Minggu, 27 Februari 2011

Maca sarana niyat arep maju .

Tembung sukses mono tembung manca, asale aka basa Perancis, ejaane kang asli :succes. Dene ngucapake swara “u “, ing wanda “suk” ora antep kaya ing salumrahe swara “u”, nanging ngambang ana ing antarane swara “u” lan “a”. Ana kang njarwakake sarana tembung : kasil utawa khasil, kang tegese oleh gawe. Nanging ora sethithik saiki ing cecaturan basa Jawa padinan kang nggunakake salinane ing tembung : berhasil. Upamane ing ukara:” Priye olehmu usaha menyang Jakarta, apa wis berhasil?” ,iku karepe, apa wis oleh gawe, apa sukses ?
Tembung “sukses” dhewe saiki wis wiwit populer, wis akeh sing nganggo ing pasrawungan urip katimbang lan tembung salinane mau. Malah ora sethithik kang nganggep yen tembung “sukses” iku wis klebu ing kulawargane tembung-tembung basa kita. Wondene tegese kang luwih cetha, sukses iku: kaleksanan apa kang ditindakake kasil kanthi becik. Terange maneh: pegaweyan utawa perjoangan kang wis katindakake kanthi berhasil, iku katembungake: sukses.
Tujuwanku nulis sing dak jupuk saka sumber, seratane bapak almarhum Imam Supardi iki, mengku karep supaya aku gelem nulis maneh lan iya kanggo wacan muridku idhepe-idhep nguri-uri basa Jawa, e mbok manawa ana gunane ing tembe mburi. Sokur-sokur sing kersa rawuh ing gubugku iku kersa maos lan atur panyaruwe lan nambah paseduluran.

Ngelmu iku pancen kelakone yen kanthi laku.
Mengkono uga sesuluh kang diandharake ing postingan iki, ora bakal bisa menehi paedah sethithika, yen ta mung disetujoni wae diakoni benere dhewe tanpa ditindakake kanthi keyakinane dhewe, sajroning padha nyambut gawe ing saben dinane.
Mula saka iku murih bisa gampang methik sarining sesuluh, luwih dhisik dak aturi migatekake sarat-sarat ,kepriye carane maos buku-buku apa wae kang bisa asung paedah :
1.Yen memaos buku isi wulangan, ing saben perangan utawa saben bab, waosen kanthi sareh aja kesusu-susu. Saben saperangan utawa sabab tamat pamaose, aja nyandhak perangan sateruse utawa candhake, nanging gagasen dhisik, apa lan kepriye karepe kang mentas diwaos mau. Yen isih kurang damang, kurang ngerti utawa ana perangan kang kurang terang, becike diambali maneh pamaose kanthi luwih tamban, luwih tliti lan luwih anjinggleng.
2.Maos klawan sareh iku tegese ora mung: daya-daya tumuli rampung bae, nanging : sajroning maos kudu diselingi “ ngaso sedhela”, memikir apa kang lagi diwaos mau. Yen ana ukara kang sajak nyaleneh, utawa kepranggul panemu kang nembe disumurupi, banjur pitakona ing sanubarine dhewe, apa iya bener lan nyata kaya mengkono? Diselang-seling pitakonan, kepriye carane enggone bakal nindakake isine anjuran kang dianjurake ing kono.
3.Yen saperangan wis tamat pamaose kanthi sareh lan tansah diselingi memikir, lagi mbanjurake perangan candhake maneh. Uga sarana sareh, tliti lan ora perlu daya-daya rampung. Becik ing saben-saben maos, nyandhinga potlot biru utawa potllot abang, perlu kanggo nyireni tetembungan utawa ukara kang perlu digatekake.Carane gawe tenger, ing sisihe tulisan perangan buku sisih kiwa utawa tengen diwenehi tenger palang. Yen perlu, ukara kang penting-penting dicorek ngisore mawa garis abang apa biru. Perlune tetenger mau, yen liya dina arep maos maneh, gampang bisane nujokake kawigaten marang bab-bab kang penting.
4.Kita manungsa iki padha kasinungan sesipatan: gampang lali. Mula saka iku, ing sawijining wektu, apa sesasi sepisan, apa rong sasi sepisan, utawa yen pancen nuju butuh sesuluh, becike buku-bukune kang maedahi, diwaos maneh. Pamrihe supaya bali eling maneh marang apa kang wis nate digatekake lan dipratelakake. Kudu duwe keyakinan yen tansah ana kesempatan kanggo mbeciki pakulinan.
Kaya mangkono carane maca kang becik, maca kang antuk kang nduweni tujuwan arep maju kaya dene bangsa-bangsa liya kang wis padha merdika. Aja dikira mung para sarjana jaman saiki bae kang nganjuri supaya wong memaca kanthi niyat arep maju, methik sarining wulangan kang becik. Dalasan para luhur ing jaman biyen, iya wis nate paring wulangan patrape wong maca kang becik, kasebut ing “Wulangreh”, tembange pucung kaya mangkene:
Lawan maning, ana ing pituturingsun, yen sira amaca, layang sabarang layanging, aja pijer katungkul ningali sastra.
Caritane, ala becik dipun weruh, nuli rasakena, saunining layang ugi, den karasa ingkang becik sira nggowa.
Ingkang ala,kawruhana alanipun, dadine tyasira, weruh ala lawan becik, ingkang becik wiwitane sira wruha.
Iya, ora ?! Wong kuna kok iya wis ngerti kepriye carane memaca kang bisa njalari antuk sukses, antuk paedah.Panyuwunku kaya sing wis dak aturake ing ndhuwur, aku kepengin nulis kang sumbere cetha muga –muga migunani kanggo awakku dhewe lan para muridku lan sapa wae sing rawuh ing gubugku iki. Saya akeh sing dak waca, tibake ora ana saempute yen ditandhingake karo panjengan kabeh, semono uga saya akeh sing daktulis iya ora ana apa-apane yen ditandhingake karo seratan panjenengan, utamane para penulis kang asmane wis kasusra, wis kondhang ngrenggani maneka warna kalawarti.Nuwun.
(sumber,holopis kuntul baris, almarhum bapak Imam Supardi sept 1956 , dicocogake manut ejaan anyar).

