Kelas IX E, kelase ing pojok lor wetan, wali kelasku Mam LILY,Asma jangkepe Dewi Sri Suka Lestari Lily Indrawati, moyang Priyangan , Jawa Kulon wih adohe rek. Mam Lily guru basa Inggris.Fotone cilike, aku endi ya, iki rak gara-gara Pak Pur, sing kepengin duwe kenang- kenangan arek sing pinter-pinter, ganteng-ganteng lan ayu-ayu he... Jenenge kancaku ya kaya ing ngisor iki, iki jeneng beken lo rek.
Kacong,firman,singgih,rian,aida,andhini,anziza,tita,duy,elisa,elva,fara,pepi,lia,emon,intan,uwik,kemal,lutfia,atus,mega,ilham,adit,fia,nisa’ul,nugroho,riris,hira,sarah,saad,teguh,fani,yudha,fira,dhika,faruq,erfan,nindi
Babad Wedhi Pasisir
BalasHapusSorene sore jingga
wengine wengi biru
kembang pandhan mesem marang mbulan
tangane ngawe-awe sajak kemayu
apa hiya iki dayane layang atimu
sing jare bakal ditulis kalane ijen
lan sendhang mung amping-ampingann jendhela
sing wengi iki isih panggah binuka?
biyen aku nate apal gojegmu
kepiye nalika bingung ndhedher sagegem guritan
ing lemah suwung pinggire taman
ora ketang mbalang liring sambi mungkur
nyamudana wingkis sakehing kekarepan
nutup kudhuping kekembangan
iki babad wedhi pasir
pinaes ganda aruming mawar
rarasing riris dhadha kumesar
NAMA:UMAR FARUQ
ABSEN:36
Crita Saka Manca
BalasHapusing papan sarwa salju, aku
ngangen-angen lawang gubug binuka
ana bedhiyang lan lincak
nanging wis kebacut dadi salju
guritan apadene kekarepan
nglinthing bareng tumiyupe angin
nunjem-nunjem dom periih
sadawane wengi
kangmangka ing ngisor salju pinendhem candhi
sing durung kober kababar unine prasasti
nama:teguh hindarto
absen:31
Kanggo Bumiku
BalasHapusapa aku kudu crita marang donya
menawa bumiku dina iki dirudapeksa dening sedulurku
satemene aku bora mentala nyawang bumiku
nangis ngaruara
sesambat lan banjur tiba glangsaran njlimeti
sisaning ati
nanging aku tanpa daya
nanging aku tanpa daya
sedulur
geneya kowe tega natoni bumiku lan bumimu
coba wengakna nuranimu lan jlumatana tindakmu
budinen pangudi dimen ora murangsarak
udinen pambudi dimen ora kumalungkung
sempalana crita durung rampung
sedulur
dakkira isih ana wektu semaur marang sambate bumidakkira isih ana wektu nambani tatune bumi
dimen ibu pertiwi
ngidung kinanthi
werdine nglumpukake pribadi
anyar minangka tameng
ngayomi ubenge bumi
JENENG : FITRI AYU AMALIA
KELAS : 9E
NO. : 14
Daktiteni
BalasHapusDaktiteni...
Apa-apa sing wis kokomongake
Dakcathet...
Apa-apa kang wis kokwanti-wanti
Ana ing sajroning ati
Ana ing telenging sanubari
Mbledhuki paugeran kang pinesthi
Lelakon iki,
Wis nuduhake sapa sejatine
Lamun sliramu kabeh mlbanjani janji
Marang wong-wong kang kaya aku iki
Wong kang ora nduwe aji
Kang kadlarung-dlarung, ora kumanan
Ora duwe sandang, pangan, lan papan
Janjimu...,
Esuk dhele, sore tempe
Elinga sadurunge mati!
