathetan kaca 3 tulisen :Kumpulan Biji Basa Jawa, lan gawea kolom garis mengisor, tulisen no, tugas,wiwit,rampung,individu,kelompok, biji, ket, ttd.
b.Buku pendamping, sauntara wektu durung ana nanging kanggo njangkepi bukumu bisa nganggo pepak Basa Jawa.
c.Buku folio kandel, dianggo ye ana tugas kelompok Siji kelompok kedadeyan saka 7 utawa 10 anggota.Kelompok I no absen:1,2,7,8,9,10,15,16,19,20.Kelompok II no absen:3,4,5,6,11,12,13,14,17,18.Kelompok III no absen:21,22,27,28,29,30,35,36,37,38.Kelompok IV no absen:23,24,25,26,32,33,34,35.
Sawetara iki dhisik yen ora mudheng bisa , nyuwun pirsa Pak Pur. (sb.14710).

pengalamanku

2010-07-13T06:20:00.000-07:00

YEN KEPENGIN WARAS MANUTA DOKTER, MANUTA GURU YEN KEPENGIN PINTER.

Pengalamanku nalika tilik desa pas liburan unggah-unggahan sekolah. Jumat tanggal 25 Juni 2010 hawane panas banget. Hawa sing panas nyebabake gorokan njaluk disiram. Ora sranta sikil jumangkah menyang warung sing dodolan maneka warna panganan lan minuman.Kaya biasane aku pesen degan dicampur karo kacang ijo lan ketan diwenehi es sethithik.Rasane seger banget kaya wong nyidham kae. Nanging tan kocapa, bareng es entek dak ombe, irung rasane kaya ana sing nyogrok, banyu mili terus-terusan, kamangka mengko bengi aku arep tilik desa mumpung libur lan kirim donga swargi bapak. Bapak seda tahun 1983 yuswa 55 tahun, durung pensiun wis dipundhut panjenengaNe.Dadi saprene tahun 2010 iki 27 tahun aku durung kirim donga ing desa. Yen ing Surabaya ya wis tau, awit ing panggonanku ana kelompok pengajian, ya ing kelompok pengajian mau yen pas aku oleh giliran dak koberake kirim donga. Jam 7 bengi anakku teka saka nyambut gawe, sawise leren sawetara ngajak budhal bengi iki uga .Apa ora kesel, diwangsuli ora, aku ya mung manut wae, wekasan aku, nyku, putuku loro lan anakku sing nyopiri jam 8 bengi sida budhal. Lakune gledhekan lancar, mung putuku tekan Mojokerto arep mutah mula ing Trowulan leren ngombe antimo karo mangan bengi. Jombang wis kliwat bablas Kediri ,Tulungagung, Trenggalek tuku bensin lan leren sedhela jam nuduhake jam 11 bengi.Ora nginep Trenggalek ta le, diwangsuli ora pak terus wae. Karangan munggah dalan-dalan wiwit sepi swasana adhem jekut ketambahan udan, kok ya isih ana udan ta ya? Dalan wiwit deder munggah alon alon, menggak-menggok manut iline dalan nambahi atising swasana. Pedhut pegunungan wiwit ngadhang dalan, jam nuduhake angka 12, ateges tengah wengi ing tengah alas katambahan udan riwis-riwis. Sunare lampu gledhegan watara 4 meter, anakku wiwit tidha-tidha terus apa ora. Wekasan kaya sing anggit sakawit kelakon, mbalik wae pak dalane ora ketok mbebayani, Alhamdulillah gledhekan muter balik lan nginep ing Trenggalek, dadi ya sawetara kurang luwih setengah jam. Bengi iki aku nginep ing Trenggalek, karo maneh awak rada lungkrah kathik gara-gara es awan mau durung paja-paja waras malah saya nemen. Esuk watara jam 05.30 budhal ninggalake hotel bablas ngidul ngulon, lakune gledhekan lancar tekan Panggul watara jam 08.00 lan sarapan ing warung masakan Padang protelon dalan nuju Lorok, wah ya kaya wong bar lara kae, olehe sarapan dinikmati temenan. Hebat ya masakan kaya ngono wis sumrambah tekan ngendi-endi kalebu ing Panggul. Lelungan diterusake lancar, tekan Lorok isih jam 09.00 bablas menyang tanah kelairan desa Wonodadi, wis ditunggu dulur-dulur kabeh padha ngenteni tekaku sarombongan. Ubarampe wis cukup sebagean gedhe wis dak gawa saka Surabaya, bengi bar Imsyak adicara kirim donga . Ning ya kuwi sing jenenge pilek ora kena disanak, mula sinambi acara mau aku jaketan. Malah akeh sing najihake, gerah ta dhik, gerah ta pakdhe lan liya-liyane, mula ya dak wangsuli inggah-inggih ngono wae.Minggu tanggal 26 Juni 10, aku bali menyang Surabaya. Mung bedane yen budhale metu Trenggalek mulihe metu Pacitan. Sejene iku, aku iya kepengin weruh kahanane kutha Pacitan lan dalan nuju Slahung, Ponorogo, Madiun.Pancen sajege Panggul –Lorok bisa diliwati aku arang banget metu Pacitan, dadi saprene kurang luwih 20 tahunan aku ora weruh kuthaku Pacitan. Tibake kemajuane akeh banget dalan sing dak liwati katon asri, aku ya lali metu endi dalan jurusan Ponorogo, biyen metu kreteg Penceng, ya rada bingung, wekasan takon-takon lan nemokake dalan mau.Wah tibake dalane kepenak banget, malah tekan Gemaharjo lancar banget lan Gemaharjo tambah rejo, toko lan warung tharik-tharik, bingung mbedakake endi warung endi toko.Biyen saben bis mandheg mesthi leren lan andhok ing warung sing misuwur ayam goreng kang duweni ciri khas. Anakku ora gelem mandheg dadi bablas ngalor Slahung-Ponorogo-Madiun lancar lan mangan awan ing Madiun. Lakune gledhegan bablas ngalor, tekan Jombang anakku ajak-ajak mampir kyai pak ngiras silaturahim, dak wangsuli ayo. E tibake anakku wis sms karo kyai sing dadi jujugane anak samangsa wektu longgar. Tekan daleme kyai mau wis dicepaki samubarang panganan lan unjukan. Rada sawetara anggonku tukar panemu karo yaine anakku, ya maneka warna kayata bab kawruh agama, jejodhohan drajat lan sapanunggalane. Ing antarane ngendikan mau ana sing ora dak lalekake yaiku ukara”YEN KEPENGIN WARAS MANUTA DOKTER, YEN KEPENGIN PINTER MANUTA GURU”.Dak rasakake iya ana benere, tuladhane kaya pilekku iki, wis cetha dokter ora oleh ngombe es kok kepeksa dak terjang ya ngene iki kedadeyane.Nganti dina iki dak tulis kepeksa durung waras, aku nganti bosen ngombe antibiotic, apa ana sing kagungan obat alternatif? Dene ukara “yen kepengin pinter manuta guru” rumangsaku iya ana benere. Ing crita wayang Dewaruci, dicritakake kepriye manute Bima marang gurune pandhita Drona lan wekasan nemu kabagyan lan kapinteran kang banget migunani. Ana maneh crita Ekalawya, kang manut banget marang gurune ya pandhita Drona, saking manute kepeksa patine iya dicaosake marang guru mau.Ing jaman era globalisasi , jaman sing ora ana watese kahanan lan kedadeyan, apa isih kanggo ya crita wayang sing nyritakake bektine murid marang guru? Utawa ukara yen kepengin waras manuta dokter, manuta guru yen kepengin pinter. Sumangga.....

LUWIH APIK TELAT TINIMBANG ORA BABAR PISAN

2010-06-17T01:15:00.000-07:00

Ukara ing dhuwur sejatine ora cocok karo kahanan jaman saiki.Nanging kepriye maneh pancen kudu kaya ngene.Sing bener “ luwih cepet luwih apik “. Repot, ora duwe ide, gawean ing kantor numpuk, gawean ing omah ya numpuk, ketambahan dadi MC( momong cucu), pancen bisa kanggo alas an nulis ukara mau, mbuh bener mbuh ora. Mula ora aneh ana sawetara mitra takon, kung endi tulisane, endi postingane , wadhuh piye iki.Mesthi wae dak wangsuli, sik ta rek, isih kentekan ide, ketekan inspirasi. Pancen akeh sing arep dak tulis, nanging kaya-kaya ora duwe niat, ora duwe semangat blas, kaya wong bingung dasare bingungan, gugup lan sarwa salah. Yen ditlusuri repote apa ta, ujian nasional wis rampung lan smp2surabaya tahun iki lulus kabeh, ujian sekolah uwis, ujian praktek iya uwis, tour menyang Bali iya sukses, ijazah lan skhun iya wis diedum, MC iya wis ana sing nggenteni, rasane sirah iki mikir terus, ngelu lan abot kanggo nulis. Ana sing ngganjel, nanging dak petani ora ketemu apa sing ngganjel mau. Ya muga-muga enggal bisa sregep nulis maneh, mbuh nulis apa wae supaya ora cepet pikun…..Amin. Kanggo muridku , iki postingane pak Pur dak kantheni foto sawetara, embuh iku foto ing sekolah, foto tour ing Bali, fotone bapak/ibu gurumu sing tau nggula wentah kowe kabeh, iku kabeh kanggo pangeling-eling supaya kowe eling karo almamatermu SMP Negeri 2 Surabaya sing kita tresnani.Bapak/ibu gurumu mung bisa paring dedonga muga-muga apa sing kok gayuh bisa kasembadan bisa ketampa ing sekolah sing kok tuju….Amin.Bocah-bocah pak Pur kepengin maringi reward, dene pathokane biji sing paling apik ujian sekolah lan praktek, sing ngumpulke luwih dhisik nalika ngumpulke geguritan ing bloge pak Pur, lan sing paling sregep ngumpulke tugas. Bareng ditintingi sing oleh reward tahun iki, yaiku :