19 komentar:

  1. HADI 9G/15

    UDAN WAYAH SORE
    udan riwis-riwis nggawa angin gumanti
    ora kaya nalika kang kawuri sing kebak pangarep-arep
    dikaya ngapa lemah wus kebanjur teles

    sesuk esuk yen sang surya wiwit sumunar
    lan manuk kepodang colat-colot ana wit gedang
    tak tunggu tekamu ing sak ngisore payung
    tak kanthi lakumu tumeka ngendi

    mbokmenawa sesuk sore wus ora udan riwis-riwis
    marakake gawe kekesing ati
    manuk kepodang wus mabur mangulon
    nanging tetep tak tunggu tekamu ***

    BalasHapus
  2. ayu safira 9f no.6

    ALASKU SING WES ILANG

    Biyen wit-witan mu ngrembuyung
    Biyen godhongmu ledhung-ledhung
    Wit-witanmu gawe gunungku kuwat

    Saiki wit-witan wes padha ilang
    Dijarah,dhiketok,lan ditebang
    Digawe omah didol lan dibakar
    Alasku sing ijo royo saiki wis ilang

    Saiki mangsa redheng wis teka
    Bencana gedhe bakal dialami manungsa
    Saka tumindake sing murang tata
    Oleh paukuman saka Hyang Maha Kuwasa

    BalasHapus
  3. indriswara detary 9f/20

    PERJUANGAN HIDUP

    Sesosok arek cilik dekil
    Kumel nggolek rejeki
    Teka tumpukan-tumpukan sampah menggunung
    Gak peduli sinar matahari
    nyengat awak cilikmu
    Ambu busuk sampah gak kowe peduliin
    Karung abot kowe pikul
    Pun dadi gak kerasa
    Demi perjuangan hidup
    Kowe rela ngelakuake iku kabeh
    Sungguh hati mulia

    BalasHapus
  4. ELSA WARNA OCTAVIANY 9F/12

    SAWAH

    Pacul gowang semendhe lawang
    Endi maneh sawah seng digarap
    Pari,kedhele,lan sakabehe palawija
    Poyang-payingan
    Mendem kelepekan