JENENG : INTAN DWI AMALIA
KELAS : 9E
NOMER : 16
Jeneng : Duy Kusuma Dewi
BalasHapusKelas : IXE
No.abs : 9
Mlayua
Mlayua yen kudu mlayu
Tanpa rasa susah ing atimu
Anggawa katresnan kang gedhe,
Marang Pangeranmu
Mlayua yen kudu mlayu
Nanging aja lali tanggung jawabmu
Katinggal ing sajroning ati
Marang sesepuhmu
Mlayua yen kudu mlayu
Kalakon nggawa imanmu
Kependhem ing ati cilik
Mrang penuntunmu
Mlayua apa anane
Anggawa kaparingane ing awakmu
Kang karo sih kacipta ing donya
Mresep lakuning uripmu
Jeneng : Anziza Ismaqurotin
BalasHapusKelas : IX - E
Nomer : 07
PEPADANG BAKAL TUMEKA
Angrantu sinambi jumangkah ing dalan
Kang peteng kebak sandungan
Mecaki lurung lurung kang dawa
Satengahing ara-ara samun
Bumi kang kapidak kebak sinengker
Anggawa ganda bacin
Manuk manuk dhandhang kekitrang wayah sore
Peteng kang gemuleng ing angganing manungsa
Wus sinerat ana ing kitab duk ing uni
Pepadang bakal tumeka anggawa kabar bebungah
Kanggo kita sami jalma manungsa
Kang bakal amadhangi lurung-lurung
Dalan-dalan lan ara-ara samun
Amadhangi sakendhenging jagat raya
Mara gage kita sami tumenga ing angkasa
Mangayubagya rawuhipun sang pepadhang
Kanthi mesu raga nutup babahan nawa sanga
Mangestu nampi pepadhang
Mung Bisa Nyawang
BalasHapusApa sing dadi angenku
Kaya ora bakal dadi
Kaya cebol nggayuh lintang
Pengarep-arep kang gedhi
Ora bakal kelaksanan
Nyandhing pepujaning ati
Nama: aida istiqomah
No: 05
Kelas:IX E
Mung Bisa Nyawang
BalasHapusApa sing dadi angenku
Jeneng : Faraqanita Dwi Novianti
BalasHapusKelas : IX - E
Nomer : 12
Yen…
Yen aku ngrerindhu slirahmu
aja pisan-pisan nyebut jenengku
Amarga kembang ing taman kuwi
Isih setya marang aku
Yen aku ora butuh slirahmu
Tinggalen aku ing pinggiring samodra
Lan lunga’a kang adoh!
Aja lali ninggal tatu ing ati
Amarga aku bakal tega ngedol atiku
Yen aku goroh marang sliramu
Lalekna aku lan kamanungsanmu
Tumamakna pusakamu ing dhadhaku
Yen sliramu percaya
Aku mesti tumekeng pralaya
Ing kajujuran kang tanpa topeng
Jiwa raga iki kanggo sliramu
Ing sawijining wengi kang sepi lan suci
Sukmaku bakal tumuju marang sliramu
Komentar ini telah dihapus oleh pengarang.
BalasHapusJeneng: Elisa Septiardiyani
BalasHapusKelas: IX-E
No.: 10
KANG TAK PUJA KANG TAK PUJI
Kang tak puja kang tak puji
Kang tak sembah kang tak abdi
Sabeninging hasta warih mili
Ya suku kalawan surya piniji
Maes pethaking putih
Tak suntak sakabehing wadi
Jroning ening swaraning asepi
Munajatku Hyang Widhi
Kang tak puja kang tak puji
Kang tak sembah kang tak abdi
Jeneng: Elva Nur Lestari
BalasHapusKelas: IX-E
No.: 11
OMAH
Omah...
Papan panggonan kanggo mulih
Papan pamggonan kanggo ngenam penggalih
Papan panggonan kanggo ngarih-arih
Sakehing penggayuh kang lagi digalih
Omah...
Digawe ora kudu nganggo dredah
Ora kudu nganggo sawiyah-wiyah
Apa maneh kudu nganggo njarah rayah
Apa iya bisa gawe berkah?
Omah...