1.Nia Ayu Tantha Aulia kelas ,IX A.
2.Novia Setyowati kelas, IX E.
3.Claudia Permata Puspa , kelas IXB.
Aja lali ya, yen telat dak wenehne bocah liya.

in memoriam gesang

2010-05-30T19:52:00.000-07:00

BENGAWAN SOLO
Bengawan Solo, riwayatmu ini
sedari dulu jadi perhatian insani
musim kemarau, tak sebrapa airmu
dimusim hujan air, meluap sampai jauh

mata airmu dari solo
terkurung gunung Seribu
air mengalir sampai jauh
akhirnya kelaut

itu perahu, riwayatmu dulu
kaum pedagang slalu,naik itu perahu

BENGAWAN SOLO (basa Jawa).
Bengawan Solo, iki riwayatmu
wiwit biyene mula, dadi kawigaten manungsa
mangsa ketiga, ra sapira banyumu
yen mangsa rendheng teka, mili tekan ndi-endi

Sumbermu ya saka Solo, kakurung ing gunung Sewu
banyu mili nganti adoh
wekasan samodra

iku baita, riwayatmu nguni
kaum pedagang mesthi
nitih baita iki

BENGAWAN SOLO

Bengawan Solo, your history

A long time a go, amused people
less water in the dry season
flood inthe rainy season

the sourse from Solo trap in Gunung Seribu
The water flow a long way
to the sea

The yacht, your old history
The trader always used the yacht.

kidung

2010-05-19T19:49:00.000-07:00

SRI MINGGAT
Sri kapan kowe bali
kowe lunga ora pamit aku
jarene nyang pasar pamit tuku trasi
nganti saiki kowe durung bali.

Sri apa kowe lali
janjine sehidup semati
aku ora nyana kowe kaya ngono
lara ati, atiku lara

Ndang baliya Sri, ndang baliya
tega temen kowe minggat ninggalke aku
ndang baliya Sri, ndang baliya
aku lara mikir kowe ana ing ngendi
yen pancene Sri kowe eling aku
ndang baliya aku kangen setengah mati.

SRI LEFT ME
Sri,when do you come back
you left me without saying nothing
you said you went to buy trasi(recipe)
you never come back till now

Sri have you forgot
you promise me to live together forever
I never thought that you could do this
My heart is broken, my heart is broken.

Please come back Sri, please come back
How could you left me
Please come back Sri, please come back
I felt hurt thought about you
If you remember about me
Please, come back. I miss you so much

PENGUMUMAN KELULUSAN

2010-05-06T18:39:00.000-07:00

Pengumuman kelulusan SMP Negeri 2 Surabaya Tahun ajaran 2009-2010, alhamdulillah lulus kabeh 100%. Biji sing dhuwur ing SMP Negeri 2 Surabaya yaiku:
1. Ozza Gamma Patria (9c) : 37,95
2. Nia Ayu Tantha Aulia (9a) : 37,85
3. Ikrima Amalia (9a) : 37,60
4. Aninda Isnaini (9d) : 37,60
5. Alana Amoretta (9a) : 37,55
6. Meidina Prasetyani (9b) : 37,55
7. Erick Surya Dinata (9c) : 37,50
8. Laode Muhammad S. M. A (9g) : 37,50
9. Wisnu Tirta Pradana (9d) : 37,45
10. Zella Dwipuspita Dahana (9c) : 37,40
11. Hendra Setiawan Ramadhan (9e) : 37,40
12. Trio Febriananda (9c) : 37,35
13. Galang Rakashiwi (9e) : 37,35
14. Edo Aditya Dwi Susanto (9g) : 37,35
15. Alvhi Widya Calandry (9h) : 37,35
16. Choiriyah Basnawi (9a) : 37,30
17. Nur Ika Wandayati (9g) : 37,25
18. Sayyidati Ma'rufah (9g) : 37,25
19. Isnania Nine Marta (9g) : 37,20
20. Taufiqur Rochman (9h) : 37,20
21. Fauziah Dwi Sari (9a) : 37,15
22. Lina Kurniasari (9a) : 37,15
23. Nyimas Ariny Sabilarrusyda (9c) : 37,15
24. Muhaimin Ali Mahdi (9c) : 37,15
25. Alia Firdauzy (9f) : 37,15
26. Dwi Ratna Sari (9f) : 37,15
27. Herlina (9g) : 37,15
28. Chesilia Maretha Saputri (9h) : 37,15
29. Khoirunnisa (9h) : 37, 15
30. Arrafael Shahab (9b) : 37,10
31. Putri Permata Dewi (9c) : 37,10
32. Khoirun Nissa (9f) : 37,10
33. Muslim Wahyu Setia Budi (9f) : 37,10
34. Ahmad Alfin Afwan (9h) : 37,05
35. Dinda Andy Tripitanti (9c) : 37,00

Dadi sing bijine 37,oo mendhuwur ana 35 murid.
Total siswa sing melu ujian yaiku 319. Biji paling dhuwur yaiku 37,95, biji sing paling cilik yaiku 29,65.

Biji B. Indonesia sing paling dhuwur yaiku 10.00, paling cilik 4.20, rata-ratane 8.70
Biji B. Inggris sing paling dhuwur yaiku 9.80, paling cilik yaiku 6.40, rata-ratane 8.69
Biji Matematika sing paling dhuwur yaiku 10.00, paling cilik yaiku 4.75, rata-ratane yaiku 9.15
Biji IPA sing paling dhuwur yaiku 9.50, paling cilik yaiku 5.75, rata-ratane yaiku 8.64

DINA PENDIDIKAN

2010-05-02T19:06:00.000-07:00

ING NGARSA SUNG TULADHA, ING MADYA MANGUN KARSA, TUT WURI HANDAYANI.

1.Ing madya mangun karsa.
Pamong kudu tansah bisa dadi patuladhan , bisa digugu lan ditiru dening para siswane,ya ing bab solah,tingkah tindak tanduk lan wicarane, lire bisa aweh tuladha kang becik.
2.Ing madya mangun karsa.
Ing madyaning pasrawungan karo para siswa, pamong kudu tansah ambiyantu ngembangake bakat lan kalantipaning para siswane, sarana ngundhakake kawruhe, lan tetep angukuhi wibawa minangka jejering pamong.
3.Tut wuri handayani.
Jejering pamong kaya dene sawijining pangon, sing tansah aweh kalonggaran marang siswane ing pangumbaran,nanging tansah diawat-awati aja nganti padha tumindak nyebal saka kautaman, lan nyimpang saka kapribadening bangsa.

Cathetan:
Tulisan ing dhuwur dak salin saka asline aksara Jawa, nalika aku meruhi semboyan mau cumenthel ing ruang staf SMP 2 Surabaya. E ya ngiras kanggo mengeti dina Pendidikan tanggal 2 Mei 2010, sejene iku kanggo nglatih nulis supaya ora cepet pikun. Ing sekolah iki iya dianakake maneka warna lomba, upamane lomba ngronce kembang, lomba poster lan lomba pidato tokoh pendidikan nganggo basa Inggris. Sakjane iya ana rasa gela kok ora ganggo basa Jawa, terus piye mengko nasibe basa Jawa? Aku iya mung pasrah, mangga kersa para pangarsa. Jujur wae iku iki iya kepengin bisa basa Inggris ora kok amarga kemaki ora, nanging ana gandhenge karo karo IT sing lagi dak gendhengi.Mbuh ora ngurus sapira kabisanku, aku kepengin banget basa mau sanajan ora aktif. Ana kedadean sing ora daklalekake, nalika aku ana ngomah oleh telpon saka kantore anakku ing jaban rangkah, aku ora bisa mangsuli. Kamangka wektu iku anakku lagi momong anake. Bareng anakku teka lan dak critani, setengahe anakku gela"mosok pak ngendika from whome, telpon number ora saged". Ya dak wangsuli"ora bisa rin wong dialeke kaya ngono, ora kaya wong Jawa".Ya mesthi wae ta, paling ngono batine anakku.
Mbaleni bab dina pendidikan. Ing ngisor ana artikel tokoh pendidikan, this is a story of education from Ki Hajar Dewantara.

KI HAJAR DEWANTARA.
His real name is Raden Mas Soewardi Soeryaningrat.He was born on May 2nd,1889, in Yogyakarta.His father was called Pangeran Soerjaningrat, from Pakualam Palace,Yogyakarta.As a part of on aristocratic family,Soewardi was quite free to enjoy his education.He had studied in Europeechce Lagere School(same level as Elementary School ),Kweekschool,and School Tot Opleidong Van Indische Arsten or STOVIA.His recognition in the word of education was extraordinary.He always thought that education was one of the most importan factors in freeing the Indonesian people of their sufferings from colonization.He never cosidered that is aristocracy was important,instead he took off his aristocracy and canged his name to Ki Hajar Dewantara. Do you know why?He did that because he wanted to bring himself closer to the people.
On Juli 13th,1913,when he was 24 years old.Ki Hajar was arrested by Netherlands' soldiers because he made a publication about his article which was titled as Als lk Eens Nederlander Was (if I Am a Netherlander) in 'De Express' media. Ki Hajar Dewantara wrote that if he was a Netherlander, he would give his colonies freedom.He had to appear before a Netherlands' court. He did that with calm and full of spirit. On July 3rd, 1992, Ki Hajar (as speaker of ideas) and with his friends in Sloso Kliwonan Association, established the Nationaal Onderwijs Instituut Tamansiswa, or "Taman Siswa". This school was opened to Indonesian people who wanted to study. Ki Hajar Dewantara had three important principles, when he put into operation his schools, of which there were 129 branches in Indonesia. His principles were Ing Ngarso Sung Tulodo (in front gives examples), Ing Madya Mangun Karsa (in the middle builds up the spirit), and Tut Wuri Handayani (from behind Supervises). To this day, these wise principles are still a guiding principle and an orientation in the world of Indonesian education.
When Japan colonized Indonesia, Ki Hajar Dewantara became a member of The Center of People's Power (PUTERA). PUTERA was built by Japan to monitor dangerous people for Japan. Ki Hajar did that on purpose, in order not to be suspected and to be free to move. When PUTERA dispersed, Ki Hajar was chosen as a member of Naimuhu Bunkyonkyoku Sanyo. It is an educational organization which was made by Japan.
He got appreciation as "Bapak Pendidikan Indonesia" because of his ideas in the world of education. His opinions were modern although he lived in colonial times (difficult times). He always thought that everybody had the right to get an education. He was chosen also as Minister of Indonesian Education under President Soekarno's administration. Ki Hajar Dewantara still tried to develop the educational system in Indonesia by his brilliant ideas. When President Soekarno commanded, Ki Hajar Dewantara was bestowed as "Bintang Mahaputera". He was also called as a pioneer of the Indonesian Press. His birthday was celebrated as Education Day (Hari Pendidikan Nasional). He passed away on April 26th, 1959. His wife, Nyi Sutartinah, collected things which had been used by Ki Hajar and his family. There were about 3000 things, and then they were put at Dewantara Kirti Griya Museum, Yogyakarta.

