Pulo karang Kwajalein .

APA PULO KARANG KWAJALEIN ISIH DADI PANGGONAN KANGGO UJI COBA SANJATA ?
Pulo karang Kwajalein , bagean saka pulo Marshal, manggon kira-kira 3.700 kilo meter sisih kulon kidul Hawaii. Pulo karang iki sawijining lokasi paprangan antarane pasukan AS mungsuh Jepang ing Perang Donya II.
Ngadhepake invasi AS menyang Kwajalein , luwih saka 3.600 bom diceblokne dhisik, lan iku dadi prastawa pengeboman sing paling “terkonsentrasi “ ing Perang Pasifik. Sarampunge perang, pulo karang iki dadi wilayah militer AS “ lan dadi lokasi program jangka panjang uji coba sanjata nuklir utawa “ operation crossroads “. Nalika program uji coba leren sawetara ing era 1960an, fasilitas ing Kwajalein diowahi dadi fasilitas kanggo uji coba rudal antibalistik. Wektu iki, Kwajalein dadi salah siji stasiun pengontrol “ Global Positioning System” (GPS).
Ing wiwitan tahun 2011, generasi anyar persenjataan dicoba maneh ing Kwajalein.Sanjata-sanjata canggih hipersonik , uga sanjata-sanjata rudal tanpa awak sing duweni ping lima kecepetane swara, diluncurake saka Kepuloan Hawaii lan tekan pulo karang mau, kurang saka 30 menit.
Rudal-rudal anyar diluncurke ing dalem wektu telung tahap dorongan lan dirancang kanggo nggayuh target papan ngendi wae ing bumi jroning wektu sakjam. Uji coba rudal hipersonik sing ditembakake saka Hawaii iku nggayuh lapisan atmosfer sadurunge, banjur diceblokake kanthi kecepetan 6.000 km/jam lan ceblok ing perairan Pasifik cedhake Kwajalein.( kom.19212).

PDIM -Partai Dagelan Indonesia Malaysia

Pertandingan badminton antarane Indonesia mungsuh Malaysia, Sabtu(18/2), mesthine dadi tontonan sing menarik. Rivalitas rong regu mau biasane dadi bumbu nyamleng sing ndeleng.Nanging asa kanggo nonton partai sing narik kawigaten ora maujud. Sing ana mung dhagelan sing dikuwatirake bisa ngrusak nilai sportivitas olah raga. Tim loro mau sajake wis ora temenan nindakake pertandingan iki. Dene sebabe, antarane Indonesia karo Malaysia wis nggegem tiket ing putaran final Piala Thomas ing Wuhan, China, Mei 2012.Posisi katelu ing kualifikasi zona Asia wis ora duwe greget.Kamangka status turnamen mau iya minangka kajuaran beregu Asia.
Saka susunan pemain, Indonesia nemtokake Simon Santoso, Tommy Sugiarto, lan Dionisiyus Hayom Rumboko ing tunggal, dene dobele Alvent Yulianto/ Hendro AG lan Markis Kido/Hendra Setiawan. Sing ngagetake yaiku susunan pemain Malaysia, ora serius ing pertandingan iki.
Ing tunggal, Lee Chong Wei lan Muhammad Hafiz Hashim ora dimainke. Sing dipasang Daren Liew lan Mohammad Arif Abdul Latif. Ing tunggal katelu, la iki sing” istimewa”. Malaysia milih Koo Kien Keat, sing cetha wela-wela dudu pemain tunggal. Koo Kien Kiet iku pemain dobel Malaysia sing biasane gandhengan karo Tan Boon Heong. Dobel Malaysia malah milih Goh V Sem/ Hoon Thien How.
Endheke kualitas tetandingan mau wiwit krasa nalika Simon mundur saka glanggang ing game wiwitan kanthi alasan cedera engkel. Partai kaloro antarane Alvent/ Hendra mungsuh Goh V Sem/ Hoon Thien How iya nuduhake tanpa greget. Ora ana adu reli utawa smes get-getan sing diarep-arep penonton. Partai kaloro iki dimenanganke pasangan Malaysia, 21 – 14, 21 -18.
Ing partai katelu, Tommy main serius, nanging amarga mungsuhe ora imbang dadi partai iki anyep nyep malah nyebelake.Padha karo partai sadurunge, Kido/ Hendra ya ora oleh mungsuh sing sababak saka Lim Khim Wah/ Theo Kok Siang, Kido/Hendra mung mbutuhke wektu 25 menit kanggo mungkasi game mau.
Dagelan satemene yaiku ana ing partai kalima yaiku Hayom mungsuh Koo Kien Keat. Ora ana sportif blas amarga Koo ora serius, ndagel. Bola-bali ngguyu nalika gagal mbalekke kok, semono uga nalika oleh poin.
Tim Malaysia dhewe ora rumangsa isin kanthi anane tetandhingan mau “ La apa serius, wis gak ana gunane gak ana manfaate.Padha karo Indonesia, timku wis lolos , ora perlu menangke ing tetandingan iki” ujare Manajer Malaysia Abdullah Sayed Abu Bakar, pranyatan sing meh padha karo kang diucapake Wakil Manajer Indonesia, Yacob Rusdianto.
Malaysia lan uga Indonesia sah-sah wae duwe alasan kaya ngono. Nanging iki ironis amarga ora nggatekake sing diarani sportivitas.Yen terus mengkono, ora aneh yen badminton bakal ora narik kawigaten lan bakal ditinggal penonton. Biyuh….( kom19212).