Sing digawe ora kudu mewah
Nanging bisa nambah berkah
Amarga dadi lambang kamulyan
Berkah amarga bisa njunjung derajat
Ora nglelara atine rakyat
jeneng : risky amelia r
BalasHapuskelas : IX E
no.abs : 27
MALEM GANJIL
kabeh padha manekung ing punjering urip
embuh apa sing diucapke sajroning ati
malem ganjil, sing dadi seksining alam
aja selak apa kandhane suwara-suwara
pilih sugih apa mlarat, pilih luwe apa wareg,
pilih susah apa mulya, pilih ayu apa ala
pilih pangkat apa derajat, pilih mati apa urip
pilih donya apa akherat,
kabeh suwara-suwara keprungu ing langit
ora ana kang bisa nutup-nutupi
ora ana kang ngalang-alangi
ora ana kang nggandholi
ngucapa, ngucapa, ngucapa
jujura, jujura, jujura
elinga, elinga, elinga
sapa sejatine sira
Sasi Maret
BalasHapusCahyane bagaskara kang katon mentor-mentor
Kaya nandhang kasmaran ing rasa iki
Lumaku tumuju sasi maret
Maret kang mratandhani setaun
Gegandhengan mecaki dalan panguripan
Nambahi sumringahing batin
Roti coklat kang dadi seksine wulan iki
Bakal dak eling nganti tumekane pati
Muga bakal bisa abadi
Nganti tumekane lingsir wengi
JENENG : Rosintya Roudhotul Zahirah
KELAS : 9E
NOMER : 28
jeneng : Andhini Putri Rahmawati
BalasHapuskelas : IX-E
no.absen : 06
WUTAH GETIHKU
Gumelar jembar bumi asri
Sumunar sumringah sunare bagaskara
Padhang sumilak hanelahi jagad nuswantara
Bumi pusaka wus kuwntar
Ombak-ombak samodra, kencana kang ngrenggani
Wutah getihku daktresnani
Kawulamu. . .
Guyub rukun anambut kardi
Jroning swasana tentrem lan mardhika
Giliging tekad manunggal
Cumitahak jroning ati
Bebarengan ambangun
Aku lila. . .
Korban jiwa raga kanggo bumiku
Nadyan awak ajur dadi sawur
Lan getihku mblabar nuli
Netesi bumi pertiwi
Labet raharjaning nagara
Lumantar iki. . .
Isining atiku ginurit
Prasetyaku thukul saka ati kang tulus
Njaga langgening kamardikan
Donga pujiku kebak kaendahan
Kanggo wutah getihku
Jeneng : Mega Fitri Sulistyowati
BalasHapusKelas : 9e
No. Absen : 21
TRESNAKU
Kayungyun duk samana nalika dak sawang
Runtut gunemmu
Dakik-dakik seratanmu ing nawala
Aku ngerti,
Merga suket godhong lan rembulan
Dadi mitramu sejati
Rina wengi tan bisa goling
Aku rugi.......
Merga aku lali
Banjur....
Tresnaku kaseret pedhut
Surup....
Esuk....
Lan kapan wae
Mesthi bakal ana wayah manembah
Pucuking angen-angen
TRESNAKU ndak sok mring GUSTI....
Komentar ini telah dihapus oleh pengarang.
HapusTermenung/ Ngelamun
HapusBengine dino..
Aku lungguh ing pinggir jendelo..
Ndelok bintang lan rembulan..
Seng mesem-mesem nyawangi kula..
Aku iri karo bintang lan bulan..
Ora pernah musuhan..
Sak ben dino akur, ora tau tukaran..
Yen wayahe budal dheweke barengbareng..
Yen wayahe mulih dheweke barengbareng..
Ewadene bedo, nanging pancet bolo..
Sumanggakno aku yo biso koyo dheweke..
Pasti aku bungah urip ing dunyo iki..
Onok konco seng biso dipercaya..
Nang seneng utawa susah..
Aku ra sadar..
Dadakno waspaku netes..
Ya Allah, balikno koncokoncoku iku..
Sadarno koncokoncoku iku..
Sak lorolorone atiku..
Aku yo ora tego..
Yen ndelok koncoku nangis niku..
Aku tresno marang koncokoncoku..
aku nduwe rasa
BalasHapuskidung lembayung
kidung ati kang wuyung
aduh biyung
crita karipta cinipta
ciptaning rasa
rasa sukma larabranta
aduh rama .
bungah lan susah
garising urip jalma tinitah
ngrekso rasa lan ukara
yen .. tho pance aku nduwe rasa tresno
nama :nafisah arfiani
kelas : 9e /24
Jeneng : Tifani Tiara Suci
BalasHapusKelas : IX. E
No. Absen: 32
RON GARING
Wengi sansaya atis
Nalika aku sesingidan ing sajroning swara gamelan
Kang digawa dening angin
Prasasat tan kendhat
Anggonku kulak warta adol prungu
Ananging isih mamring
Aku wis pingin cecaketan
Obormu kang makantar-kantar
Madhangi jangkah lan jagatku
Ana ngendi papanmu
Lelana tapa brata
Tanpa pawarta tanpa swara
Aku kadya ron garing
Kumleyang kabur kanginan
Ing jagat peteng lelimengan
Krasa luwih abot
Anggonku ngadhepi dina-dina ing ngarep
Mlakuku ora mantep
Kagubet ribet lan ruwet
Adoh saka cahyamu
Pedhut ing sakindering pandulu
Panjenengan
Guruku, sihku, oborku
Kancanana sukmaku sinau bab katresnan sajroning ati.
