Kelas IX G (Good)
Saben mlebu ruangan kelas IX G, bapak/ ibu guru sing paring wulangan bakal pirsa fotone bocah- bocah karo fotone bapak/bapak ibu guru sing paring ilmu ing kelas mau.Foto-foto sing mejeng ing banner mau didesain Nissa bocah kelas IX G sing dikongkon kanca-kancane.Yen disetitekne saliyane fotone bocah, iya ana fotone bapak/ibu guru . Lo fotone Mam Lien (Ibu Sumarielein, guru basa Inggris), kok gak ana Nis ? Mam Lien boten kersa dipun foto pak , jarene Nissa. Saliyane foto iya ana tulisan :SELAMAT DATANG , WELL COME,SUGENG RAWUH , dikelas IX G tahun ajaran 2011 -2012.
Iki jenenge kanca-kancaku, fotoku endi ya ?
Anang, Ardianti, Athifah, Ayu Sasmita, Bahar, Citra, Dicky, Fahri, Fanda, Fani, Gita, Hazar, Henny, Insiya, Intan, Iqbal, Lailiyatul, Lis, Lolita, Maulana, Irvan, Nanang, Naufaldy, Nissa, Nova, Nurfarikha, Nurfadillah, Rina, Rizky, Tika, Wahyu, Warda, Yuli, Defly, Ar-Rafi
Komentar ini telah dihapus oleh pengarang.
BalasHapusPahlawan Kartini
BalasHapusSumarating cahya rembulan
Madhangi, ulat jagat, kang sampurna
Mobah musiking tentanduran
Siniram embun, kang tumetes, wanci enjang
Kasaput.....mring hawa maruta, ganda sumerbak
Aku banjur iling
Ilingku mring kamardikan
Kamardikan kang larang
Kang tinebus, nyawa, prajurit
Nyawa para pejuang
Yaiku sinebut, pahlawan
Kartini.....kartini.....
Sira pranyata, pahlawan wanita
Sentosa, deduweni tekat, kang mulya
Hambudidaya, kanti sakehing pikir, lan tenaga
Sang Hyang bagaskara, ywa nganti, aweh pepadang
Mring sang kartini
Gya weruh, mring kawajiban
Kartini...!!!
Nyinarke, pepalangan laku
Kartini...!!!
Gya gempur,lelawaraning tekat
Kartini...!!!
Sigra nempuh, barising pedut, kang hangendanu
Sanadyanto abot, nyagga kawajiban
Nangging, kanti tulus lahir lan batinmu
Tan prabeda, lawan tekading bangsa
Kang ngugemi, marang, kamardikan
Gegolonging muda-mudinging bangsa
Duweni tekat, ginelengeng dadi sawiji
Mulat marang solah lan bowo
Prajurit wanita, kang digdaya
Sesilih asma, kartini
Mbangun negara, kang mandiring
Prayata mujudake negara kang merdeka
RON GARING
BalasHapusWengi sansaya atis
nalika aku sesingidan ing sajroning swara gamelan
kang digawa dening angin
prasasat tan kendhat
anggonku kulak warta adol prungu
ananging isih mamring
aku wis pingin cecaketan
obormu kang makantar-kantar
madhangi jangkah lan jagatku
ana ngendi papanmu
lelana tapa brata
tanpa pawarta tanpa swara
aku kadya ron garing
kumleyang kabur kanginan
ing jagat peteng lelimengan
krasa luwih abot
anggonku ngadhepi dina-dina ing ngarep
mlakuku ora mantep
kagubet ribet lan ruwet
adoh saka cahyamu
pedhut ing sakindering pandulu
panjenengan
guruku, sihku, oborku
kancanana sukmaku sinau bab katresnan sajroning ati.
Nama : Lis Arifa Dwi Putri
No. absen : 20
Komentar ini telah dihapus oleh pengarang.