TUKANG PARKIR

2010-04-24T04:24:00.000-07:00

Metu saka toko, nyku ngomel-ngomel sing ora cetha juntrunge.Tukang parkir sing biasane diwenehi dhuwit minangka ongkos,olehe maringi kanthi ora dhangan ing penggalih.Aku ya ora nggatekake omongan mau, mbok ya uwis ta, yen niat diparingi,ya diparingi ora sah karo nggunem sing ora-ora, ngono batinku.Sajake nyku ngerti apa sing tak batin, kabukten wiwit crita."Aku mau kober nylathu tukang parkir.Cik enake, teka langsung diwenehi karcis tanpa ngrewangi blas, e sepedhae ditampani tah ditata tah disapa sing enak tah, isa ngomong apa gak jan-jane.Metu ya ngono pisan, wong sing parkir samono akehe, e mbok ditulungi, ditokke supaya gampang nuntune, mosok tukang parkir isane njaluk dhuwit tok. Ngono iku bola-bali, tak sabarake jane saking aku ora kuwat ngempet,kok ya ora ngerti yen golek dhuwit iku kudu tumandang gawe kudu nyambut gawe.Karcise ya ngono pisan, ora resmi, paling dhuwite ya dipek dhewe ". dak wangsuli"yen ora dipek dhewe njur diwenehke sapa?"nyku mangsuli mesthine sebagian ya mlebu nyang dinas sing kawogan ta". Rupane nyku lali, yen tau crita ana sawijining pasiene gaweane nukoni panggonan sing sekirane bisa ngasilake dhuwit parkir. Ing ngendi iku, ya saenggon-enggon, upamane ngarepe restoran, cedhak pasar, ngarepe perkantoran,dalan-dalan sing sakirane bisa kanggo parkir lsp.Iku dituku lan wani mbayar larang malah ngancik limang yuta munggah.

Wong sing mborong lahan parkir mau ngongkon andhahane supaya jaga parkir, lan pranyata asile ora baen-baen, bisa kanggo tuku omah, budhal kaji lan kaperluan liyane.Apa ora hebat?Bareng tak critani lan tak elingne nyku lagi nyambung, e ya sing sabar ta, ngongkon tukang parkir" dhik tulung tokna, methi gelem kok".Aku ya banjur crita,yen kancaku sing saiki wis purna tugas tau cluluk"bayare guru kalah karo bayare tukang parkir".Aku ya meneng wae ora menehi komentar, yen dituruti bisa-bisa tukaran adu panemu sing ora bakal gathuk. Mosok padha gurune padha bengkerengan, saru yen dinulu.Piye, sapa gelem dadi tukang parkir?Dhuwite sapa kanggo tuku panggonan lahan?Apa bisa nglakoni?.Embuh.Sapa sing maos, mangga maringi tanggapan.

PENGETAN DINA KARTINI

2010-04-21T04:58:00.000-07:00

Kartiniku -Kartinimu.
Tanggalr 21 April, mujudake dina kang duweni sejarah tumrape kaum wanita Indonesia. Dina iki dipengeti awit bareng wiyose RA Kartini kang miyos tanggal 21 April 1879 lan seda tanggal 17 September 1904 (yuswa 25 tahun)ing Jepara.

Mesthine para murid iya wis mangerti, kepriye perjuangane RA Kartini, supaya kaum wanita Indonesia ora kalah drajate karo kaum priya, iku bisa dideleng ing kumpulan layange kang dikirim menyang mitrane ing negara Walanda, banjur didadekake buku dening Mr.J.H Abendanon kang dijarwakake nganggo basa Indonesia Habis Gelap Terbitlah Terang, yen dibasa jawakake "Miyak Pepeteng Tekan Ing Pepadhang".Mula wis samesthine para wanita bisa nulad apa sing dikersaake panjenengane mau, supaya apa sing wis diperjuangake ora muspra.

Kanggo mengeti, akeh cara sing bisa ditindakake, kayata ing dina iki para murid putri pada nganggo sandhangan Nasional, dene murid priya menganggo batik. Sejatine ora mung menganggo sandhangan Nasional wae, nanging sing luwih penting kepriye carane yen wanita temen-temen diakoni drajate , kanthi ora ninggal kodrat kadidene wanita. Akeh tuladha yen wanita mung kanggo obyek ngeruk kauntungan, kekerasan ing bale wisma ian liya-liyane tanpa oleh bantuan hukum kang murwat.Iki pancen tugas sing ora entheng.

Pancen bener saiki kaum wanita wis ngenggoni gawean tartamtu, kayata para Lurah, Bupati, Gubernur malah tau Indonesia dicekel Presiden wanita, nanging iku isih durung cukup.Yen kita maos koran utawa mirengake warta bab anane para pembantu rumah tangga ing jaban rangkah kang disiksa para majikan malah ana sing nganti ketiwasan rasane ati iki kari samenir. Niyate nggolek sandhang pangan, dudu bandha sing teka nanging anak sing kesiya-siya.Apa payung hukum pancen ora nempel para pahlawan sing jarene nekakake devisa negara?
Baleni bab pengetan dina Kartini.

Ing SMPN 2 Surabaya iya dipengeti kanthi murwat, sing dadi pembina upacara bapak kepala sekolah ngagem batik lan kopyahan lan sing dadi pemimpin upacara nganggo blangkon, dene para siswane putri iya nganggo sandhangan nasional, ora keri para ibu lan bapak guru emoh kalah ngagem busana nasional nambahi luwese kadidene pendidik. Mangayubagya dina Kartini "KARTINIMU-KARTINIKU "

UJIAN TULIS BASA JAWA

2010-04-09T15:31:00.000-07:00

Materi Ujian Tulis Basa Jawa SMPN 2 Surabaya Th.2009-2010.
Materi ujian tulis dijupuk saka kelas 7 =10%=5 soal.
,, ,, ,, ,, ,, kelas 8 =20%=10 soal.
,, ,, ,, ,, ,, kelas 9 =70%=35 soal.
Buku kelas 7 jupuk bab informasi, golekana wacana"Kebanteren ngoyak basa Inggris.....
Buku kelas 8 jupuk crita cekak( kaca 3) lan crita rakyat "Tengger"(kaca 9-11).
Buku kelas 9 kabeh, wiwit bab 1 nganti bab 11, utamane bab aksara Jawa( gawe ukara nganggo aksara Jawa) lan geguritan.
Yen sregep maca lan nggatekke pituture bapak/ibu guru, insya Allah bakal kasil, amin.

UJIAN PRAKTEK BASA JAWA

2010-04-04T03:19:00.000-07:00

Ujian Praktek Basa Jawa SMP 2 Surabaya,th 2009-2010.
Ujian praktek wiwit tanggal 5 April nganti tanggal 9 April 2010.
Jadwal manut jam wulangan Basa Jawa.
Senin, tgl. 5 April 2010, jam ka 3-4 kelas 9G.
Selasa,tgl. 6 April 2010, jam ka 6-7 kelas 9A.
Rabu, tgl. 7 April 2010, jam ka 4-5 kelas 9E.
Kamis, tgl. 8 April 2010, jam ka 4-5 kelas 9F.
jam ka 6-7 kelas 9C.
Jumat, tgl. 9 April 2010, Jam ka 1-2 kelas 9D.
Jam ka 3-4 kelas 9B.
Jam ka 5-6 kelas 9H.
Piranti sing digawa: kertas folio mawa garis.
Materi : ngarang( milih salah siji).
a. Crita cekak
b. Pengalaman sing ora bakal lali.
c. Warta dina iki/ nulis warta.
Cathetan :Akehe karangan paling sithik rong kaca ora wolak walik.
Sisih kiwa folio dlgaris mengisor 3cm, sisih tengen 2 cm.
Ngaranga geguritan utawa geguritan sing wis kokgarap kaca pungkasan kirimen ing bloge pak Pur(komentar), yen kangelan, bisa ing email :kpurwito@yahoo.co.id. dak tunggu.

kidung

2010-04-02T13:15:00.000-07:00

SEWU KUTHA
(didi kempot)
sewu kuta uwis dak liwati
sewu ati dak takoni
nanging kabeh padha ra ngerteni
lungamu nyang endi
pirang tahun anggonku nggoleki
saprene durung bisa nemoni

wis tak coba nglalekake
atimu saka atiku
satenane aku ora ngapusi
isih tresna sliramu

sanajan ta kowe uwis urip mulya
rila aku rila
ya mung siji iku panyuwunku
aku pengin ketemu
sanajan sakedheping netra
kanggo tamba kangen jroning dhadha
sanajan wektu mung sedhela
kanggo tamba kangen jroning dhadha

PERESMIAN MASJID ARRAHMAH.

