Sawise kurang luwih 14 jam pasa, kadhang kadhang kita kepengin dhahar sing enak-enak.
Kamangka, iya akehe dhaharan mau, pranyata kurang apik kanggo pencernaan,
malah bisa-bisa kosok balen. Mbok manawa aturku ing ngisor iki bisa kagem tambahan referensi panjenengan.
*Unjukan adhem.
Unjukan adhem pancen seger tenan nalika buka, nanging bisa
nyebabake radang tenggorokan. Sawise 14 jam krasa sanglit lan garing, banjur digrujuk banyu adhem, bisa mahanani
tenggorokan kita tatu.
*Unjukan sing ngandhung soda.
Unjukan sing ngandhung soda iya ora apik diunjuk nalika
buka, amarga bisa ndadekake dehidrasi, gerah maag, lan padharan kembung amarga
sadurunge ngunjuk mau padharan kosong.
*Dhaharan sing pedhes.
Lambung sing kosong
sensitif banget nalika pasa. Dhaharan sing pedhes bakal natoni dinding
lambung lan bisa nyebabake lara ing pencernaan.
*Dhaharan sing ngadhut santen lan gorengan.
Jroning padharan kothong, dhaharan sing ngandhung santen bisa
nyebabake sembelit. Dene dhaharan sing digoreng kanthi lenga kang kliwat taker,
nyebabake asam lambung mundhak.
*Keju, cokelat, kopi lan teh.
Keju lan cokelat angel digerus dening lambung, apamaneh
lambung ing kahanan kosong. Akibate weteng kita bisa kembung. Liya saka iku
kopi lan teh kudu disingkiri amarga nduweni kandungan kafein sing dhuwur lan
kurang apik kanggo lambung , amarga bisa ningkatate asam lambung. Asam lambung
sing dhuwur , kita bakal ngalami muneg-muneg kudu mutah;
*Woh-wohan sing nduweni kandungan asam sing dhuwur.
Woh-wohan sing kandungan asame dhuwur, bisa mahanani asam
lambung ningkat saengga lambung krasa
perih.
Nuwun.(sum. kom25713kc29vg/intpjb)