BalasHapusBabad Wedhi Pasisir
BalasHapusSorene sore jingga
wengine wengi biru
kembang pandhan mesem marang mbulan
tangane ngawe-awe sajak kemayu
apa hiya iki dayane layang atimu
sing jare bakal ditulis kalane ijen
lan sendhang mung amping-ampingann jendhela
sing wengi iki isih panggah binuka?
biyen aku nate apal gojegmu
kepiye nalika bingung ndhedher sagegem guritan
ing lemah suwung pinggire taman
ora ketang mbalang liring sambi mungkur
nyamudana wingkis sakehing kekarepan
nutup kudhuping kekembangan
iki babad wedhi pasir
rarasing riris dhadha kumesar
Warda/9g/34
LINTANG-LINTANG
BalasHapuslintang-lintang abyor ing tawang
cumlorot sliweran nalika alihan
kumleyang mencok ing socamu asihku
cahyane gumebyar sunare gilar-gilar
ing telenge atimu sliramu tansah dakantu
lintang-lintang alihan
cumlorot telu ana pundhakku
kawitan lintang abang lintang perang
kapindho lintang mirunggan lintang kamanungsan
pungkasan lintang kumukus lintang kadurakan
UDAN WAYAH SORE
BalasHapusudan riwis-riwis nggawa angin gumanti
ora kaya nalika kang kawuri sing kebak pangarep-arep
dikaya ngapa lemah wus kebanjur teles
sesuk esuk yen sang surya wiwit sumunar
lan manuk kepodang colat-colot ana wit gedang
tak tunggu tekamu ing sak ngisore payung
tak kanthi lakumu tumeka ngendi
mbokmenawa sesuk sore wus ora udan riwis-riwis
marakake gawe kekesing ati
manuk kepodang wus mabur mangulon
nanging tetep tak tunggu tekamu
Pangeran Diponegoro
BalasHapusRaga nata
Nala kawula
Ora lila
Taker ludira
Nggusah penjajah Walanda
Saka bumi Nuswantara
Runtiking ati
Pirsa solahing kumpeni
Sawiyah marang bumi lan abdi
Labuh pati ndhepani pertiwi
Tan ngetang kurbaning picis
Tan miris landheping mimis
Nganti tumeka ing lalis
Tumpes tapis
Penget tumrap para mudha
Mrih nulad anuladha
Labuh bangsa mbangun praja
Mbrastha durmalaning negara
SRENGENGE ESUK
BalasHapusKumencar kuning emas
Aweh salam liwat cendhela
sugeng esuk bocah bagus
sugeng esuk bocah ayu
pereng-pereng gunung dirambati
geget-geger ombak diusap-usap
tangan-tangan uwit sing ngawe-awe
mega lam mendhung disunari
kumencar soroting srengenge
nggawa panguripan ing bumi
aweh kekuwatan lan kasantosan
kanggo mlangkah tekan pucuk dalan
Mbak ini artinya apa? Tolong ya,besok saya disuruh mengartikan
HapusNALIKA SEPI ....
BalasHapuspasuryanmu sing bening
tumiba ing banyu mili turut pletheking surya
saya suwe tansaya adoh
ninggalake sepi
tan ana sabawa gumrisiking alang alang
aku mung bisa nyawang
pasuryanmu sing kagawa banyu mili turut kali
nganti datan katon kasaput pedut ***
IBU
BalasHapusIbu....
Amarga kowe aku lair....
Amarga kowe aku bisa ngerasakake....
dunya iki....
Lan amarga kowe....
aku bisa dadi kaya ngene....
Ibu....
Awakmu ngelairna aku....
tarungan karo nyawamu....
Awakmu ngerawat aku....
karo welas asih mu....
Ibu....
Yen aku lara....
Awakmu melu bingung....
Yen aku nangis....
Awakmu melu sedhih....
Yen aku seneng.....
Awakmu melu seneng....
Ibu....
Awakmu yaiku....
Pahlawanku....
Komentar ini telah dihapus oleh pengarang.