2010-03-24T10:50:00.000-07:00

Dina Sabtu, tanggal 20 Maret 2010, masjid Arrahmah SMP Negeri 2 Surabaya kasil diresmekake dening Bapak Ir Purwadi Djojonegoro,M.Ag.Ing acara mau Bapak Purwadi minangka Komite Sekolah nelakake atur panuwun marang para donatur marang para wali murid, guru apadene para murid sing wis anyengkuyung pembangunan masjid ing komplek SMP Negeri 2 Surabaya iki.Ing pangajab masjid iki bisaa dadi sarana ningkatake ibadah kulawarga SMP Negeri 2 Surabaya utamane para murid ngadhepi era globalisasi, sing kadhang-kadhang ora cocog karo ajaran agama sing kita anut.

Manut keterangane Pak Achyat Malik minangka Ketua Panitia, masjid iki peletakan batu pertama tanggal 4 Agustus 2007. Wektu iku awujud perputakaan lan kepala sekolahe Bapak Muhtar sing saiki ngasta kepala sekolah imng SMP 1 Surabaya.Dicritakake uga,nalika musholla arep digusur arep dibangun perpustakaan, pak Achiyat protes la kanggo sholat ing ngendi? Diwangsuli karo Pak Muchtar, ya sawetara manggon ing ruangan multimedia, iku cukup yen kanggo sholat apa dene sholat Jumat.

Perpustakaan bakal digusur dirubuhake, mengko dibangun masjid.Pak Achyat nglenggana banjur mikir-mikir lan matur pak Muchtar dhuwite saka ngendi, awit wektu iku dinas ngaban- abani ora oleh narik dhuwit kanggo keperluan apa wae menyang murid? Wis ta bonek bandha nekad ngono wngsulane pak Muchtar. Lan temenan ya nalika peletakan batu pertama mau kang dirawuhi para donatur, wali murid kepala sekolah ing kiwa tengene SMP 2 Surabaya, kasi ngumpulake dhuwit 25.000.000 rupiah, pawitan kang lumayan.

Banjue teruse kepriye? Ya saben dina ana kaleng mlaku ing kelas, sewulan sepisan saben guru bar gajian padha infak, lan saben ana kegiatan sekolah kayata rapotan sapatemon karo wali murid anyar disuwun ngisi infak. Tanggapane para wali murid , donatur positif banget banjur dicakake manut anane dana sing mlebu.Ya rada suwe pancene, lan pak Astari kepala sekolah sing ngganteni pak Muchtar,kasil ngrampungake masjid SMP Negeri 2 Surabaya, kang dijenengi Masjid Arrahmah, alhamdulillah.

Sadurunge diresmekake masjid wis dianggo maneka warna kegiatan kang magepokan karo fungsine.Sholat Jumat wis ora ing multi media maneh, yen murid mlebu awan esuke ngaji, semono uga yen murid awan esuke ya padha menyang masjid perlu ngaji.Akeh sesorahe ing adicara peresmian mau saliyane bapak komite Sekolah, uga bapak Astari minangka kepala sekolah lan digongi ceramah Agama yaiku ustad Turhan Baderi dai kondhang kutha Surabaya. Alhamdulillah. wasyukurillah masjid wis dadi, pangajabe warga SMP2 Surabaya utamane para murid bisa kaleksanan,yaiku ningkatake iman lan taqwa. amin ya robbal alamin.

Jagading Pendidikan.

2010-03-20T21:41:00.000-07:00

PENDIDIKAN BERBASIS KARAKTER.
Nyemak andharane Drs Najib Sulhan,MA(Diektur Al-Azhar, Dosen UM Sby, penulis buku BSE lan penulis buku-buku berkarakter), sing dianakaken ing dina Sabtu, 20 Maret 2010 ing SD Muhammadiyah 21 Surabaya, penulis ketarik banget lan ngacungake jempol kaloron.Panjenengane maringi illustrasi, yaiku para wong tuwa sing putrane ngadhepi Unas sanggane abot banget.Wis abot nganggo banget. Atine wong tuwa melang-melang, ketar-ketir lulus apa ora, bisa apa ora mengko ngadhepi soal? Saking abote sesanggan mau wong tuwa melu kalang kabut, bar sekolah les yen perlu bengi nyeluk guru privat, tujuane nguber biji minimal samene , yen ora nututi biji minimal ora lulus.Akibate kurang pirang dina UNAS, bocah-bocah padha stres ana sing lara weteng, sirah ngelu, weteng mual lan lelara liyane sing mesthine ora perlu.Tau Drs Najib oleh telpon "anak saya berhasil pak, Alhamdulillah " ditakoni" Iya ibu berhasil yang mana?". "Itu anak saya yang ikut Bimbel mendapat bocoran soal".
Piye ta iki oleh bocoran soal kok dianggep berhasil? Pancen ana wacana, muga-muga wacana iki salah, ana saweneh Lembaga Bimbel oleh soal Unas saka dinas kang kawogan, mula lembaga mau wani narik beya samene yuta.Lembaga wani njamin, yen nganti ora lulus utawa ora klebu sekolah pavorit dhuwit bakal dibalekake.Kanggone wong tuwa bab dhuwit ora dadi soal, pokok anake lulus lan ketampa ing sekolah kang dikarepake.Yen pancen wacana mau temenan, apa ora ngisin-isini jagading pendidikan kita? Jaman apa iki? Biji asil ujian bakal ora cocog karo kapinterane bocah-bocah amarga nyudhet dalan jupuk gampange, jalan pintas.Murid-murid wis ora nggatekake wulangane guru lan luwih percaya karo lembaga Bimbel mau.Mula ya ngono kuwi diwulang kurang nggatekake blas, kamangka sing ngerti kapinterane murid ya mung guru. Wong tuwa dhewe luwih bombong yen anake klebu sekolah pavorit,tanpa nggatekake kapinterane bocah.Wong tuwa durung-durung wis ngeden-deni, unas abot, bijimu kudu apik yen nganti ora lulus wong tuwa isin ayo sinau terus lan sapanunggalane.La iki sing marahi abote sesanggan anak ngadhepi UNAS, yen ora sinau sregep didukani wong tuwa. Nganti direwangi lali mangan lali ngombe , nggethu ngadhep buku, sianak lara weteng , lara ngelu lan lara-lara liyane sing ora perlu, kaya sing wis dakaturke ing dhuwur.Kedadeyan-kedadeyan mau ora cocog karo karakter bocah. Kedadeyan kaya mangkono bisa diantisipasi, kuncine ana guru lan wong tuwane dhewe. Guru lan wong tuwa kudu paring motivasi yen UNAS iku kedadeyan utawa prastawa biasa, lumrah, saben arep tamat mesthi ana ujian, aja digawe abot, sinau sing ajeg dijaga kesarasne aja lali donga, insya Allah bisa nggarap kanthi biji sing ora nguciwani.
Mbaleni pendidikan berkarakter.Siji-sijine negara ing donya kang ngetrapake pendidikan berkarakter yaiku Cina. Potensine bocah dikembanganke lan digatekake kanthi temenan. Mula ora mokal yen Cina dadi gudhane atlit olah ragawan apa wae, apa iku badminton, senam , renang lan olah raga liyane.Yen pancen sianak ora pinter matematika aja dipeksa kowe kudu oleh biji samene, nanging yen pancen pinter ya kudu digatekne slaras karo ilmune.Wong tuwa kudu percaya yen potensine putra, bisa kanggo sangu urip ing tembe mburi embuh dadi seniman, olah ragawan lsp.
Wosing atur:Pendidikan berbasis karakter yaiku sinergi antarane ing sekolah lan ing omah jroning mbentuk karakter keng putra.Mangga digoleki kaluwihane para putra, aja digoleki kekurangane, amarga yen ngudhal-udhal kekurangane, bakal nyuda kapercayane diri pribadi putra sing kita tresnani.Nuwun.(ana candhake)

KALAH KARO PUTU

2010-03-19T23:36:00.000-07:00

DOLANAN PLAY STATION.
Sajege kemajuan IT iki akeh banget sing dadi ganjelane ati.Wiwit saka TV,DVD, kamera, hp, wis ora kena diselaki maneh. Kaya critane putuku iki,sing ora angon wayah yen duwe kekarepan.La piye nalika durung tuku PS, sasat saben dina menyang rental saperlu PSan. Nanging ya kuwi bareng wis ditukokne, saben atine ora lega lunga, gek menyang endi bocah iki? E dak goleki nganti kepuyengan lunga menyang rental tangga, rame-rame karo kancane.PS wis duwe wis lega, saiki kasete sing dadi masalah. Saben ana kaset anyar utawa kasete lawas wis bosen mesthi gregik, kung kaset...kung kaset, utawa yen stike rusak,uti ...... stiknya rusak mesthi nyku mangsuli sana beli sam kung sana.... Iki durung kepetung barang liyane sing dicukupi wong tuwane kayata game boy, PSP, handy cam,durung dolanan liyane yen manut aku kurang migunani, aku biyen apa ya ngono ta, gek kanggo apa barang-barang kaya ngono kuwi. Yen aku gresah nyku elik-elik, wis bene sapa ngerti ana gunane ing tembe buri, aku banjur nglenggana. Wingenane nalika pawai sekolah putuku nggawa handycam ngrekam sakabehing kegiatan e, asile kok ora ngisin-isine, pinter cah iki.Bareng adike lair, saiki ngancik umur patang tahun, ana masalah maneh, rebutan PS. Sing gedhe ora gelem ngalah la sing cilik kepengin ngrebut wae, dadine ya bisa dibadhe tukaran, rebutan stik. Si Rival yen pas nesu stike dibanting, mesthi wae Ricky(mase), muring-muring, hayo dik... hayo dhik kamu dak dibelikan mama, dak dibelikan papa....hayo dik.... Si Rival nangis. Supaya ora rebutan kepeksa tuku PS siji maneh, kok ya eram ta tu, putu, saiki PS jangkep loro. Apa masalahe wis rampung, durung.Mase wis pinter dolanan PS adike durung, la iki..... mase ngajari adike ora tlaten......... kak ajari kak, .....aku capek lo dik..... kung ajari... kung ajari karo nggeret tanganku tumuju PS..... mesthi wae aku ora bisa, ora bisa nuruti kekarepane si Rival bisane mung tolah toleh, wong mbah kok dikongkon PSan, kepeksa aku ngarih-arih Ricky.....Ky tolong kung ajari ........Aku capek lo kung...aku capek lo kung.... piye ngene iki apa aku kepeksa kursus dolanan PS.Nyku elik-elik e yen longgar mbok kono PSan dhewe mosok kalah karo putu.....wadhuh piye iki.