PERINGATAN LINGKUNGAN HIDUP

Siswa -siswa SMPN 2 Surabaya yang telah berprestasi dalam rangka hari lingkungan hidup,tingkat kota Surabaya
1.Diaz Patria Yunianto ( 9H ) : Peserta terbaik dalam Eco Student of the week periode ke 4 Surabaya Eco School .
2.Hani Rizkya Hamdani( 8B):- Siswa terbaik dalam Workshop Gerakan Penghematan Energi.
3-Peserta terbaik II dalam workshop lingkungan “Pembentukan Karakter Peduli dan Berbudaya Lingkungan dengan program Adiwiyata “
4.Muhammad Rafi Paramaditya P.R kelas 8 I, Josep Fernandes Parulian S kelas 8I,Ridha Faradhila 7 F : juara III lomba Fotografi dalam kegiatan jumpa Perjalanan Ekspedisi Peduli Lingkungan .

JUARA LINGKUNGAN SEKOLAH DALAM RANGKA MEMPERINGATI HARI HABITAT.
1.Lomba kebersihan kelas & taman :

Juara 1 : kelas 9C.
Juara 2 : kelas 9B
Juara 3 : kelas 9H
2.Lomba foto :
Juara 1 : kelas 9A
Juara 2: kelas 9B
Juara 3: kelas 8D
3.Lomba mading lingkungan hidup :

juara 1 :kelas 8 F
Juara 2 : kelas 8 B
Juara 3 : kelas 9F
Para pemenang tersebut telah diberi piala maupun penghargaan, yang diserahkan pada upacara bendera hari Senin tanggal 6 Pebruari 2012, selamat.

ING NGENDI ZAMAN ATOM DIWIWITI ?

Ngadhepeke Perang Donya II, para ilmuwan yakin banget yen energy saka 1 gram uranium, yen dibakar ing kondisisi tartamtu, kekuwatane padha karo ping 10 yuta energi sing ditokke saka jumlah sing padha batubara lan hawa.
Wiwitan tahun 1940an, nalika perang dumadi ing Eropa, para ahli fisika sing padha memungsuhan uga wiwit nimbang-nimbang kanggo nggunakake uranium minangka piranti kanggo nyiptakake bom atom.
Ing Amerika Serikat, perlombaan kanggo nyiptakake “ reaksi berantai” lan mbangun bom atom wiwitan digarap dening sakelompok ilmuwan lan insinyur ing sawijining proyek ajejuluk “ Proyek Manhattan”. Ing wulan Maret 1943, titik focus proyek sawijining “ laboratorium sangat sangat rahasia “ sing manggon ing sawijining gedhung tilas sekolah ing cedhak Santa Fe, sing dijenengi “Los Alamos”.
Bom 2 dirancang ing Los Alamos : sawijining bom uranium kanthi julukan “ Litle Boy “ lan bom plutonium kanthi julukan “Fat Man “, arupa perangkat sing rumit saengga mbutuhake uji coba. Panggonan uji coba sing disebut Trinity, sawjining wilayah gurun kang mencil cedhak Alomogordo, New Mexico.
Pas jam 05:29:45, 16 Juli 1945, donya kanthi resmi miwiti mlebu “Zaman Atom” nalika “ Fat Man “ngalat-alat ing akasa ngadepake parak esuk. Mung ing itungan detik bledhosan Trinity nyiptakake awan mbentuk jamur sing sateruse dadi ikon terror global. Bledhosan kasebut ndadekake glepung alus dasar gurun, dadi “kaca kehijauan “ dideleng saka kadohan Albuquerque lan El Paso.
Kurang saka sawulan teruse, bom-bom saka Los Alamos dugunakake militer AS kanggo nglereni perang mungsuh Jepang. Ing tanggal 6 Agustus 1945, “ Little Boy” ngajar Hirosima lan telung dina teruse , duplikat “ Fat Man “,ngamuk ing Nagasaki.(KMPS,29112, P12).