Jeneng : Aditya Firman Nugraha
BalasHapusKelas : 9E
No. Absen :02
SEDYAKU
Wis, Jeng…
Aku sumeleh
nyelehake pangarep-arepku
marang katresnan lan kawigatenmu sing semu
yen nyatane amung semene
cunthele lelakonku…
Pepenginku tansah sumandhing
lan nresnani sliramu
kudu dakprunggel
sing luwih wigati, Jeng
donga lan pengestumu wae
tansah mili kanggo aku
Wis, Jeng
aku pamit
becik njembarake pikir
nggayuh kabegjan
mring ati lan katresnan satuhu
tan ora binagi ing liyan
sempurna ing guritan siji…
Komentar ini telah dihapus oleh pengarang.
BalasHapusLintang-lintang
BalasHapuslintang-lintang abyor ing tawang
cumlorot sliweran nalika alihan
kumleyang mencok ing socamu asihku
cahyane gumebyar sunare gilar-gilar
ing telenge atimu sliramu tansah dakantu
lintang-lintang alihan
cumlorot telu ana pundhakku
kawitan lintang abang lintang perang
kapindho lintang mirunggan lintang kamanungsan
pungkasan lintang kumukus lintang kadurakan
absen tiga tiga pak !!
Nama : Mar'Atus Sholichah
HapusKelas: 9e
Absen: 20
Werdining Katresnan
Werdining katresnan punika
rerakit lumampahing mangsa kang ngukir lembaring dalu rina
kang sinerat dening astaNya.
Werdining katresnan punika
reroncening trenyuh kabagyan,
kang medal saking panangis lan gumuyu,
trus rumesep ing telenging kalbu.
Werdining katresnan punika
angaksami tumrap sadaya kalepatan,
nampi samukawis klentu pakarti tuwin sisiping pitembung.
Werdining katresnan punika
sabar sareh ugi nampi samukawis panandhang
lamun pedhut pacoban hanelahi, katresnan kinarya pepadhang.
Werdining katresnan punika
rak ugi sami pitados lan manungkung jroning pangajeng-ajeng;
awit katresnan salaminipun langgeng.
Werdining katresnan punika
peparingan Gusti Allah
katresnan kang mekar ing telenging manah,
konjuka ing Ngarsa Pepadhanipun…
Komentar ini telah dihapus oleh pengarang.
HapusJeneng:Adrian Lesmana
BalasHapusKelas:9E
No.abs:04
PETENGING WENGI
sumribit angin ngelus langit sore
manuk sriti bali ing pucuking cemara
nganti tekaning wengi sing nyenyet
gawang-gawang katon pasuryanmu
gawe tambah kekesing angin sore
tumlawung rasa kang ngulandara
wengi bakal tumeka maneh
bareng karo wewayanganmu
kang bakal ngebaki impen petenging wengi
lumaku turut petenging lurung
bakal gawang-gawang campur mega-mega
apa kudu tak buwang bareng karo lumingsiring wengi ?
KEKUDANGANKU
BalasHapuso, ngger sang ponang jabang bayi
bebarengan tangismu kang kejer sumusup ing wengi
sira wus lahir kanthi slamet
nyawang gumelaring jagat raya
yen sira nangis tak emban lan tak tembangake dandang gula lingsir wengi
kapurih sira bisa turu kanthi tentrem
yen sira mesem tak kudang tak liling
o, ngger sang ponang jabang bayi
tak gadang dadiya wong kang luhur bebudenmu ing tembe
Jeneng : Jatu Dwi Cahyanti
Kelas : IX-E
No.Absen : 17
Kebang Mawar Biru
BalasHapusKumleyanging rasa mecaki wengi
Kagawa obah musike ati
Gumunku ngrasake urip iki
Pindhaning palwa saumpami
Kabuncang angin tan kuwawi
Sambate tekan lungiting ati
Pancen dinulu urip pindaning sandiwara
Manut kandane bakul sinambi wara
jejering garwa sigaranig nyawa
Nanging ngapa malah dadi memala ?