lalen

2010-02-14T19:57:00.000-08:00

AKU DIPARINGI LALIAN.
Sajege tuwa iki yen dakpikir-pikir aku kudu ngguyu dhewe.La piye pancen diparingi sifat lalian/lalen(pelupa).Iku pancen sifat apa gawan bayi apa piye, aku dhewe ora ngerti wong kari nampa paringaNe, lan aku ya ora kuwasa nolak.Kedadeyan sing marakake aku dhewe lan njengkelaku nyku lan anakku wis ora kena dak etung,kayata nyeleh jam tangan, kaca mata,tas kerja lan liya-liyane kaya wis biasa.Sing paling repot, arep budhal nyambut gawe kacamata keri, wong saomah dak takoni kabeh, mesthi wae ora ana sing ngerti wong sing nyimpen ya aku dhewe.Ngerti-ngerti tibake kacamata mau wis ana ing sakku.Kabeh padha ngguyu, nyku komentar.....biasa kungmu penyakite lalian kumat, aku mung meneng wae karo budhal, e.....kok ana maneh..... jagang sepedha ora dak gatekake meh wae tiba, untunge yen sepedhahan alon-alon, jathuka rak dadi gawe temenan.Iku ora sepiroa. Sing luwih isin maneh nalika aku mulih tilik desa,leren ing terminal ana kancaku SMP biyen aruh-aruh, iki sapa ya..... ngerti yen aku lali dheweke banjur nggodha..... mosok Pur kanca sabangku lali...... dak wangsuli sapa ya.....adhuh.....sapa ya.....karo ngeling-eling........"Aku Warino !" .Saploke kedadeyan iku aku ngati-ngati, yen ora apal jenenge aku ora nyapa, wani nyingkrih,utawa ethok-ethok ora weruh tinimbang kisinan.Dene barang-barangku pribadi aku duwe cara ana telung panggonan kanggo nyimpen. Saumpama barangku ilang/ketlisut ya telung nggon mau sing dakubeg-ubeg, yen ora ana ya pancen ilang lan aku kudu nglenggana.Kanca-kanca kantor ya ngerti yen aku lalian,malah pak Prapto ngomentari karo nggodha" gak papa kung pelupa, pokoknya jangan lupa ingatan " wah iki pancen nemen, aku mung ngguyu mesem kecut, wah ana-ana wae, aja sampek aku gendheng.Kadhang-kadhang sifat lalian mau bisa kena kanggo alasan, upamane nalika dolanan pingpong, yen aku ora bisa nampani bal, aku mesthi ngucap wadhuh lali aku....... lan dak tambahi tembung ....... sory ya tholnet.....nyanthol net.Sing aneh ki tanggal laire nyku lan tanggal laire anakku, mula ora aneh yen anakku kewetu"tanggal laire anake wae lali, apa maneh menehi hadiah ulang tahun "jajal piye yen ngene iki, kamangka anake mung loro.Yen putuku ora lali, Ricky tanggal 24 Pebruari 2000, lan Rival tanggal 10 November 2006.
Sifat lalian, isih dak gawa nalika aku nulis postingan.Biasane saben rampung nulis, aku mesthi ndeleng seratane para bloger sing wis kagungan jeneng.Ngiler jane, wah gek mbutuhke wektu pirang wulan ya, postingan kok apik-apik kaya ngono?
Bola-bali ndeleng krepekan, nanging ya isih lali, kepeksa dak akali ngene, sing wis tindak ing blogku dak tulis ing kene, embuh yen ana sing kliwatan.....pancen wis tuwa arep apa.......
.Pak Sugeng :asli Pacitan, guruku amarga tansah paring semangat supaya tetep nulis. Bloge :1.nguripuripbasajawa.blogspot.com.
2.Aku cinta bahari.blogspot.com.
3.Javanese for Beginner.
.mbah Suro: pensiunan PMK Jakarta, daleme Jakarta .
Bloge :mbahsuro99.blogspot.com.
.Mas Paromo Suko:priyayi Yogya, olehe ngasta ing Surabaya.
Bloge :lakukan selagi bisa.
.Ki Ageng Similikithi[asma samaran]:sawijining dokter lembaga antar bangsa, sering ana ing luar negeri, yen ora kliru saiki ana ing Manila.
Bloge :perjalanan waktu.
.Gambrengword :asma asline sapa, daleme ana ngendi aku ya ora weruh.
Bloge :My Bloggyyy.
.Mas Indro Saswanto: daleme dak goleki durung ketemu.
Bloge :Kenangan Sepanjang Masa.
.Yang Kung : Daleme ing kutha tahu Kediri,ngasta Kepala Sekolah.
Bloge :Yang-kung.
.Mas Dwi Joko:daleme Yogya,putrane yen ora salah loro .
Bloge :1.irphotoku.
2.dhenjoko.
.Pak Guru Petrus Soeratno/pieterssoeratno.wordpress.com: daleme ngendi ?
Bloge: Love is always ready to serve with you.
.Kang Sugeng : kelairan Pacitan, daleme ing Kutisari.
Bloge :Be A Great Person.
Digoleki adikmu,"kapan pak kang Sugeng dolan nyambangi pakdhene?".
.Pak Kasimin :guru Fisika daleme ing Sidoarjo.
Bloge :fisikasimin.worpress.com.
.Pak Hilmi :Guru IT , daleme ing Surabaya .
Bloge :muhyiddin11.blogspot.com.
.Mr.Joko Santoso:Guru IT, daleme ing Surabaya.
Bloge :gursmpn2sby.blogspot.com.
.Mas Capricornelian: guru IT, isih bujang, daleme ing Surabaya.
Bloge :caprie.wordpress.com.
Nakmas Setya Tuhu :guru SMA 2 Wonosobo.Yen ora salah bloge:smadazobo.worpress.com/smadazobo.blogspot.com, wah lali aku.
.Sing durung ketemu mbak Sito, apa ya bloge?
.Dene muridku kelas 9 saben kelas duwe blog dhewe,iku durung sing blog pribadi.
.Yen ana sing kliru nulisku, nyuwun pangapunten,nuwun.

