Yen ana wong dicakot asu iku dudu warta nanging yen ana wong
nyakot asu iku lagi warta. Ukara mau dak temu ana ing buku cilik seratane Pak Sin kang asesirah Golek Duwit
Sarana Tulisan sing dak tuku nalika mlaku-mlaku ing bursa buku bekas
jalan Semarang Surabaya sawetara tahun
kepungkur. Buku sing cilik tipis, nanging manis gampang dingerteni, pancen cocog banget kanggo sing isih blajar nulis embuh iku nulis warta , apa nulis crita.Eman buku mau dak ongkreh-ongkreh, nganti saiki ora ketemu.
Iba kagetku bareng maca warta yen
dina Selasa, tanggal 17 September
2013,panjenengane kapundhut ing dalem yuswa 89 taun. Inna lillahi wainna illaihi roji’un……
Sadurunge
iku aku wis ngonsep layang, arep matur apa pareng sebagian seratane bab
gempilan sejarah kang ana ing kalawarti basa Jawa Panyebar Semangat lan Jaya baya dak dak unggah ing
gubugku kene iki? Nanging kabeh angen-angenku cabar lan aku iya ora bisa nyalin
sakarepku dhewe tanpa keparenge sing kagungan naskah.
Pak SIN sing asma jangkepe H. Soebagijo Ilham
Notodidjojo, miyos ing kutha Blitar 5
Juli 1824, putrane kulawarga guru Ilham Notodidjojo – Ibu Sutinah. Krama karo
Siti Supiah ing wulan Mei 1961, swargi kagungan putra enem : Budi Setiawan, Budi Sawitri,Budi
Nastiti (alm), Budi Saraswati, Budi Wijiastuti lan Budi Prawitasari. Saka para
putra mau Pak SIN kagungan wayah sepuluh lan buyute lima.
Sugeng tindak Pak SIN, aku kabeh ndherek bela sungkawa,
jembara kubure lan tinampia kabeh amale, Amien.
Tidak ada komentar:
Posting Komentar