Tuwuhing peputra sapa ora bungah
Awit Putra kinarya brana tan kinira
Nanging yen tibane padha murang tata
Apa keluwarga ora dadi sumber brahala
Nanging gumelaring jagad jatining semu
Kadya jejering kembang mawar biru
Tuwuh kadya pepethaning uripku
Bisa dadi sesawangan kang nentremke atiku
Nadyan tekaning asru ngreridu laku
Nanging bisa dadi tanda tuwuhing tresnaku
Kedaling lathi lilanana aku nyawang sliramu
Sanadyan hamung sakedheping nitraku
Pranyata Sliramu kang bisa nglipur atiku
Endahing slira bisa ngelingake kang nyipta
Embuh endahing esem, bisa gawe tentrem
Endahing busana, ngluhurake Pangeran
Awit kaendahan iku lenggahing Pangerana
Mula edahing mawar biru
Pindhaning pisungsunging mungguhing urip ira
Kang dadi srananing manunggaling rasa
Ing kono tuwuhe kabegjan jati
Jeneng : Luthfia Rizki Anada
Kelas : IX E
No.Absen : 19
NEGERI LARAHAN
BalasHapusAKU ORA NGGUMUN MANEH
NUSANTORO IKI DIPENUHI SEGORO SAMPAH
NANG KONO-KENE AKU NYAWANG
LARAHAN-LARAHAN MANUNGSO SING WIS ONO
SLAMETE...
JEK ONO WONG-WONG KUWI
WONG-WONG KUWI GELEM MILIHI LARAHAN IKU
JARNO WAE...
ISI WETENGE WONG-WONG KUWI YOIKU OLEHE NYAMBUT GAWE
NAMA:ADITYA SINGGI PRAYOGI
KELAS: 9E
NO. ABSEN:03
MATUR NUWUN GURU
BalasHapusguru
matur nuwun sampun maringi kula kawruh
matur nuwun sampun maringi kula impen
matur nuwun sampun maringi kula angen angen
sedaya ingkang mboten kula mangertos
saged kula mangertosi
sedaya ingkang mboten kula ngerteni
saged kula ngerteni
sedaya ilmu ingkang panjenengan paringaken
wonten manfaatipun
dumateng kula lan konco-konco
dumanteng bangsa lan negara
panjenengan supados penerang
penerang saka donya ingkang peteng
peteng impen lan angen angen
angen angen saged panjenengan dados cetho
maringi semanagat lan motivasi
motivasi supados berhasil
berhasil nggayuh napa ingkang di angen-angen
matur nuwun guru
pak niku geguritan hasil kula dewe :)
Hapusjeneng : fitri ayu amalia
BalasHapusno.abs : 14
kelas : 9e
JENENG : INTAN DWI AMALIA
BalasHapusKELAS : 9E
NOMER : 16
BIYUNG
Biyung,
Ing garbamu aku nate ngrasakake angeting katresnanmu
Uga ademing panggulawentahmu
Kang tanpa upama nglejarake langkahku tumuju ing karaharjan tanpa ninggalake paugeran lan kasusilan
Ing waspamu kang nyimpen luhuring bebana aku kaajap bisa dadi jalma kang utama
Biyung…
Sliramu gawe kangening ati
Sanadyan aku asring gawe gela
Nanging biyung tetep sabar
Surga ana ing telapakanmu
Ngampurane biyung…
Aku kangen, Biyung
Marang pangajapmu kang ora nate kendat paring pandonga kanggo jembar lan lancare langkah-langkahku
Randu Kuning
BalasHapusPapan nggonku ngulukake layangan
Saiki jembar bawero ngilak-ilak
Kebak wedhi, krakal lan watu
Kiriman saka Merapi
Swara jangkrik kang gawe ayem tentrem
Gumanti swara glumudhug nggegirisi
Banjir lahar wis ora ngumani
Tlatah Randu Kuning tanpa tabet
Mbok, reneo
Dalanku mung munthui wedhi
Aku gawe kraton dhuwur, mbok
Angen-angenku kareben ora kentir
Kaya sawah lan tegalanmu
Sawangan, 17 Desember 2010
Jeneng : Luthfia Rizki Ananda
Kelas. : IX E
No.absen : 19
Kembang Mawar
BalasHapusMawar abang....