KALIREN

2010-02-10T22:10:00.000-08:00

Tengahing ratri wis tumapak nanging sunar kauntungan durung durungbisa madhangi Muhamad Abdel Qawi.Nom-noman saka kulawaraga sugih brewu iku wis bola-bali ngalami kekalahan main kertu, kekalahane saya tambah kliwat saka patang puluh poun ing dalem telung jam.Iki meh saben bengi.Sing luwih cilaka maneh babar pisan ora perduli kekalahane mau. Terus anggone main, ngombe lan main karo kancane.
Nalika sikile wiwit jumangkah ninggalake meja main, dheweke wis lali karo apa sing ditindakake.Bengi iku leren anggone main,jalaran kepengin banget mlaku-mlaku ngiras nyegerake awak.Dalan-dalan wiwit sepi, hawa seger temenan, sawijining rasa sing bisa mulihake otot-otot kang lungkrah. Jangkahe alon-alon singsot-singsot lirih kadhangkala rada banter sithik, mlaku terus tanpa tujuan.Bareng wis rada sawetara, menggok manengen ngener kreteg Kasrel Nil. Disawang bae kreteg iku adoh tekan kana nglangut,nyebabake lakune dirikatake. Sikile wiwit munggah kreteg, alon-alon maneh lakune, dimen bisa nikmati hawa bengi. Kendaraan sing liwat sawetara wae, lete lan cepete padha.Lakune wis oleh saprotelon kreteg,ora kasengaja meruhi wong lanang manganggo rowak-rawek, sendhen neng pagere kreteg sangga uwang nyawang kali.Ora dadi kawigatene, lakune diterusake. Tekan watese kreteg mbalik wong mau isih ana kono, tingkahe iya isih tetep sangga uwang ora owah sethithik. Mananwa wae keturon ora krasa. Ora kanyana-nyana wong mau kejungkel, trengginas Abdel Qawi aweh pitulungan. Kurang sadetik mesthi kejegur kali, untung tangane kiwa kecekel. Sing ditulung nguwasi kalem, kaya-kaya ora ana kedadeyan apa-apa.Abdel Qawi lagi ngerti yen wong iku kuru lan praupane pucet.
"Apa sing kok karepake ?".Ora ana wangsulan,wong mau meneng bae. Kena apa wani tumindak kaya ngene? Kewan wae ora gelem nglalu, pikire.
"Apa kowe temen-temen arep nglalu? Geneya?Apa kowe mabuk utawa gendheng? Demi Allah critakna, he kewan !".
"Aku kaliren"wangsulane alot.
"Kowe ngapusi! Asu bae bisa nemokake panganan, lan aku ora percaya yen ing negara kene ana wong mati kaliren. Kowe mesthi tumindak ora bener, adol obat bius mbokmanawa?".
"Aku ora nyalahke kowe.Apa kowe ngerti tegese aliren? Wis nate menangi? Wis kok rasakake nalika nahan weteng perih kaliren? Lan tangise bocah-bocah wis tau nggrebegi kupingmu?Terangna kowe sing ngaku-aku dadi manungsa! Yen pancen ora ngerti golekana wangsulan apa sing jenenge kaliren keparat iku". Abdel Qawi rumangsa kagugah atine, rasa welase thukul banjur takon.
"Temen kowe duwe bojo lan anak?".Wong mau iya mangsuli kebak kekendelan.
"Biyen aku duwe omah.Aku nyambut gawe ana pabrik, duweke Abdul Qawi Shaker".Nom-noman mau kaget krungu jenenge bapake disebut, meh ilang kesabarane, nanging isih bisa nyandhet.
"Dadi kowe nyambut gawe ing kono?".
"Bener. Bayaranku nem piaster(dhuwit Mesir pen)sedina.Aku disenengi lan diregani.Aku bisa ngeneng-ngeneng tangise bojoku lan anakku enem. Kesabaranku cukup tinimbang juragan pabrik, sebab aku matur nuwun karo apa sing tak asilake.Juraganku sambat, mider-mider golek rekadaya kanggo nambah bayaran pegawaine lan ngetung-etung dhuwit sing aku ora ngerti.Pancen uripkuadoh saka cukup,nanging aku duwe pengarep-arep wektu kang bakal teka". Wong iku leren.Wewayangane wektu kepungkur, kaya-kaya ngentekake kekuwatan lan tenagane. Abdel Qawi dadi ora sabar.
"Bacutna , critamu nganti ana kedadeyann mangkene!".
Wong mau ngangkat tangane sing tengen, utwa apa sing isih ana ing ngisore lengenan klambi. Bisa dideleng sawijining balung nongol dudu sebaine.Tangan kiwa nudingi.
"Kowe weruh iki?Mesin nibani tanganku nugel perangan sing dak andelake.Aku dadi barang sing tanpa guna.Sawise aku waras, aku ngadhep juraganku atiku kebak pengarep-arep.Dheweke emoh nampa tekaku mung diwelasi sithik.Kuwi kesalahanku dhewe lan nyalahake sembranaku. Kanthi sinis juraganku menehi pesangon sethithik. Tak jelasake yen dhuwit samono bakal ora suwe lan aku bakal mati kaliren.Juragan janji arep menehi telung puluh piaster saben wulan, aku iya ora kuwawa jaluk luwih saka iku.Lagi tak ngerteni yen uripku ajur,ibuku, bojoku, enem anakku lan aku dhewe pancen ditakdirake kaluwen urip sangsara.Aku ngacungake tangan sing buntung neng dalan, supaya wong-wong mesakake.Gusti ngerti,apa tegese tindakku mau. Meh ora oleh apa-apa klebu nyuthiki tong larahan kanggo nemokake sisa panganan. Wates kekeuatanku kanggo ngregani awakku entek, aku wiwit nglokro. Kepeksa barang sing ana dak dol, malah barang sing banget dak butuhake uga katut. Panganggo entek anak-anakku prasasat wuda.Kaliren saya dak rasakake, tangise anakku banget nyusahake.Sajroning kaliren luwih gampang tinimbang nyawang anakku, nyawang bapake, eluhe dleweran:"pak aku luwe".Pasiksan sing banget nandhese.Aku ora seneng urip iki, aku ora seneng jagad saisine.Salah sijine kanca ngemis ngomong ngene"kowe ku kaya prawan sugih lan ugungan bae, sing biasa mangan setengah kilo daging saben dina. Kowe bisa biasa, kaya apa sing biasa dak tindakake yen ngadhepi anak-anakku.Gepuken nganti bisa lali luwene...."Wong iku leren anggone crita, ambegane menggeh-menggeh.Abdel Qawi sing sugih mau ora sabar, golek wangsulan sing sakira bisa kanggo ngadhepi persoalan iki.
"Apa iku sebabe kowe arep nglalu ?".
Wong mau gedheg, kaya-kaya kepengin yen critane durung entek. lan dicritakake maneh."Bengi nalika aku mulih,gumun weruh anak-anakku padha turu kepati. Apa wis biasa turu weteng kothong, nganti ora duwe rasa luwe? Anakku sing gedhe dak gugah, alon-alon dakjak lungguh. "Aku mari mangan roti panas"ngono omonge sajak ora nglegewa"saka sapa?" dak takoni."Saka paman Suliman tukang roti".Jeneng iku banget ngagetake atiku.Tanganku nyekel tangane sing cilik iku, nunggu tanggapane kanggo wangsulan tanggapanku dhewe:"apa makmu dikongkon jupuk nyang pabrike?".Anakku mangsuli"paman kongkonan anake lanang, ngeterke mrene".Sanajan ora ana alasan kanggo nyalahake, aku nesu banget.Mripatku natap bojoku.Ambeganku seseg.Bojoku turu kepati sawise wetenge isi sarana cah cilik anake tukang roti sing babar pisan ora ditresnani lan nupuk kauntungan sasuwene iki. Aku uga ngerti.....aku ngerti yen aku duwe rasa cemburu,nesu,kejahatan mesthi dak tindakake. Apa dak tekak wong wedok iku?Pikiran ala ngebaki dhadhaku, nganti pandelengku tumuju bocah-bocah.Kepriye yen nganti ora duwe emak lan bapak? Aku bingung.Nanging kanggo nyandhet nesuku angel, sikilku wis kadhung ndhupak sadurunge aku lunga maneh. Tangise sing memelas mbarengi lakuku. Aku bali mlaku-mlaku maneh kaya sakawit. Ngemis? Krenteg kanggo ales ukum banget nyiksa ati.Apa tukang roti Suliman dak pateni? Apa Abdel Qawi Shaker bae?Apa sing daktindakake tanpa anane tanganku sing tengen? Lakuku tekan kene weruh kali.Kali Nil banget dak idham-idhamke.Tekadku wis gembleng lan nuduhake kepriye kanggo ngaso kanggo salawas-lawase. Tembung mati sithik mbaka sithik krasa, yen sawiji dina mesthi tumiba awakku, sajroning aku mikir nasibku, kaliren, sambate bocah-bocah lan piye kabeh mau bisa katulungan. Aku matur nuwun karo Gusti sing Maha Agung, dene ora ana pepati sing nemahi bojoku.Aku arep ngidini mangan kanthi jujur,apa iku saka Suliman utawa wong liya.Aku siji-sijine wong sing kudu nggolekake pangan, dadi aku wani korban.Lan nalika kabeh mau arep dak tindakake,kowe ngalang-alangi.Ngerti saiki kesalahanmu?".
Abdel Qawi ngrungokake crita mau temen-temen.
"Apa kowe arep mbaleni aneh?".
"Ora perlu takon".sawijining wangsulan sing kalem nanging nandhes.Abdel Qawi mesem,tangane rogoh-rogoh sak lan nemokake dhuwit sepuluh piaster, diwenehake wong mau.
"Iki ana dhuwit tampanen.Sesuk esuk tekaa nyang pabrik olehmu nyambut gawe biyen. Aku ana kono, iki kertuku. Tuduhna sapa bae sing wani ngalang-alangi kowe mlebu". Wong mau diseret adoh saka kreteg.
"Keputusanmu aja kok tindakake.Isih ana dalan.Kowe bisa nyambut gawe jaga utawa apa sing kowe kuwagang.Muliha lan pikiren sing temenan.Oh iya sapa jenengmu?". Wong iku kaged, banjur mangsuli " Ibrahim Hanafi".
Tangane njongkrokake maneh nganti wong mau temen-temen adoh saka kreteg.
"Tindakna apa jare kandhaku Ibrahim sugeng dalu".Karo mikir ora leren-leren Abdel Qawi lunga.Kalonggaran apa nganti dheweke ngani tekan kene? Diakoni yen tekane pancen pancen aweh pitulungan.Pitulungan iku sawijining sifat lan tumindak luhur ngluwihi kalodangan kebeneran.Sawijining gagasan kang nggube ati nganti alise tepung.
"Pira kehe kulawarga sajroning kasusahan kaya Ibrahim bisa ditulung nganggo dhuwit sing saben bengi ilang ing meja main?".(TAMAT).

Carita iki nate dipacak ing majalah Panyebar Semangat tanggal 1 Nopember 1975. Pengarange NAGUIB MAHFUS, saka Mesir.Aku oleh crita iki nalika mlaku-mlaku ing dalan Semarang kok delalah nemu majalah Femina apa Wanita lali aku, banjur dak jarwakake basa Jawa, e... kok dipacak.