BalasHapusLayangan
BalasHapusIng tengah bulak
Wayah ketiga ngerak
Antheng mbrengengeng
Kinubengan langit biru tanpa sesulak
Mega putih tipis – tipis
Mesem krungu tembang kekidungan
Ngundang barat gedhe – gedhe, ngancik wayah sore
Tangan – tangan kasar
Ngulur kenur, dodongane mumbul
Anteng mbrengengeng sowangane
Pak tani ayem
Panggone binger
Srengenge angslup
Layangan mudhun, warna peteng tumurun
Cumanthel cagak, nganglah
Kesentor ublik katon gagah
Pak tani bungah
Iki kang daktemu ing kene mitraku
Ngundang layangan tanpa pamrih
Benang lan keamenangan
Oyak – oyakan dluwang
Ing kene layangan anteng, sowangan mbrengengeng
Kenure senar tanpa gelasan
Ana nduwur ana memitran
Apa kowe nate weruh
Nama : Lailiyatul Khiftiyah
Kelas : IX G
No Absen : 19
IBU
BalasHapusIbu ...
Rikala aku isih cilik, Ibu tansah gendong aku
Yen aku nangis, Ibu tansah ngerem-erem aku
Yen aku takon tansah jawab sarana tresnamu
Ibu ngenalke aku suara, mula aku bisa wicara
Ibu ngenalke aku tembung, mula aku lancar maca
Ibu ngulangi aku nulis,
Aku tulis geguritan kanggo Ibu
Ibu ...
Aku tresna lan kangen Ibu
Kaya tresnaku marang Ibu
lan ngangeangen suwarga
Ibu ...
Tak aturke sak baris geguritan kanggo Ibu
Mugi-mugi Gusti Allah tansah nresnani Ibu
Ngluwihi tresnaku marang Ibu
Dusunku ing dalem pesona
BalasHapusGugusan kabut dina esuk
Berpadu karo langit sing biru
Sang Mentari teka awit indahne
Nyambut kembang sing bermekaran
Adem nusuk kulit
Angin getarake dedaunan
Dak deleng kupu-kupu apik ing taman
Seraya mesem marang aku
Wahai dusunku
Indah temen awakmu
Karo keheningan sing sejuk
Wahai dusunku
Indah temen pesonamu
SESAWANGAN
BalasHapusWayahe lingsir sore
Ngetutake sikil tumapak lakune
Aku bisa nyawang alam gumelare
Meruhi ijo royo-royo tetandurane
Sesawangan endah ngelam-lami ati wae
Ing kadohan gunung merapi katon kukuse
Sapandurat nyawang kaedahan
Kaya-kaya keprungu dumelinging suwara
Lumantar endahing sesawangan
Aku weruh kumlawening Asta Dalem Pangeran
ngawe-awe kaya-kaya paring sasmita
kaendahan iku salam saka Pangeran
Legeging ati tan weruh purwa duk sina
Kembang Mawar Biru
BalasHapusKumleyanging rasa mecaki wengi
Kagawa obah musike ati
Gumunku ngrasake urip iki
Kabuncang angin tan kuwawi
Sambate tekan lungiting ati
Pancen dinulu urip pindaning sandiwara
Manut kandane bakul sinambi wara
jejering garwa sigaranig nyawa
Nanging ngapa malah dadi memala ?
Tuwuhing peputra sapa ora bungah
Awit Putra kinarya brana tan kinira
Nanging yen tibane padha murang tata
Apa keluwarga ora dadi sumber brahala
Nanging gumelaring jagad jatining semu
Kadya jejering kembang mawar biru
Surabaya
BalasHapusKuthaku... Surabaya
Isuk katon ijo royo-royo
Ing jamane semono
Nanging... saiki Surabayaku
Dadi kutha sin ado ing ayeme ati
Isuk,sore,tekan bengi
Ruame banget..