Wernamu sing endah
Ambumu sing wangi
Rupamu sing ayu
Gawe wong terlena
Gawe wong terpanah
Jero buaian keendahan
Mawar abang....
Mahkotamu sing abang
Lambang kewanian....
Godhongmu sing ijo
Lambang kahidupan....
Mawar abang....
Kau dadi lambang cinta
Dadi ungkapan isi ati
Lan dadi ungkapan rasa cinta
Gawe wong sing onok ing jero ati
nama:aida istiqomah
no: 05
kelas:9e
pak niki sing anyar
Endahing Alam Dunyaku
BalasHapusEsuk iki wektu aku mbukak mata
Katon srengene ngintip saking wetan
Cahyane nyinari kahuripan alam semesta
Nggawe bungah kabeh insan ing ndunya
Embun esuk tansah nelesi gegodongan
Manuk-manuk padha nyanyi ing pucuking wit-witan
Angin semilir nggoyangake tandur-tanduran
Bocah-bocah padha dolen beblayon ing tanah lapang
Kanca-kanca
Ayo padha rene
Dedolen bareng ing kene
Geguyon ing ngisore srengenge
Kanca-kanca
Mlayuo merene
Ndeleng endahing alam bebareng
Supaya ati dadi bungah lan seneng
Ya Gusti, Kang Maha Asih
Sembah agung kula aturaken Pangeran-Ku
Panjenengan nyiptaaken kaendahan alam kang sampurna
Syukurku marang-Mu Gustiku. . .
Jeneng : Tifani Tiara Suci
Kelas : IX.E
No. Absen : 32
NB : Pak Pur, niki geguritan kula inkang enggal.
Jeneng:Elisa Septiardiyani
BalasHapusKelas: IX-E
No. absen: 10
SEKOLAH
Gedhong ngadeg njenggereng
Esuk kabeh teka bareng
Nggawa ati kebak seneng
Nampa piwulang kanthi enteng
Mbukak buku isi ngelmu
Manut pitutur guru
Nora sayah lan ngelu
Wanci ngaso rame cemuwit
Bocah cilik anjerit
Playon... guyon... sesendhon
Jeneng: Elva Nur Lestari
BalasHapusKelas: IX-E
No. absen: 11
ESEMMU
Esemmu bocah cilik
Yen wis bisa playon
Ora mreduli regane trasi
Ora mreduli arep mbedhi
Esemmu bocah cilik
Kaya dolanan jamuran
Marang pangeran
Esemmu bocah cilik
Nama: Devi Tita R.
BalasHapusKelas: 9e
Absen: 08
JANJI SEPI
dawane rel sepur liwat tengah alas sawah apadene kutha
prasasat isih dawa janjimu
kang nggawa daya sumringah ing sajroning laku
nlusup ing balung sungsum
angin melu nggoleki playune rasa kang sliramu gawa
netramu yen lagi nyawang jagad
agawe donya njomplang kadya katrajang gara-gara
ora kuwat nyangga bumi
ora kuwat ngreksa budi
angin isih nggoleki aburing kupu
mangsa rendheng udane nggrejih
nanging kali durung akeh banyune
rasa aneh kaya kang wis nate daksasakke
ngebaki guwa pertapan asri
kekidungan dhewe tan kena dipenggak
kadya lali purwa duksina
angin njajah desa milang kori marsudi janjimu wingi
Nama : Mar'Atus Sholichah
HapusKelas : 9e
Absen : 20
SEPI
iki sepine sopo?
kathik ono sepi sepo....
langit peteng kagubeng dening mendung....
tanpa angin tanpa wicara...
tanpa lagon tanpa gending...
yen sliramu isih rumongso tresno
gunemu bakal dak anti...
nadyan getir rasaning ati....
sepi....
iki sepine sopo
kathik ono sepi sepo...
Nama: Nisaul Sholihah
Hapuskelas : 9e
absen: 25
PESAKITAN
urip kang abot
ngene kleru, ngono luput
ngetan ora bener
ngulon ora gathuk
meneng salah, obah ora kena
dikungkung
dipingit
dipasung
dikunjara
dirante
dibanda
dirut
diidak
dikurung
dilebur
dijur-jur
diobrak-abrik
diosak-asik
dijuwing-juwing
angen-angene
pepenginane
gegayuhane
kamardikane !