50.000 RUPIAH

2010-02-01T16:49:00.000-08:00

Surabaya terakhir......Surabaya terakhir barang-barang jangan sampai ketinggalan ngono bengoke kondektur bis lan kernet, aweh tandha yen panggonan kang dituju wis tekan. Bis alon-alon, wong klambi kuning rada abang karyawan terminal beke, padha pating genteyong munggah bis-bis teka. Arep apa,wong arep mandheg koki padha penthalitan.Bis mandheg, penumpang mudhun, wong klambi kuning rada abang kotor malah munggah, ndhesel-ndhesel penumpang.....lo gak mudhun, o.....ngangkat kranjange wong tuwa ya wis !Ee, sik entenana, barengana wong tuwa iku, ya....terusa! Kok wenehi pira mbah satus, wo kakehan iku, hh malah ditambahi seket maneh, ee ....isih kurang maneh wong klambi kuning rada abang kotor. Aja kok wenehi mbah, iya bagus, wis gek endang nitih bemo iku, pinter sampean.
Ana wong lanang isih enom isih enom nyangklong tas SAS, arep mudhun sajak bingung. Kok kari aku dhewe, mbok wong neng ngisor iku nyingkir aku dak liwat.
"Mbecak mas, mangga-mangga dhateng pundi? Ketintang ...Ngageljaya, mangga-mangga".
"Mboten!" wansulane rada santak ben diarani wong kendel wong kutha.
"Jembatan.....Jembatan Merah, Pasar Turi, Karang Menjangan ". Wong iku meneng bae, wong-wong liyane padha pating templek numpak bemo. Dheweke lingak-linguk, endi ta dalane metu, wong ok samene akehe, arep lunga menyang endi bae? Bis ko samene kehe duweke sapa? Paling cina, sasat saben tokogedhe jare masku iya duweke cina. Numpak bemo mudhun kanntor post, mbecaj satus, mlaku gang sedhela wis tekan nggone masku. Nanging bemone sing endi ta iki? Apa Jembatan Merah,bola-bali kowe rak ngomong ngono iya.Iya bemo rodha papat letere A, iya iku ana letere ana ngarepnganggo huruf balok, ora kleru. Penumpang lagi loro, cina siji kabeh nggawa koper gedhe-gedhe, tasku SAS kalah gedhe lan kalah apik. Suk bae yen wis nyabut gawe kaya mas,tuku ngono iku kaya wong kutha. La iki tambah loro, bemone budhal. Tekan endi iki kebun binatang,ana wong nyetop kok ora mandheg,njaga penumpang temenan, ora mburu dhuwit, ora ngebut. Lo, lo koki ngesuk ta wong iki, wis tekan ngendi, oh isih adoh bekne. ya terus-terusna olehmu eker-ekeran karo cina kancamu kuwi.
"Sing nggarahi kon iku Lim. Kudune dina iki kudu budhal Menado, kepeksa nggolek utangan kanca sing ora nggenah nggone.Yen ditata kaya ngene gak kuwat nyambut gawe karo kon".Liem meneng bae, tangane ngothak-athik arloji gedhe puterane ana telu.
"Karepku, suk yen tekan Menado diweseli".
"Apa percaya kancamu, upama didol sapa gelem nuku. Barang ngono kuwiora payu, beda karo mas-masan ".
"Apa maneh ora ana kwitansine".Kwitansi ditampani lan dideleng wong loro kang adhep-adhepan. Sajake wong loro mau kepengin duweni,wiwit mau ndeleng sak ngarep,mbok anawa dhuwite kurang.Sijine brengose nylirit ngganteng, takon ora nganggo basan-basanan.
"Pira koh tukune biyen?".
Durung suwe kok,iki lo delengen dhewe?".
"Wah ya iki sing jenenge arloji.Cocog kanggo nom-noman tambah gagah.Eman dhuwitku gak nyukupi".
"Pira iki? 175.000 rupiah?".
"Bener olehku tuku ana Jakarta, nalika ngencer sepisanan ing kutha iku.". Kanca jejere gendi ndeleng.
"Rugi yen gak dak tuku. Yen telung puluh ewu yak apa? Dhuwitku mung samono hare ".
"Wis ditambahi maneh ".
"Gak ana ya mung iku ".
"Liem kekno, apa klakon dina iki gak sida budhal?". Si Liem meneng bae, nglirik mrana- mrene wong lanang nom nggawa tas SAS iku nganggit-anggit.Mendahneya yen bisa tuku.Mau dienyang telung puluh ewu. Seket ewu mesthi diwenehna. Gampang kangmase bisa ngedol luwih samono, apa maneh ana kwitansine. Mase rak nyambut gawe ana kantor Gubernur. Kancane akeh, tukonane jam mesthi larang-larang.Ora dipikir dawa, lambene kumecap.
"Cobi ningali ".Jam mau wis ana tangane.Embuh dimenyani,embuh dikapakake, sawise nyekel jam, tanpa daya. Sakabehing barang kang diduweni, kudu diwenehake si Liem lan kancane.
"Kula gadhah yatra 50.000 rupiah.Purun mas?" wahuh yak apa se cak kon iku.
"Saklerespun nggih mboten angsal cobi ditingaliniku kwitansine ".Iyabae wong kwitansi palsu, kwitansne bajingan mbok ditulis sak yuta ya bisa bae.
"Wis ta Liem wenehna, pancen ya kudu ngene awake dhewe kudu gelem korban ".
"Yak apa ya" Liem isih ragu-ragu kaya iya kaya ora. Wekasan arloji lan kwitansi wis pindah tangan.
"Enake mudhun kene bae Liem, cedhak yen tuku ticket".
"Slirane mandhap pundi mas " pitakon iku tumuju mase nyangkolng tas SAS.
"Kantor Post!".
"Sekedhap malih pun dugi ngajeng niku. Anu Liem awake mudun kantor post pisan".
Wong iku mudhun, anehe Liem lan kancane bablas ngalor, nuju Jembatan Merah. Tekan omahe kangmase awake lemes,ngerti sabener apa kang kedadeyan?. Dhuwit 50.000 rupiah kanggo cicilan kendaraan amblas, diganti arloji pengaji kurang luwih 10.000 rupiah. Mula ta mula rek ngati-ati. Iku mono kedadeyane kancaku. Arek desa.Surabaya gak padha karo desa.Saiki bemo A diganti bis kota. Embuh suk-suk arep diganti apa maneh ana kedaeyan apa maneh.......... (seri crita kadurjanan).

Crita iki tau kapacak ing majalah Panyebar Semangat no.42 tanggal 16 Oktober 1976,nyritakake adike kancaku kena bujuk penumpang bemo nalika menyang Surabaya. Warta sing dak rungu adike kanca mau saiki dadi polisi.... Alhamdullah, sugeng maos.

KUMPULAN CRITA CEKAK

2010-01-09T22:16:00.000-08:00

Crita cekak.
Sabtu tanggal 9 Januari 2009, bar jaga ulangan aku karo Pak Sugeng ngendhangi majalah Panyebar Semangat, klangenanku nalika aku isih ana SR biyen.Saliyane silaturahmi aku iya kepengin nggoleki/copy crita cekakku sing tau kapacak ing majalah iki tahun pitung puluhan isih ana apa ora.E...kanggo cathetan anak putu yen yangkunge biyen tau ngarang sing dipacak ing majalah, sanajan majalah mau basa Jawa Panyebar Semangat. Tekan Bubutan wis rada awan, udakara jam loroan lan ditemoni piyayi sing asmane iya pak Sugeng padha karo asmane kancaku iki.Sawise ngobrol ngalor ngidul aku diparingi wektu kanggo nggoleki karanganku biyen.Mitraku pak Ugeng(aksara S ngarep dak ilangi), iya nggoleki kanthi tlaten.Perlu kawuningan aku biyen tahun pitung puluhan sregep nulis crita cekak,nanging sajege tahun wolung puluhan nganti saiki kok ora duwe semangat blas kanggo nulis, apa maneh saiki wis dadi embah.Tinimbang ngetik rak luwih apik momong putu, guyon lan liya-liyane maneh. Untunge ana pak Ugeng sing maring panjurung duwe blog, ora ketang bloge cowek....diwaca dhewek. La iki ketemu.....kanthi ora urut :
1.50.000 rupiah, dipacak majalah Panyebar Semangat no.42,tanggal 16 Oktober 1976.
2.Jaka Kawuk , no.48,tanggal 26 Oktober 1974.
3 Kaliren awujud jarwan bebas pengarang asline Naguib Mahfuz tg.
4.Memedi Sawijining Bocah jarwan bebas pengarang asline Agatha Cristie,no 29,17 Juli 1976.
5.Titik Sumarawati, PS no35/30 Agustus 1975.
Sing isih durung ketemu antara liya:Angin Pesisir, Wulan Juni Wis Kliwat, lan sawetara maneh, pancen lalian.
Salam kagem kanca pengarang sastra Jawa Surabaya, sing nggambar simbol/lambang iku aku, ana gambare Tugu Pahlawan lan ana aksara Jawa HANA,terus ana gambare ombak lan ana tulisan Paguyuban Pengarang Sastra Jawa Surabaya(PPSJS), dak gambar nalika Bapak Suripan isih sugeng.Saiki lambang mau isih dikanggokake apa ora ya sumangga. Dene pengarang wektu iku Suharmono Kasiyun,Sriyono, Susi Partosudarmo, Slamet Isnandar wah liyane lali aku.Mbok manawa ana sing maos blog iki, kersaa maring alamat, sapa ngerti bisa kekancan maneh kaya biyen tahun pitung puluhan.Aku biyen nggendhengi seratane Sri Setya Rahayu, Purwono, Tamsir AS,Esmiet, Suparto Brata,St Iesmaniasita pengarang mudha Suharmono Kasiyun lsp.

Materi Ulangan

2010-01-09T11:46:00.000-08:00

Materi Ulangan Basa Jawa Semester Gasal tahun 2009-2010,kelas IX SMP 2 Surabaya.
Buku pendamping weton MGMP, wacanen wiwit bab 1 nganti bab 6.
Bab 1.Crita rakyat Andhe-andhe Lumut.
Bab 2.Critane Pak Narko si tukang becak kang anake tumindak kurang prayoga.
Bab 3.Pidato/pengumuman/wara-wara.
Bab 4.Informasi Provinsi Jawa Tengah.
Bab 5.Tembang macapat Dandanggula.
Bab 6.Crita Wayang Banjaran Kresna, lan wacanen maneh kliping wayang kulit utamane silsilah Pandhawa.
Soale gampang kok,embuh wangsulane. Wacanen bola-bali mesthi bisa nggarap,ok.