Tugas kelas 9 semester ganep 2011- 2012

Tugas kelas 9, saliyane nggarap bab 7 nganti bab 12, gatekna tugas ing ngisor iki.
Kelompok 1 lan 2 : nulis crita wayang seri Ramayana lakon Anoman Obong, kanthi bantuan gambar foto copy . Gambar cacahe ana 6( enem). Supaya gampang anggonmu nulis dibantu Pak Pur.
Gambar 1 :Setting panggonan ing kaputren negara Ngalengka. Paraga: prabu Dasamuka, Trijatha lan dewi Sinta.
Gambar 2 : Setting panggonan ing keputren negara Ngalengka . Paraga : Anoman, dewi Sinta lan Trijatha .
Gambar 3 : Setting panggonan ing alon-alon/ lapangan negara Ngalengka . Paraga : Anoman, Indrajit (anake Dasamuka), Patih Prahastho lan para prajurit.
Gambar 4: Setting panggonan ing pinggiring segara. Paraga : Prabu Rama, Lesmana/Laksmana, Prabu Sugriwo, Anoman lan para prajurit wanara/ kethek.
Gambar 5 : Setting panggonan ing tengah segara. Paraga : para prajurit wanara, Yuyurumpung.
Gambar 6 :setting panggonan ing daratan Negara Ngalengka. Paraga Prabu Rama, Lesmana, Wibisono, prabu Sugriwo , Anoman, Aggada, Anila lan para prajurit wanara.
Kelompok 3 lan 4: nulis crita wayang seri Mahabarata lakon babad alas Mertani.

Gambar 1 , setting panggonan ing pinggiring alas Mertani.Paraga : prabu Matswapati, Seto, Utara, Wratsangka para prajurit Negara Wirata lan para Pandhawa ( Puntadewa, Bima, Janaka, Pinten, Tangsen).
Gambar 2, setting panggonan ing tengah alas Mertani . Paraga : para Pandhawa lan para jin setan sing manggon ing alas prajurite jin Yudhistira.
Gambar 3, setting panggonan ing kedatone jin , tengah alas Mertani.Paraga jin Yudhistira, jin Werkudara, jin Arjuna, jin Nakula , jin Sadewa lan para prajurit jin.
Gambar 4, setting ing tengah alas, ing omahe jin Wilawuk. Paraga : jin Wilawuk, dewi Jinambang lan raden Arjuna.
Gambar 5, ing tengah alas Mertani. Paraga para Pandhawa sing awujud manungsa(tulisen dhewe) lan para Pandhawa sing awujud jin( tulisen dhewe).
Gambar 6, ing Negara Indraprasta/ Amarta. Paraga : Bathara Narada, Bathara Bayu, Bathara Indra, Bathara Wisnu, Bathara Brama, para Pandhawa( tulisen dhewe ).

Katrangan :
a.Sadurunge gambar dilem ing buku kelompok, saben sagambar ditulis dhisik settinge panggonan, paraga lan sinopsis ing buku cathetan.
b.Gambar 1 (siji), digarap bocah 1 utawa 2. Tuladhane gambar 1 seri Ramayana, setting panggonan ing Keputren negara Alengka, paragane prabu Dasamuka, Trijatha lan dewi Sinta digarap/ ditulis nomer absen 1 lan nomer absen 2, ngono sateruse, gumantung akehe anggota ing kelompok mau.Sinopsis bisa dideleng keterangan ing gambar.
c.Yen 6 gambar wis digarap ing buku cathetan lan wis diparap Pak Pur, banjur gambar 1 - 6 , dilem ing buku kelompok, lan tulisan-tulisan ing buku cathetan dikumpulke menyang ketua kelompok, diedit lan ditulis maneh ing buku kelompok.
d. Yen isih bingung nyuwun pirsa pak Pur, ing ruang guru.