Sadawane Uripku
BalasHapusNalika Baskara lumaku mangulon
Ninggalake Cahyo moyo-moyo kang mung kari ana raya
Ngentire gangsir muter lagu dedamen
Kang mrucut saka pangimpen
Ing perange kebonan
Mung bisa gak temokake
Swara kumrisike walang kayu
Delengan para jutawan
Isih lungguh ngatur wektu
Nanging aku mung bisa lungguh ana sakpinggire dalan
Yen menawa isih ana,
Kang menehi welas marang awakku
Jeneng : Rosintya Roudhotul Zahirah
Kelas : 9e
No.Absen : 28
- KANGEN BAPAKKU -
BalasHapusBapak.. siji jeneng sing nduwe sejuta arti
Bapak.. tak syukuri tau ngrasakake tresnamu
Bapak ngilangake rasa kesel gawe anak lan Biyung
Watu landhep omongane manungsa mbok singkirno
Bapak ndhawuhi aku pangerten sing ora aku ngerteni
Lan ngajari aku pamulangan sing ora aku ngerteni
Bapak iku kayata guru uga jaksa sing adil banget kanggo kaluwargane
Kanthi Bapak ngerasa sayah lan kesel banget
Lan bapak nitipake aku marang Biyung
Aku seneng nduweni Bapak kayak Bapakku
Aku tresna banget marang Bapakku..
Jeneng : Tresnamayu Rahma Dika
klas/absen : 9E/35
jeneng: Rumaisha Az Sahra
BalasHapuskelas | absen : IX-E |29
"Biola"
sing nggesek dawai iki
rasan-rasane aku sing nggerakake
nanging sabenere, aku sing nggerakake
terus-terusan, tekan detik kanthi detik
memori iki, ngerekam nada nada iki
lan ngira yen iki permainan sing ayu sanget
ora, iki Symphony Orchestra
lan ing tanganku mung ono siji biola
manungsa, kayata keris sing di celupke marang segara
nganthi kira yen segara iku serangkane berpagut
setithike wong sing weruh
yen dheweke kekurung ing njero endhog sing mambu
tangane terpasung ing khanthi pinggir dagu
ora tau netes, opo maneh urip
ndelenge cedhak, nanging ing tepine mata sing kang wulu
nganti opo artine manungsa sayuta-yuta
ing ndukur dunya budayane heboh karonta ronta
opo mung dadi tanda sing akhire urup dadi pelita
sadhela terang lan bali dadi gulita
rungokake jawabane tekan jerone meditasi
jiwa arahe nang nyelem menyang tentrem
jawabane podho
urip kanggo Shymphony Orchestra
lan ing tanganku mung ono siji biola
Jeneng : Duy Kusuma Dewi
BalasHapusKelas : IX E
no.abs : 09
"Percaya"
Percaya....
Percaya yen kowe bisa
Percaya yen iku nyata
Percaya kang bisa kecapai
Tanpa ana rasa wedi
Ing njeroning usaha
Ora tahu ngomong ora
Angge wujudake pengarepan
Usaha, doa lan kapercayaan
Kang dadi dasar
Ing njeroning ati
kang ana motivasi
Kowe kudu percaya
Kowe bisa nembus srengenge
Kowe bisa ngawujudake
Kabeh seng dadi pengarepanmu
JENENG : ZHAFIRAH ZAHRAH
BalasHapusKELAS : IX E
NO : 34
pak purwito, niki geguritan seng nggawe kulo dewe
IBUKU
Ibu,
Meningi donya kang sangsaya tuwa,
sliramu panggah mesem ngujiwat,
jroning duhkita sing pait kasangsaya,
sliramu panggah santosa ing budi...
Ibu,
sliramu iku jati dhiri manusa prakosa,
sing tansah nggantha lan nglari panguripan,
datan ngrasa kasayahen lan kamomotan,
tansah asung jurung pamuji,
mring jiwa-jiwa kang rengka,
tansah paring winihing katresnan,
setya nepusi dina lan sasi,
dene lungiting angin lan samudramu,
ngimbuhi greget prauku lelayaran,
ngupadi tentreming ati,
ing sangkan paraning dumadi...