Sugeng Warsa Enggal

2009-12-25T12:14:00.000-08:00

Cathetan TAHUN 2009
Tahun 2009 sedhela maneh bakal ninggalake kita kabeh lan kita ngadhepi tahun anyar 2010.Sadurunge iku akeh banget cathetan sing isih tumemplek ing angen-angen kita wiwit kasuse baya lan cecak,kasuse Prita Mulyasari sing oleh simpati awujud koin sing pengaji luwih saka limang atus yuta,pansus bank century sing saiki isih rame ing kalangane anggota DPR,program seratus hari SBY-Budiono,pro lan kontra ujian sekolah lan isih akeh maneh. Salah sijine cathetan mau yaiku kasuse Mbok Minah, wanita tuwa umur 55 tahun, wuta sastra,kang ing pertengahan wulan Agustus kepungkur nyolong woh coklat(kakao) ing perkebunan PT RSA 4(PT Rumpun Sari Antan 4)tanpa pager ing dukuh Sidoharjo,desa Damarkradenan,kecamatan Jatibarang, kabupaten Banyumas.Mbok Minah kang uga penduduk desa Sidoharjo mau,methik woh coklat nedya kanggo bibit,kang arep ditandur ing tegale.Woh coklat kang dicolong mau cacahe telu, pengaji Rp2.100,-(rong ewu satus).Konangan mandhore, kakao dibalekake karo njaluk ngapura marang kesalahane.Woh kakao ditampa dening mandhor, nanging mbok Minah ora diapura,malah dilaporake marang pimpinan kang sabanjure nglapurake menyang Kepolisian Sektor Ajibarang.Sawise polisi mriksa mbok Minah, ngelingi lan nyumurupi barang kang dicolong pranyata ora mingsra, polisi banjur ngajokake usul marang pimpinan PT RSA 4,supaya perkara iku dibatalake wae. Nanging pimpinan PT RSA 4 ora setuju, alesane "wong nyolong kudu diukum, ben kapok".
Sidane perkarane mbok Minah diproses, dening polisi diterusake menyang kejaksaan.Prosese dawa lan wiwit pertengahan Oktober nganti awal November ora kurang saka ping lima mbok Minah bolak-balik menyang Purwokerto, saperlu minangkani panggilan kejaksaan. Kamangka dohe saka omahe menyang Purwokerto ora kurang saka 25 km. Tur iku ora gampang, sebab saka omah tekan dalan sing ana tumpakan angdes menyang Purwokerto dohe udakara 15 km, kang biasane ditempuh mawa ojek, yen anake sing omahe cedhak kono ora bisa ngeterake nganti tekan dalan gedhe.Lunga menyang Purwokerto saperlu minangkani panggilan kejaksaan, ragade rata-rata Rp 50.000,-(seket ewu rupiah) sanyangan.Kepeksa mbok Minah nampa sumbangan lan bantuwan saka tangga-tangga, awit mbok Minah dhewe kalebu mlarat.
Wekasane ing sidang pengadilan tgl 19 November 2009 kepungkur, mbok minah dening hakim ditibani ukuman kunjara"percobaan" 1 sasi 15 dina,iki ateges mbok Minah ora perlu mlebu kunjara, kanthi cathetan, ora bakal nindakake tindak pidana sajrone wektu"percobaan" telung sasi.Mbah Pur mung mbatin yen nyolong barang pengaji Rp 2.100,-(rong ewu satus), diukum 1 sasi 15 dina, la koruptor sing ngrugekake negara trilyunan rupiah diukum pirang atus tahun?Aku isih eling nalika sekolah biyen ana maling pitik, diring reme-rame menyang kantor polisi, dietutake hansip lan sawetara bocah tanggung nyekeli tangane maling pitik mau.
Ah, tahun 2009 kang kebak sandiwara lan kebak tandha pitakon, piye iki, kok ngono ya?Muga-muga tahun sing bakal teka kahanan luwih tumata lan prastawa ing tahun 2009 kang kurang prayoga ora dibaleni maneh,Amin.
SUGENG WARSA ENGGAL TAHUN 2010.

SEMINAR

2009-12-16T12:13:00.000-08:00

Sendika Dhawuh .
Bubar mulang mbah pak Petruk maca pengumuman sing ditempelke ing papan, e mbok manawa ana warta sing perlu dingerteni.Rada sawetara olehe jingglengi pengumuman mau, diwaca bola-bali nanging unine ya pancet wae.Apa maneh iki, seminar, pamicarane priyagung sing lagi nyekel panguwasa,pangarsa ing dinas pendidikan barang ya dadi pamicara, banjur prabeya pira iki, boten salah tulis ta pakdhe? Ngono batine, mbah Petruk kelingan nalika dadi tenaga honorer tahun pitung puluhan kanthi bayar Rp.9000,-(sangang ewu rupiah),kanggo numpak angkot bemo roda telu RP.60,-/pp, supaya irit, saka kos menyang nggone mulang kepeksa mlaku lsp-lsp.Owahe kahanan saiki bayare wis bisa dirasakake, guru bisa kredit sepeda motor, bisa kredit omah nganggo KPR, malah guru sing wis nyukupi syarat oleh tunjangan proferi barang.Ana kancane pak Petruk sing guyon ngene, saiki golek bojo gampang amarga bayare guru akeh, biyen disiya-siya aja gelem ngepek mantu guru, anakku diingoni apa? Begjane guru saiki,apa maneh guru kakung,nembe diangkat PNS kathik ganteng pisan, sepedhae motor anyar sapa prawan ora katut, gak ngertiya sing mbandhani bapake.
"Ana apa kung? " aku kaged tibake pak Cantrik,yen nyeluk aku mbahkung,pancene wi s embah tenan wong putu wis loro.
"Iki lo seminar, wis maos apa durung?"wangsulanku genti takon.
"Walah kung, wong seminar kok dipikir.Awake dhewe arep pensiun. Coba diwaos sing tliti, lagi mengko menehi keputusan melu apa ora.Dadi ora dianggep angin-anginan. Dadi guru kok mung sendika dhawuh, bayare dipotong sendika dhawuh, dikongkon seminar kanthi mbayar samene kehe sendika dhawuh, embuh kono yen dhuwite wis akeh, bayare wis kakehan tah"?ngono pak Cantrik elik-elik setengah prentah.
"Sendika dhawuh pak Cantrik "wangsulanku.Pikiranku nglantur maneh.Ana saweneh kanca sing melu alasane, pira tegese dhuwit 300.000 repis yen dibandhingne karo tunjangan sing ditampa, apa maneh iki sing dadi pamicara para pangarsa sing pana banget marang tunjangane para dwija, mengko gek.....mengko gek.....Ana kanca kalebu pak Cantrik sing ora melu seminar mau kanthi alasan, sing nganakake saka swasta ,dadi dinas mung kanggo rekomendasi ajange kanggo golek rejeki, dene persyaratan foto copy rekening bank, foto copy setifikasi mung kanggo ngawu-awu wae. Seminar pesertane mung duduk manis melu saka wiwitan nganti rampung,menthi oleh sertifikat. Beda karo workshop, pesertane aktif nambah ketrampilan.Wah piye ngene iki? Wah ya wong akeh,seje-seje panemune.Wektu lumaku terus dina esuke ana warta yen sing wis mbayar 300.000 repis oleh cashback 100.000 repis, dadi mung mbayar 200.000 repis.Malah mbah Petruk krungu sruwing-sruwing yen mbayar langsung panitia mung 190.000 repis, mbuh bener apa ora wong mbah Petruk dhewe ora daftar.Peserta seminar mau manut kabar, ewon cacahe nganti disebar ing ngendi-endi panggonan,wong sa provinsi Amarta.Kanggo nglipur ati, mbah Petruk sowan keng rama ing Karangkedempel.
"Kene thole, kene thole...... lenggah kene thole, kae tela kukus karemanmu wis dak sediyakake ".
"Sendika dhawuh ...ma ".
" Thole Petruk, lenggah kene, jare awake ora kepenak, mbok dijaga ta thole kuwarasane".
"Sendika dhawuh ma, anu kok pancen awak ora kepenak watuk ora waras-waras, wis dak rontgenke ora apa-apa, pokoke aaja nganti kesel nemen ma ".
"Iya thole, yen ana larane sing mesakke ya anak putumu, mula ya kuwi thole sing pinter ngatur wektu lan jaga kuwarasan, iku pesene rama. Piye wis nyemak warta kang dimadi ing pungkasane tahun iki ?".
"Uwis kok ma, wiwit gegere pansus bank century,pro lan kontra ujian sekolah pengadilane Prita sing nganti bisa ngumpulake koin nyandhak atusan yuta, demo masa supaya wapres Budiono lan Sri Mulyani non aktif lan warta sing isih gres nelakake yen SBY nolak rekomendasi DPR".
"Bener thole, e..... ya kanggo nambahi wawasan paling ora menehi tulada marang murid yen guru pancen isih sregep maca ".
"Sendika dhawuh, tujuanku ya iku kok ma, menehi tuladha marang muridku,sukur-sukur kanggo guyon supaya muridku ora bosen ".
"Iya, thole iki mau rak tanggal 19, kok ora melu seminar rugi lo thole ".
"Ora ndeleng untung rugine kok ma, nanging ana bab liya sing perlu dak aturake".
"Thole, rama wis apal lageyanmu.Bab seminar rama iya wis ngerti critane, wong akeh mantan anak buahku ya crita bab seminar iki.Mau si Cangik ya teka kene, banjur uwakmu Togog ya nyambangi ngejak kancane,akeh kok iki mau.Aku ya rada kaged, biasane kowe kuwi anane mung sendika dhawuh ana prentah,apa iku warta apa pengumumann mesthi kok tindakake la iki kok ora melu. Mung dak batin apa ora duwe dhuwit anakku iki,arep dak paringi mengko atimu kagol, nesu, wong tuwa disiwak. Aku ya mung nyawang saka kadohan. Ya uwis yen kowe duwe panemu ngono, ora melu seminar ora apa-apa wis kadung kok niyati. Mung pesene rama aja lali kuwajibanmu nyambut gawe sing genah, aja nganti nyalahi aturan, kowe dibayar nganggo dhuwite rakyat, eling ya thole".
"Sendika dhawuh ma ".
..................................................................................