    Pacul gowang arip kethul
    Kebo sapi lali guru waluku
    Precil lan kecebong
    Singidan sajroning rong

    Tani utun
    Endi sawah seng bakal diolah
    Udan gerimis gawe miris
    Udan deres ati kekes
    Udan salah mangsa ati nelangsa

    BalasHapus
  5. PENI KUSUMA GIRI 9F/28

    KOTA ASALKU

    Kota asal wong towoku
    Kota kang resik lan ijo
    Rujak cingur ciri khase
    Panganan kang ora bisa di lewatno
    Suro lan boyo lambange
    Jer basuki moro beyo semboyane
    Bonbin wisatae
    Bonek pendukunge
    Aku bangga dadi arek Suroboyo

    BalasHapus
  6. ALIFYA NABILA ZAHRA KUSTANTO 9F/03

    IDOLAKU

    Kowe ora sombong
    Kowe ora kemendel
    Kowe kapikan
    Kowe perhatian karo fans

    Kowe sabar ngadepi gosip-gosip seng ana
    Tekan gosip seng ngelekno
    Tekan gosip seng ngapikno
    Kowe adepi karo mesem-mesem wae

    Gak salah,yen aku ngefans karo kowe
    Kowe apik rupane
    Kowe ora padha sombong
    Sabar ngadepi opo wae seng ana
    Kowe adepi karo senyum lan semangat
    Gawe masa depan kowe
    Sukse idolaku.. :)

    BalasHapus
  7. SURGANE PARA TANI

    Adoh saka kutha
    Amparan Ijo mbentang luas
    Ing njerone akeh wit-witan
    Nyejukake ing mripat
    Nyejukake ing ati

    Ing tengah-tengah wit anakan
    Para Tani ngadeg gembira
    Mandangi Amparan Ijo
    Penuh kekayaan alam
    Panggonan pengadu nasib

    Ing Amparan Ijo
    Wit-witan akeh macame
    Mandangi Amparan Ijo iku
    Bayangake ono zaman sentosa



    OKTAVIA SAFITRI 9F/27

    BalasHapus
  8. PENI KUSUMA GIRI 9F/28 (BARU)

    KOTAKU

    Surabayaku...
    Kota asal wong tuwoku
    Kota kang resik lan ijo
    Kota kang akeh gedung-gedung tinggi
    Rujak cinggur iku ciri khase
    Panganan kang ora biso dilewatno
    Suro lan boyo iku lambange
    Bonbin iku wisatae
    Bonek iku pendukunge
    Aku bangga dadi arek Suroboyo

    BalasHapus
  9. NOVIA TRI ANJARINI
    9F/24

    INDONESIA KU

    Sederet-deret pulo kang bentang
    Akeh macem kabudayaan-kabudayaan
    Alas-alas kang ijo royo-royo
    Teka sabang kanthi merauke akeh pulo kang bentang
    Sanajan beda-beda nanging tetep dadi siji
    Teka puluan tahun perjuangan kanthi saiki merdeka
    Kangge Indonesia ku …

    BalasHapus
  10. Komentar ini telah dihapus oleh pengarang.

    BalasHapus
  11. Tsanil Falah 9f/32

    PETENGING WENGI


    sumribit angin ngelus langit sore
    manuk sriti bali ing pucuking cemara
    nganti tekaning wengi sing nyenyet
    gawang-gawang katon pasuryanmu

    gawe tambah kekesing angin sore
    tumlawung rasa kang ngulandara
    wengi bakal tumeka maneh
    bareng karo wewayanganmu
    kang bakal ngebaki impen petenging wengi

    lumaku turut petenging lurung
    bakal gawang-gawang campur mega-mega
    apa kudu tak buwang bareng karo lumingsiring wengi ?

    BalasHapus
  12. Komentar ini telah dihapus oleh pengarang.