Sesliweran wonh,becak,motor,montor lan liya-liyane
Rasane mata sepet
Oh..... Surabayaku
Oh..... Surabayaku
Aku janji maring sliramu
Tansah ngramut ben dadi kutha idaman kabeh manungsa
Rina kurniawati
IX G-30
Endahing Bumiku
BalasHapusSaben minggu esuk
Sepedha tak jupuk
Alon - alon, tak pancal ngubengi desa
Ayo kanca
Padha ndang tangio
mlaku- mlaku nggolek hawa
Aja kowe padha ngenakno turu
ketilap sunaring srengenge
madhangi buwana
Coba delengen kae
endahing bumi kita
sawah, gunung, alas, segara
pancen nyata
gawe sengsem para wisata
RAMA LAN IBU
BalasHapusWong loro kang paling aku agung-agungake
Wong loro kang paling aku ajeni
Amarga slirane aku bisa ngene
Amarga slirane aku dadi gedhe
Wiwit cilik ibu kang tansah nggulah wentah aku
Wiwit cilik uga rama kang adus kringet
Mados arta kanggo nyukupi kabeh kebutuhanku
Esuk lan wengi rama lan ibu ora lali
Ndedunga marang Kang Maha Kuasa
Supaya putra-putrane tansah diwenehi kesehatan lan keslametan
Angen-angenku kanggo rama lan ibu
Mugi-mugi slirane dipun paringi panjang umur
Supaya aku bisa mbales sedaya pangribanane marang aku
Nur Farikha Rakhman
9G-28
Mung Sak Darmo
BalasHapussirah rasane bentet
cumleng
koyo kaentuk sewu kampleng
cangkem ku kesel
ngedumel
mung biso umad-umid
lungguh ku mung dingklik
oglak aglik
pancen durung sinayungan pangkat lan drajad
ugo durung sinayungan bondo kalawan onyo
ananging...
aku ugo isih manungso
kang ugo isih duweni pengarep-arep
Pengarep-arep iki isih tak jogo
impenku ugo isih tak openi
kekarepan iki isih tak duweni
ora luput wus nganti ora kuwowo
Garinge Donya
BalasHapusketiga landung
kali kedung asat
manungsa bingung pating bilulung
wit-witan pada ambruk
godhong-godhong garing kemlinthing
lemah pada bengkah
aja nganti sira aweh panudhing sapa salah?
jer sayekti kabeh pepeling
wigatining panembah
siniram donga pamuji kang grembaka
Nova 9G-27
REMBULAN
BalasHapusArepo sikilku ngambah bumi
Ananging awaku mabur ing awang awang
Mripatku nembus mega nyawang langit
Anyepe udan wengi wis ra karasake
Lan rembulan andhadhari sing tak ranggeh kui
Sunare ora tumuju nang aku
Pancen panggayuh sing ra guna
Amung tanganku wae sing neka neka
Aku kesel mabur terus
Aku pengin ngrasake padete bumi
Kaya wingi sakdurunge weruh rembulan
Wingi ngrasake wedang teh karo udud wae wis marem
PAK PUR, niki geguritan kula ngarang dhewe, sepuntene nek ala :D
BalasHapusMAWAR
mawar...
wangi tenan ambune..
abang, putih
ora ana bedane
abang, putih
podo endahe
endah sanget
abang lambang tresno
putih lambang suci
endah tenan mawarku
nanging, saiki mawarku
wis ora iso sumringah maneh
aku nangis!
aku nelongso!
KEKUDANGANKU
BalasHapuso, ngger sang ponang jabang bayi
bebarengan tangismu kang kejer sumusup ing wengi
sira wus lahir kanthi slamet
nyawang gumelaring jagat raya
yen sira nangis tak emban lan tak tembangake dandang gula lingsir wengi
kapurih sira bisa turu kanthi tentrem
yen sira mesem tak kudang tak liling
o, ngger sang ponang jabang bayi
tak gadang dadiya wong kang luhur bebudenmu ing tembe