    BalasHapus
  13. Riski lestari 9f/31

    KEMBANG ING PINGGIR DALAN


    Semerbak wangimu ora berubah
    Indahmu ora ana sing kalong
    Semilir angin ora kowe hirakne
    Debu-debu ora isok ngerusakmu

    Oh . . kembangku . .
    Istimewane awakmu
    Kemabang paling apik
    Kembang ing pinggir dalan

    BalasHapus
  14. Wahyu Roi Fernando 9f /33

    NALIKA UDAN DERES

    Udan deres sore kang nelesi gegodongan
    Aweh berkah kang lagi nandang garing
    Sawentara nambahi kekes sing kebanjiran

    Udan februari iki aweh nasib maneka warna
    Ing Surabaya sisih kidul para mitra ngekep dengkul
    Banjir sak nduwuring wentis mrusuh
    Saiki dadi segara banyu kang buthek

    Udan deres sore iki tak sawang lumantar jendela
    Cipratan banyu nelesi kaca mbaka siji mili ndililir
    Geneya aweh nasib sing ora pada
    Apa iya nbengi iki udan deres maneh?
    Mendung wis kandel gumantung ana langit

    BalasHapus
  15. Wahyu Sudarman 9f/34

    KALABENDU

    Tak sengguh kala bathara wus lebur
    Kisas karo bathara wisnu duk ing nguni
    Nanging tibake kok ora
    Abad nuklir lan globalisasi kok ya kaya-kaya

    Anake kalabendu
    Jalaran sajake dhengah uwong during siap mencak
    Yen wus siaga ngono ya no problem
    Balik sing during kok ya gantine kalabendu

    Apa jangkane kalatidha tukul meneh
    Mandi tenan sabdane R. Ng. Ronggawarsito
    Kapan-kapan wae kalabendu bisa tukul maneh
    Anggere titah nora waspada
    Lan mung nuruti hawa

    BalasHapus
  16. Nanang Fakhrudin 9f /23

    UDAN WAYAH SORE

    udan riwis-riwis nggawa angin gumanti
    ora kaya nalika kang kawuri sing kebak pangarep-arep
    dikaya ngapa lemah wus kebanjur teles

    sesuk esuk yen sang surya wiwit sumunar
    lan manuk kepodang colat-colot ana wit gedang
    tak tunggu tekamu ing sak ngisore payung
    tak kanthi lakumu tumeka ngendi

    mbokmenawa sesuk sore wus ora udan riwis-riwis
    marakake gawe kekesing ati
    manuk kepodang wus mabur mangulon
    nanging tetep tak tunggu tekamu

    BalasHapus
  17. N. Iflaha Aisyah 9F/25

    KAINDAHAN NDUNYO

    Apike alam ndunyo iki
    Laute ngombak-ngombak
    Megane ngarak-arak
    Hawa seger disebul angin

    Kula ngadeg ing nduwur gunung
    Ngadeg ing ngisor mega
    Kanggo ndeleng apike ndunyo
    Kaindahan alam

    Kula naruhake nyowo
    Mertahanke awak ing nduwur gunung
    Kanggo ndeleng kaindahan alam
    Kaindahan ciptaane gusti pangeran .

    BalasHapus
  18. Urip

    Urip iku anugrah
    Tekan sing maha kuasa
    Ana sing miskin
    ana sing sugih
    ana sing mlarat
    lan ana sing ningrat
    ana sing semangat
    lan ana sing bejat
    nanging urip kudu disyukuri
    yen nduwe sifat syukur iku bisa nentramake ati


    Nama: Hanif Dian Firmansyah
    Kelas: IX-i
    Absen: 37

    BalasHapus
  19. HIKMAH PUTRI SARY 9G/16

    I B U

    Saben detik ing uripku
    Mesti teriringake langkahmu
    Panjat dunga tekan latihmu
    Ora leren panjenengan aturaken

    Seben kula natapi panjenengan
    Terlintasake banyu mata ing pipi
    Eling panjenengan menehi segalane
    Kasih saying
    Ketulusan
    Perhatian
    Mesti panjenengan persembahaken sing paling apik
    Gawe kula
    Putri panjenengan

    Kula ngertos ora mampu kula ngebalasake segalane
    Kula sadar ora ana sing bisa nggantiake panjenengan
    Ibu…
    Matur nuwun tekan lubuk hati kula seing paling nunjem ati :’)

    BalasHapus

Sea Turtle - Finding Nemo Squirt Swimming